Matiyu 10:37 - The Keyagana NT and 25 OT books

³⁷ Mago vayaʼmogimo itaʼapi afoʼapimogifekeʼmo hogoteno hapau apayamopafiʼmo hapauʼnisigeʼa nagaefeʼmo henagaʼamo hapau apayamopafiʼmo hapauʼnisiyana vayaʼnimo maisaya agufa kavaʼmo huʼa oʼmaiʼnae. Ani kava huʼa mago vayaʼmogimo mafaʼneʼapieʼmofi aʼmafaʼneʼapieʼmofi huno hogoteno hapau apayamopafiʼmo hapauʼnisigeʼa nagaefeʼmo henagaʼamo hapau apayamopafiʼmo hapauʼnisiyana vayaʼnimo maisaya agufa kava huʼa oʼmaiʼnae.

Matiyu 10:37 ပူးပေါင်းရင်းမြစ်များ

Aepa Gemae 21:11

Inagi Isameliʼmo agaiʼa mafaʼnegeʼmo maiʼniyaʼmofeʼmo Emalehamuʼa ani kavaʼmo ageʼnigeno aipamoʼmo kanale osuʼniye.

Matiyu 22:37

Yesuʼa, Ala kava neʼmo Gotikamofeʼmo muki kaipafatinagi muki kagupi mafaʼnefatinagi muki kagesa afi yakafatinagi huno kahaino.

Matiyu 22:8

Agaemo aliʼyaʼamo neʼaliya vayaʼaifeʼmo hapa painoʼaeʼmo, mafaʼneʼnimoʼaʼmo alisiyafeʼmo huʼnigeʼna yagita huʼnovaʼmonanafa eyo huʼna ge huʼnova vayaʼmo neʼyaʼnimo alisaya kava huʼa oʼmaiʼnae.

Luki 14:26

Nagaetegamo esiya vekamoʼmo afoʼamofenagi itaʼamofenagi aʼaenagi mafaʼneʼaenagi konagaʼamogifenagi asaʼamogifenagi agaiʼamo alagepa huno maisiya kavafenagi huno aini osuʼnisiyaʼmoʼmo geʼnimo neʼafiya vekamo afaʼa oʼmaigiye.

Luki 20:35

Gotiʼa mago vayaʼaifeʼmo hunoʼaeʼmo, saufa afinaʼmo faliʼnayategatiʼmo he tiʼa maisaya agufa kavaʼmo huʼa maiʼnae, huno agesamo neʼafiya vayaʼmo he tisaya afinaʼmo aʼmo oʼalige veleʼmo oʼmaige hugae.

Luki 21:36

Inagi muki afinaʼmo kava yagaita maiyo. Muki afole aisiya kavaʼamo aeta agasesaya agufa kavaʼmo huta maiʼnetapaeʼmo Vemo Mafaʼnemo aulagaleʼmo he tita maisayafeʼmo nunumuʼmo hiyo, huno hapa paiʼniye.

Yoni 5:23

Muki vayaʼamogi muki yaʼmo Afoʼamo agiʼaleʼmo aliʼa asaga huʼa neʼataya kava huʼa Mafaʼneʼamo agiʼaleʼmo aliʼa asaga huʼa atesayafeʼmo alino ateʼnigeno emineʼniye. Ina lagimo Mafaʼneʼamo agiʼaleʼmo aliʼa asaga huʼa noʼatesafi ani kavaʼmo huʼa muki yaʼmo Afoʼamoʼmo alino ateʼnigeno emineʼniya vekamo agiʼaleʼmo aliʼa asaga huʼa noʼatae.

Leveleseni 3:4

Mago Satisi taonifiʼmo maiʼnaya siosi vayaʼamogitapamo kukenatapileʼmo oʼaniʼyamo ofaiʼniye. Lapakaemo yaveyave kukenamo vaitetapa nagaeʼeʼmo umenitata hisaya vayaʼmo maiʼnae.

1 Samiyo 2:29

Ani kavaʼmo huʼnovaʼmofeʼmo na kavaʼmo higetapaeʼmo mono noʼnifiʼmo ofalinimo hiyo, huʼna lapa paiʼnova ofalini kavateʼmo aitapa lanu paiʼnae. Lapafayaʼe vayaʼmo hamalesayafeʼmo Isaleli vayaʼnimogi neʼnamiya ofalini yapatiʼmo hogote ameʼamo aliʼnae. Kagaemo mafaʼnekalaʼmogani anakiʼanileʼmo alika asaga nehanaʼmonanafa nagiʼnileʼmo alika afepiʼmo neʼnatane.