Matiyu 10:3 - The Keyagana NT and 25 OT books

³ Filipiʼagi Matolomiyuʼagi Tomasiʼagi Matiyuʼa takesi moni neʼaliya vekagi Afiyasi mafaʼnemo Yemisiʼagi Taʼniyasiʼagi

Matiyu 10:3 ပူးပေါင်းရင်းမြစ်များ

Matiyu 18:17

Agaemo anavalelika visana vekalaʼani geʼanimo oʼafisigekaeʼmo siosi vayaʼaifeʼmo hapa paiyo. Agaemo siosi vayaʼai geʼapimo oʼafisigekaeʼmo Goti geʼamo noʼafisaya vayaʼaitegaʼe takesi monimo neʼaliya vayaʼaitegaʼeʼmo nehana kava huka agaetega huvo, huno huteno,

Matiyu 27:56

Ani aʼne anagapiʼmo Maliyaʼa Maganala kotega anagi Maliyaʼa Yemisiʼe Yosefeʼeʼmo itaʼanimoʼagi Sepeti mafaʼnelaʼmogani itaʼanimoʼagi huʼa maiʼnae.

Matiyu 9:9

Yesuʼa ani haopalegatiʼmo ataleno uno ageyana takesi moni neʼaliya vekamo agiʼamo Matiyuʼa takesi monimo neʼaliya nopiʼmo fai maiʼnigeno ageʼniye. Agetenoʼaeʼmo, atalekeka nakame huvo, huno ha paiʼnigeno ataleno eno akame huno uʼniye.

Maki 15:40

Mago aʼne anagamo aise afagiʼaleʼmo he tiʼa maiʼneʼa aulu heʼa ageʼa maiʼnae. Ani aʼnefiʼmo Maliyaʼa Maganala kotega anagi Maliyaʼa henaga Yemisigani Yosesigani itaʼanimoʼagi Salomeʼagi huʼa maiʼnae.

Maki 2:14

Apatalenuno ageyana mago takesi moni neʼaliya vekamo Livaiʼa Afiyasi mafaʼneʼmo takesi moni neʼaliya nopiʼmo fai maiʼnigeno ageʼniye. Agetenoʼaeʼmo, eka nakame huvo, huno huʼnigeno Livaiʼa he tinuno akame huʼniye.

Maki 3:18

Etaluʼagi Filipiʼagi Matolomiyuʼagi Matiyuʼagi Tomasiʼagi Afiyasi mafaʼnemo Yemisiʼagi Taʼniyasiʼagi Saimoni Selotiʼagi Yutasi Isakaliyotiʼa Yesu kutulu yaʼmo neʼniya vekagi huʼa maiʼnae.

Luki 18:10

Lole vekalaʼmoganimo nunumuʼmo hisaʼafeʼmo Yu vayaʼai alopa mono nopiʼmo uʼana haiʼnaʼae. Mago vekamo Falasi vekamo maiʼnigeno alu vekamo takesi moni neʼaliya vekamo maiʼniye.

Luki 18:11

Falasi vekamoʼmo he tino maiʼneno agaiʼaeʼmo nunumuʼmo huʼniye. Nunumuʼmo hunoʼaeʼmo, Gotiyo, huno, muki alu vayakana huʼna oʼmaiʼnovaʼmofeʼmo kahao keʼmo nehove. Mago kanale kavaʼmo osuge aigofe gemo huteʼa kumayaʼmo alige kumai kavaʼmo huge nehaya vayakana huʼna oʼmaiʼnove. Ani takesi monimo neʼaliya vekagana huʼna oʼmaiʼnove.

Luki 18:13

Huʼniyaʼmonanafa takesi monimo neʼaliya vekamo afagiʼaleʼmo he tino maiʼneno alino maku huno oʼageʼneno haifiʼyaleʼmo neʼamaginoʼaeʼmo, Gotiyo, huno, alagi hosu vekamo maiʼnovanagi kaipamo lanitani huka nateteka kahau huka nato, huno nunumuʼmo huʼniye.

Luki 19:2

mago vekamo agiʼamo Sakiyasiʼa takesi monimo neʼaliya vayaʼaiteʼmo yagaino apateʼniya vekamo asole kagemi yaʼamo haneʼniya vekamo maiʼniye.

