Matiyu 10:4 - The Keyagana NT and 25 OT books

⁴ Saimoniʼmo gamani kavateʼmo yagaiʼa neʼapataya kavafeʼmo Seloti pati vekagi Yutasi Isakaliyoti kotega vekamo Yesu kutulu yaʼmo nesiya vekamogi huʼa ani vayaʼmae.

Matiyu 10:4 ပူးပေါင်းရင်းမြစ်များ

Matiyu 26:14

Yutasiʼa Isakaliyoti kotega vekamo tuolofuʼa vayapati vekamo apataleno mono huʼa neʼapataya vayaʼaiteʼmo yagaiʼa neʼapataya vayaʼaitegamo uno hapa painoʼaeʼmo,

Matiyu 26:15

avaleʼna lapamisuvafeʼmo na agufa yaʼmo namigae, huno ge huno apafi geʼnigeʼapaeʼmo tetiʼa siluva monimo lekana paiʼa amiʼnae.

Matiyu 26:2

ago afiʼnayana lole afinaʼmo utesigeno Pasova hopa afinaʼmo afole aigiye. Afole aitesigeʼapaeʼmo Vemo mafaʼnemo malipu yosaleʼmo nili aiteʼa aliʼa he tiʼa atesayafeʼmo avaleli uʼa apamigae, huno hapa paiʼniye.

Matiyu 26:47

Yesuʼa ge nehigenoʼaeʼmo Yutasiʼmo tuolofuʼa vayapati vekamo ago eʼniye. Agaeʼeʼmo asole vayaʼmo naipe alige kayoʼmo alige huliʼa eʼnae. Mono huʼa neʼapataya vayaʼaiteʼmo yagaiʼa neʼapataya vayaʼe Yu vayaʼaiteʼmo yagaiʼa neʼapataya vayatama vayaʼmogiʼeʼmo aliʼa apateʼnageʼa eʼnae.

Matiyu 27:3

Yutasiʼa kutulu yaʼmo aliʼniya vekamoʼmo afiʼniyana Yesufeʼmo huʼapaeʼmo, faligiye, huʼa huʼnageno afitenoʼaeʼmo aipamo alino afe leteno tetiʼa siluva laga monimo mono huʼa neʼapataya vayaʼaiteʼmo yagaiʼa neʼapataya vayaʼaitegaʼe vayatama vayaʼaitegaʼeʼmo alininunoʼaeʼmo,

Maki 14:10

Hapa paitegenoʼaeʼmo Yutasiʼa geʼamo neʼafiya vekamo tuolofuʼa vayapati vekamo apataleno mono huʼa neʼapataya vayaʼaiteʼmo yagaiʼa apateʼnaya vayaʼaitegamo Yesuʼmo avaleno apamisiyafeʼmo uʼniye.

Maki 14:43

Yesuʼa ani gemo nehigenoʼaeʼmo Yutasiʼmo tuolofuʼa vayapati vekamo geʼamo neʼafiya vekaʼe asole vayaʼeʼmo naipe alige kayoʼmo alige huliʼa eʼnae. Mono huʼa neʼapataya vayaʼaiteʼmo yagaiʼa apateʼnaya vayanagi keʼaepa gemo avoʼmo kaeʼa aliʼa apaya neʼmalaya vayanagi vayatama vayanagi huʼa aliʼa apateʼnageʼa eʼnae.

Luki 22:3

Ani afinaʼmo Sataniʼa Isakaliyoti kotega vekamo Yutasiʼmo tuolofuʼa vayapati vekamo aipafiʼmo uno haino maiʼniye.

Luki 22:47

Ani gemo huno hapa nepaigeʼapaeʼmo asole vayaʼmo Yutasiʼa tuolofuʼa vayapati vekamo akame huʼa eʼnae. Agaemo Yesuʼmo haeno nesiyafeʼmo haopaleʼmo eʼnigenoʼaeʼmo

Yoni 13:2

Sataniʼa Yutasiʼmo Isakaliyoti kotega vekamo Saimoni mafaʼnemoʼa Yesuʼmo avaleno hosu vayaʼai apayapiʼmo atesiya agesamo amiʼniye. Neʼyaʼmo neteʼapaeʼmo Yesuʼa ago ageʼniyana muki yaʼmo Afoʼamoʼmo muki vayaʼaiteʼe muki yateʼeʼmo yagaisuvafeʼmo lekana paino nateʼniye. Gotitegatiʼmo emiʼneʼnovanageʼna halate Gotitegamo uʼna haiguve, huno ago ageʼniye.

Yoni 6:64

Haneʼniyaʼmonanafa lapakaepatiʼmo mago vayaʼmo apakesamo afiʼa fatago nosae, huno hapa paiʼniye. Yesuʼa aliʼyaʼamo aepa faino aliʼniya afinatetiʼmo apakesamo afiʼa fatago osisaya vayaʼe kutulu yaʼmo alisiya vekaʼeʼmo ago apakeʼniye.

Yoni 6:71

Agaemo Yutasiʼa Isakaliyoti kotega vekamo Saimoni mafaʼneeʼmo huʼniye. Yutasiʼa ani tuolofuʼa vayapati vekamoʼa kutulu yaʼmo aliteno Yesuʼmo avaleno apamisigeʼa amagisaya vekamo maiʼniye.

Apa 1:13

Uʼa avaʼyi huteʼapaeʼmo nehavaya nopiʼmo anagamo aeno hanagi maleʼniya nopilagamo uʼa haiʼa maiʼnae. Ani nopiʼmo maiʼnaya vayaʼai apakiʼapimo Pitaʼagi, Yoniʼagi, Yemisiʼagi, Eʼnaluʼagi, Filipiʼagi, Tomasiʼagi, Matolomiyuʼagi, Matiyuʼagi, Alifiyasi mafaʼnemo Yemisiʼagi, Yu vayaʼmo apakaiʼapileʼmo yagaisayafeʼmo hauʼniya vekamo Saimoniʼagi, Yemisi mafaʼnemo Yutasiʼagi huʼa maiʼnae.

Apa 1:25

Yutasiʼa aliʼyaʼamo ataleno uno faliteno koʼalegamo lamino maiʼniyaʼmofeʼmo lekana paika ateʼnisana vekamoʼmo Yutasi aimuʼyaleʼmo eno apa vekamo maiʼneno Yutasiʼa aliʼniya agufa aliʼyaʼmo aligiye, huʼa nunumuʼmo huʼnae.