Matiyu 10:33 - The Keyagana NT and 25 OT books

³³ Aegauvaʼmonanafa vayaʼai apaulagaleʼmo nagaefeʼmo huʼapaeʼmo, oʼageʼnona vekae, huʼa nehisaya vayaʼaifeʼmo kokuʼnapi Afoʼnimo aulagaleʼmo olapakeʼnova vayane, huʼna hapa paiguve.

Matiyu 10:33 ပူးပေါင်းရင်းမြစ်များ

Aiyeya 59:13

Lagaemo kagaetegamo gekamo amagita atalege aigofe gemo huge Gotitimoʼmo ataleta uge lavayafatiʼmo gemo huta alita afepiʼmo apatege gekamo oʼafigune, huta huge huta maiʼnone. Laipafiʼmo lagesamo afiteta laipafatiʼmo aigofe gemo nehune. Apakaemo vayaʼmogi kavaʼapimo alagepa huʼa aliʼa fako huʼa oʼapateʼnagenoʼaeʼmo Ala kava neʼmoʼa agetenoʼaeʼmo alagepa aipamo kalino oʼapateʼniye.

Maki 14:30

lama gemo kaha nepauve, huno, ani haniʼilagamo kokolemoʼmo lole afinaʼmo age oʼaiʼnisigekaeʼmo nagaefeʼmo loleʼe magoʼe afinaʼmo hukaeʼmo, oʼageʼnova vekae, huka hugane, huno ha paiʼnigenoʼaeʼmo

Maki 14:72

Hapa nepaigenoʼaeʼmo kokolemoʼmo lole afinaʼmo age aiʼnigenoʼaeʼmo Yesuʼa Pitafeʼmo hogoteno ha painoʼaeʼmo kokolemoʼmo lole afinaʼmo age oʼaiʼnisigekaeʼmo nagaefeʼmo loleʼe magoʼe afinaʼmo oʼageʼnova vekae, huka hugane, huno ha paiʼniya geeʼmo agesa afino ho huteno aviʼyaʼmo huʼniye.

Maki 8:38

Hemeni afinaʼmo maiʼnaya vayaʼmogi anauʼapimoʼmo ataleʼa kumai heʼa neʼvaya aʼnegana huʼa maiʼnae. Ani vayapatiʼmo ina lagimo nagaeʼe geʼnileʼefeʼmo apavagage nehisifigeno Vemo mafaʼnemoʼmo Afoʼamotegatiʼmo ha le konali yaʼamo aliteno apaote enisole vayaʼaʼeʼmo eminenoʼaeʼmo apakaefeʼmo avagage hugiye, huno hapa paiʼniye.

Luki 12:9

Vayaʼmogimo mago vayaʼmogi apaulagaleʼmo nagiʼnimo oʼaeʼa afaʼa maiʼnisaya vayaʼaifeʼmo Goti enisole vayaʼamogi apaulagaleʼmo vayaʼnie, huʼna apakimo oʼaegauve.

Luki 22:57

Ane, huno, nagaemo oʼageʼnova vekae, huno ha paiʼniye.

Luki 9:26

Ina lagimo nagaeʼe geʼnileʼefeʼmo apavagage nehisifigeno Vemo Mafaʼnemoʼmo ha le konali yaʼamo Afoʼamotegatiʼmo aliʼniya ha le konali yaʼamo aliteno apaote enisole vayaʼmogi ha le konali yaʼapiʼe enisole vayaʼaʼeʼmo eminenoʼaeʼmo apakaefeʼmo avagagemo hugiye.

2 Timoti 2:12

Alagi oʼataleta kana yaʼmo alime alime neʼvisunana kini vayakana huta agaeʼeʼmo magokepi lokaeta maiʼneta yagaita apategaune. Lagaemo agaefeʼmo oʼageʼnona vekae, huta nehisunana lagaefeʼmo oʼapakeʼnova vayane, huno hugiye.

2 Pita 2:1

Huʼnayaʼmonanafa akeyaʼvilagamo mago aigofe apaune gemo aeʼa hakalo huʼa hapa nepaiya vayaʼmo Isaleli nofi vayaʼeʼmo magokepiʼmo lokaeʼa maiʼnae. Maiʼnaya kava huʼa aigofe tisa vayaʼmo lapakaeʼeʼmo magokepi lokaeʼa maiʼneʼapaeʼmo aigofe gemoʼa alino hosu huno lapatesiya agufa gemo kesi katetiʼmo alini eʼa aeʼa hakalo hugae. Apakaemo Ala kava neʼmo miya faino apateʼniya vekamo atalesagenoʼaeʼmo malage huno alino apagoʼya lagauno apatalegaiye.

1 Yoni 2:23

Muki vayaʼamogi, Yesuʼa Kalaisi vekamo oʼmaiʼniye, huʼa aeʼa hakalo huʼa hapa nepaiya vayaʼai apaipafiʼmo muki yaʼmo Afoʼamoʼmo avaleʼa oʼateʼnae. Muki vayaʼamogimo, Yesuʼa Kalaisi vekamo maiʼniye, huʼa aeʼa hakalo huʼa hapa nepaiya vayaʼai apaipafiʼmo muki yaʼmo Afoʼamoʼe Mafaʼneʼaʼeʼmo anavaleʼa anateʼnageʼana neʼmaiʼae.