Matiyu 11:19 - The Keyagana NT and 25 OT books

¹⁹ Vemo mafaʼnemoʼmo eno neʼyaʼe aniʼeʼmo neno maiʼnigeʼapaeʼmo ohapauʼnigeʼa lusi neʼyaʼe aniʼeʼmo neʼneya afayaʼe vekamo maiʼniye, huʼa nehae. Takesi moni neʼaliya vayaʼe hosu vayaʼeʼmo apao vekamo maiʼniye, huʼa nehayaʼmonanafa Goti mafaʼneʼamogimo alagepa huno ageteno afiʼniya kavafeʼmo, alagepa kavaʼmo nehiye, huʼa nehae.

Matiyu 11:19 ပူးပေါင်းရင်းမြစ်များ

Mai'naya kavane 17:24

Afino aeto huʼniya vekamoʼmo afiteno ageʼniya kavateʼmo aulu heno ageno neʼmaiyaʼmonanafa negi vekamoʼmo muki haopalegamo haneʼniya yatefeʼmo aulu heno ageno neʼmaiye.

Mai'naya kavane 23:21

Lokiya aniʼmo neteʼa negi nagi nehaya vayaʼe asole neʼyaʼmo neʼnaya vayaʼeʼmo kafu hugae. Neʼyaʼmo neteʼa apau kaleʼa neʼmaiya vayaʼmo atalagauʼnisiya kukenamo vaigae.

Matiyu 5:46

Apakaemo lapakaefeʼmo hapau apayamopafiʼmo nehapausiya vayaʼaifekeʼmo lapau lapayamopafiʼmo nelapausiyana na agufa miyatapimo aligae. Takesi moni neʼaliya vayaʼmogimo ani agufa kavaʼmo nehae.

Luki 14:1

Mago Sapati afinaʼmo Yesuʼa Falasi vekamo yagaino neʼapateya vekamo nopiʼmo neʼyaʼmo nesiyafeʼmo uno haino maiʼnigeʼapaeʼmo yagaiʼa maiʼneʼa aulu heʼa ageʼa maiʼnae.

Luki 19:7

Ani kavaʼmo ageteʼapaeʼmo, hosu vekamo nopiʼmo uno haiʼniye, huʼa huteʼa hagalu hagalu huʼa ge hauʼnae.

Luki 7:29

Muki afa vayaʼmogiʼe takesi moni neʼaliya vayaʼmogiʼeʼmo Yoniʼa huʼniya gemo afiteʼapaeʼmo, Gotiʼa alagepa vekamo fatago vekae, huʼa huʼnageno Yoniʼa aniʼmo faleno apateʼniyaʼmonanafa

Yoni 2:2

Ani vayaʼmogimo Yesuʼe geʼamo neʼafiya vayaʼefeʼmo ge huʼnageʼa eʼa maiʼnae.

Lomu 15:2

Lagaemo lamete lamete huta konagatimogi apamogaga aiʼa alagepa huʼa maisayafeʼmo hapa maeta alita lokiya vaita apatesuna kavaʼmo haneʼniye.

Leveleseni 7:12

Apakaemo huʼapaeʼmo, He lama ge. Gotitimofeʼmo amuse huʼa ateteʼa agiʼaleʼmo aliʼa asaga huʼa ateyo. Alagepa huno ageteno afiʼniya vekamae, huʼa huteʼa hao ke heʼa ala agiʼamo amiyo. Muki yaʼagi lokiyaʼagi himamuʼagi huno haneʼniya vekamae, huʼa, muki afinaʼmo hume hume viyo. He lama ge, huʼa huʼnae.