Matiyu 10:5 - The Keyagana NT and 25 OT books

⁵ Yesuʼa ani tuolofuʼa vayaʼmo alino apatetenoʼaeʼmo, Yu nofi vayapatiʼmo oʼmaiʼnisaya vayaʼaitegaʼe Sameliya vayaʼaitegaʼeʼmo oʼviyo.

Matiyu 10:5 ပူးပေါင်းရင်းမြစ်များ

Matiyu 22:3

Agaemo aliʼyaʼamo neʼaliya vayaʼmo alino apateʼnigeʼa uʼa eyo huno ge huʼniya vayaʼaifeʼmo hapa paiʼapaeʼmo, yahauve vekamoʼmo ago neʼyaʼmo kaeʼniyanagi eyo, huno huʼniye, huʼa hapa paiʼnayaʼmonanafa oʼafiʼnae.

Matiyu 4:15

Alopa kaniʼamoʼmo Sepalani koʼe Nafatalai koʼeʼmo haneʼniya haopalegamo solovala aniʼmo mugagayaga faliga Yoneni aniʼmo uno nelamiya haopalega Galeliya kotega alu nofi vayaʼmo maiʼnaya vayaʼaitegamo aeno ha leʼnigeʼa ageʼnae.

Maki 6:7

Yesuʼa tuolofuʼa vayaʼaifeʼmo, eyo, huno huʼnigeʼa agaetegamo eʼnageno lole vekalaʼmo alino lokaeno anatete anatete huteno alino apatesigeʼa uʼa hosu apaune vayaʼmo aliʼa hapafaiʼa apatalesayafeʼmo himamuʼamo apamiʼniye.

Luki 10:1

Ala kava neʼmoʼa sevetiʼa vayaʼmo lekana paino apateteno lole vekalaʼmo alino lokaeno anatete anatete hutenoʼaeʼmo, muki uʼneʼna hisuva taonifiʼe kotegaʼeʼmo uta hogotetegeʼna vino.

Luki 10:33

Agegeʼana ataleʼana uʼnaʼaʼmonanafa mago Sameliya vekamoʼmo eno agetenoʼaeʼmo hau huno ateteno

Luki 17:16

Yesu aiyafiʼmo agoʼya faiteno hao ke heʼniye. Ani vekamo Sameliya kotega vekamae.

Luki 9:1

Yesuʼmo tuolofuʼa vayaʼmo geʼamo neʼafiya vayaʼaifeʼmo ge huʼnigeʼa eʼa maiʼnagenoʼaeʼmo hosu apaune vayaʼmo aliʼa hapafaiʼa apatalege kaita nehapausiya vayaʼmo aliʼa hapageʼa apatege hisayafeʼmo himamuʼamo apamitenoʼaeʼmo,

Luki 9:2

Gotiʼa yagaino neʼapateya kavafeʼmo ava gemo aeta hakalo huta hapa paitetapa kaita hapauʼniya vayaʼmo alita hapageta apatemale apatemale huta umenitata hiyo.

Yoni 17:18

Kagaemo ma mopafi vayaʼaitegamo alika nateʼnanageʼna emiʼneʼnova kava huʼna ma mopafi vayaʼaitegamo aliʼna apateʼnogeʼa uʼnae.

Yoni 20:21

Yesuʼa halate hunoʼaeʼmo, lapaipamoʼmo falu hino, huteno, Afoʼnimoʼmo alino nateʼnigeʼna emiʼneʼnova kava huʼna aliʼna lapatesugetapa ugae, huno hapa paiteno

Yoni 4:20

Muki laginago vayaʼmogi mani aveleʼmo Gotifeʼmo mono huʼnayaʼmonanafa lapakaemo Yu vayaʼmogitapa hutapaeʼmo, Yulusalemu taonifikeʼmo Gotifeʼmo mono hiyo, hutapa nehae, huno ha paiʼnigenoʼaeʼmo

Yoni 4:5

Sameliya kotega mago taonimo agiʼamo Saika kotegamo uno avaʼyi huʼniye. Ani haopalega Yekopuʼa mago mopamo alino mafaʼneʼamo Yosefeʼmo amiʼniya mopamo haneʼniye.

