Matiyu 10:36 - The Keyagana NT and 25 OT books

³⁶ Mago vayaʼmogimo afamo anagaʼapiʼeʼmo kame kame huʼa maigae.

Matiyu 10:36 ပူးပေါင်းရင်းမြစ်များ

Aepa Gemae 3:15

Ala kava neʼmoʼa nagaloʼyaveeʼmo ha painoʼaeʼmo, Nagaemo kagaeʼe a kanoʼeʼmo aliʼna fako huʼna lanatesugetana kame kame hutana maigaʼae. Ina kava huʼa mafaʼnekamogimo aʼne mafaʼneʼalegamo kame huʼa apatesageʼa aʼne mafaʼneʼamogimo mafaʼnekalegamo kame huʼa apatesageʼa hugae. Mafaʼneʼamo aiya afeʼalumelagamo maiʼnisanageno agaemo kagenopamo aeno latapaisigeka kagaemo aiya kigupafiʼmo akafu hanigane, huno ha paiʼniye.

Samu 41:9

Mago nao vekaeʼmo aliʼna amufa amiʼnova vekamoʼeʼmo kame vekaʼnimo hamaleʼniye. Magokepiʼmo lokaeno neʼyaʼmo neʼnoʼaʼmonanafa aigofe nao vekamo hamaleʼniye.

Samu 55:13

Haʼao, ani agufa vayaʼmogi nagaetegamo hosu kavaʼmo osuʼnayaʼmonanafa kagaikageʼmae. Hogoteka kagaemo navagi vekamo maige nao vekamo maige nafaluʼnimogamo maige huʼnane.

Maika 7:6

Ani afinaʼmo ve mafaʼnemogimo afoʼapimogi apakiʼapileʼmo aliʼa afepiʼmo apatesageʼa a mafaʼnemogimo itaʼapimogiʼeʼmo kaveta hisageʼa apanofeloʼapimogimo aʼne apanofeloʼapimogifeʼmo kame huʼa apategae. Vayaʼmogimo apakaiʼapi afamo anagaʼapiʼeʼmo kame huʼa apatesageʼa kame huʼa apatesageʼa huʼa maigae.

Matiyu 10:21

Vayaʼmogimo konagaʼapimo apamagisayafeʼmo apavaleʼa alu vayaʼai apayapiʼmo apamigae. Ani kava huʼa afoʼapimogimo mafaʼneʼapimo apavaleʼa apamigae. Ani kava huʼa mafaʼneʼapimogimo itaʼapi afoʼapimogimo apavaleli uʼa apamigae.

Yoni 13:8

Pitaʼa hunoʼaeʼmo, hemeniʼe muki afinaʼeʼmo naiyamo sese huka oʼnategane, huno ha paiʼnigenoʼaeʼmo, kaiyamo sese huʼna okatesuvana hemenimo nafaluʼnimogamo oʼmaiʼnananageka hetamakamo oʼaligane, huno ha paiʼnigeno

1 Samiyo 17:28

Ilaiyamuʼa yege vekamo Nevini nepuʼamoʼmo Neviniʼa vayaʼeʼmo kege nehigeno afitenoʼaeʼmo aipamo leʼnigeno Nevinifeʼmo hunoʼaeʼmo, Na kava higekaeʼmo manileʼmo eʼnane. Kagaemo ina laʼmo magoke magoke sipisipi anagakaleʼmo yagaino apatesiyafeʼmo kaʼme kotegamo eʼnane. Nagaemo kageʼnovana himuʼnamu kavaʼmo huge ge oʼafige huka maiʼnekaeʼmo kame hisuna kavakeʼmo agesanafeʼmo eʼnane, huno ha paiʼniye.