Yoni 4:9

Yu vayaʼe Sameliya kotega maiʼnaya vayaʼeʼmo magokepiʼmo lokaeʼa oʼmaiʼnafa apaote apaote huʼa maiʼnayaʼmofeʼmo ani a kanomoʼa geʼaleʼmo aeno atagaina hunoʼaeʼmo, kagaemo Yu nofi vekamo maiʼnanageʼna nagaemo Sameliya a kanomo maiʼnovana na kava higekaeʼmo aniʼmo he fika namiyo, huka nehane, huno ha paiʼniye.

Yoni 7:35

Yu vayaʼmogi apakaiʼapimo huʼapaeʼmo, haiya kotegamo visiyafe hunoʼaeʼmo kahauya hutapa oʼnagegae, huno nehiye. Agaemo vayatimo atagu faeʼa uʼa Galiki nofi vayaʼeʼmo lokaeʼa maiʼnaya kotegamo uno alino apaya malesiyafeʼmo nehifiye.

Yoni 8:48

Yesuʼa ani gemo hapa paiʼnigeʼapaeʼmo, lagaemo kagaefeʼmo hutaeʼmo, Sameliya vekamo maiʼnigeno hosu aune vekamo aipafiʼmo maiʼniye, huta nehune. Lama gemo nosupiye, huʼa afi geʼnagenoʼaeʼmo,

Apa 1:8

Oʼafigayaʼmonanafa Goti Aunemeʼamo aote Aunemeʼamo lapakaeteʼmo emineno lokiya vaino lapatesigetapa Yulusalemu taonifinagi muki Yutiya kotegagi Sameliya kotegagi muki ma mopamo loleʼe loleʼe atupalegagi hutapa nava gemo aeta hakalo hutapa hapa paimale hapa paimale hugae, huno hapa paitegenoʼaeʼmo

Apa 10:45

Yu vayaʼmo apakesamo afiʼa fatago huʼnaya vayaʼmo Pitaʼeʼmo Yopa taonifatiʼmo eʼa maiʼnaya vayaʼmogimo ani kavaʼmo ageteʼapaeʼmo hapau aiʼnae. Alu apake alu apakemo aiteʼapaeʼmo Goti agiʼaleʼmo aliʼa asaga huʼnageʼa afiʼnae. Afiteʼapaeʼmo Gotiʼa fiku hapa maeno neʼapamiya Aunemeʼamo alu nofi vayaʼmo apamiʼniyaʼmofeʼmo hapau aiʼnae.

Apa 8:1

Sitiveniʼa faliʼniya afinaʼmo Yulusalemu taonifiʼmo maiʼnaya siosi vayaʼmo lusi hanageke yaʼmo apamiʼnae. Apamiʼnageʼapaeʼmo muki siosi vayaʼmo atagu faeʼa apaune heʼa Yutiya kotegaʼe Sameliya kotegaʼeʼmo uʼeʼa huʼnageʼa apa vayaʼageʼmo Yulusalemu taonifiʼmo maiʼnae.

1 Tesaloniyani 2:16

Lagaemo Yu nofi vayapatiʼmo oʼmaiʼnaya vayaʼaifeʼmo ge hisunageno Gotiʼa apakufamo alino katino apatesiya kaʼmo aliʼa akani maleʼnae. Muki afinaʼmo ani kavaʼmo nehagenoʼaeʼmo hosu kavaʼapimoʼmo lusi kava huno havai teʼniye. Gotiʼa apakava maiʼniyaʼmonanafa hemenimo lusi kava huno aipamo leno apateteno kayoʼmo apamiʼniye.