Luki 5:27

Huteno Yesuʼa taonifatiʼmo ataleno neʼunoʼaeʼmo ageyana mago vekamo takesi moni neʼaliya vekamo agiʼamo Livaiʼa takesi monimo neʼaliya nopiʼmo fai maiʼnigeno agetenoʼaeʼmo, eka nakame huvo, huno ha paiʼnigeno

Yoni 1:48

Natanieloʼa hunoʼaeʼmo, haiya kava huka nageʼnane, huno afi geʼnigeno Yesuʼa hunoʼaeʼmo, nagaemo kageʼnovana Filipiʼa kagaefeʼmo keya aeno ge osuʼniya afinaʼmo fiki yosa aepafiʼmo maiʼnanageʼna kageʼnove, huno ha paiʼnigenoʼaeʼmo,

Yoni 11:16

Tomasifeʼmo lagoʼya mafaʼneyo, huʼa agi neʼaya vekamoʼa Yesu geʼamo neʼafiya vayaʼaifeʼmo hunoʼaeʼmo, agaegiʼeʼmo magokepi falisunafeʼmo lokaeta vigetao, huno hapa paiʼniye.

Yoni 14:22

Yutasiʼa Isakaliyoti kotega vekamo hamoʼamoʼmo hunoʼaeʼmo, Ala kava nene, huno, na kava higekaeʼmo kagaikamo kagesunafeʼmo lagaekeʼmo alika lave liganaʼmonanafa ma mopafi vayaʼmo alika apave oligane, huno afi geʼnigenoʼaeʼmo

Yoni 14:5

Tomasiʼa hunoʼaeʼmo, Ala kava nene, huno, visana koʼmo lagaemo oʼageʼnonaʼmofeʼmo haiya kava huta visana kaʼmo agegaune, huno afi geʼnigenoʼaeʼmo,

Yoni 14:9

Yesuʼa hunoʼaeʼmo, Filipigamo lapakaeʼeʼmo yatala afinaʼmo magokepi lokaeʼna maiʼnovana nageka aeto osuʼnapiye. Nageʼniya vekamoʼa muki yaʼmo Afoʼamoʼmo ago ageʼniyaʼmofeʼmo na kava higekaeʼmo muki yaʼmo Afoʼamoʼmo alika lave liyo, huka nehane.

Yoni 21:2

Saimoni Pitaʼagi Tomasifeʼmo lagoʼya mafaʼae, huʼa agi neʼaya vekagi Natanieloʼa Kena taonimo Galeliya kotega vekagi Sepeti mafaʼnelanagi magoʼe lole vekalaʼmo geʼamo neʼafiʼa vekalanagi huʼa magokepi lokaeʼa maiʼnae.

Apa 1:13

Uʼa avaʼyi huteʼapaeʼmo nehavaya nopiʼmo anagamo aeno hanagi maleʼniya nopilagamo uʼa haiʼa maiʼnae. Ani nopiʼmo maiʼnaya vayaʼai apakiʼapimo Pitaʼagi, Yoniʼagi, Yemisiʼagi, Eʼnaluʼagi, Filipiʼagi, Tomasiʼagi, Matolomiyuʼagi, Matiyuʼagi, Alifiyasi mafaʼnemo Yemisiʼagi, Yu vayaʼmo apakaiʼapileʼmo yagaisayafeʼmo hauʼniya vekamo Saimoniʼagi, Yemisi mafaʼnemo Yutasiʼagi huʼa maiʼnae.

Apa 12:17

Pitaʼa ayatetiʼmo hunoʼaeʼmo, ge osiyo, huno hapa paitenoʼaeʼmo Ala kava neʼmoʼa kalavusi nopatiʼmo avalelino eʼniya kavafeʼmo ava gemo huno hapa paitenoʼaeʼmo, Utapa ani gemo Yemisiʼe muki konagatimogiʼefeʼmo hapa paiyo, huno hapa paiteno apataleno alu kotegamo uʼniye.

Apa 15:13

Gemo hapa paiʼana hano nehaʼagenoʼaeʼmo Yemisiʼa he tino hapa painoʼaeʼmo, Konagaʼnimogitapae, huno, geʼnimo afiyo.

Apa 21:18

Egaʼamo Poloʼe lagaeʼeʼmo Yemisitegamo uʼnonageʼapaeʼmo Yemisiʼe vayatama vayaʼeʼmo maiʼnae.

Galesiya 1:19

mago alu apa vayaʼamo oʼapakeʼnovaʼmonanafa Yemisiʼa Ala kava neʼmo aganaʼamoʼmo ageʼnove.

Galesiya 2:9

Ala apaki neʼapamiya vayaʼmo Yemisiʼagi Pitaʼagi Yoniʼagi huʼa nageʼnayana Gotiʼa Poloʼmo fikumo ha maeno amiteno mani aote aliʼyateʼmo avaleno ateʼniye, huʼa nageteʼapaeʼmo nagaeʼe Manamasiʼeʼmo afalu afalu kavaʼmo huʼa apayaʼmo laʼamiʼnae. Laʼamiteʼapaeʼmo, he kanalenagi utana malaga nofi vayaʼaitegamo aliʼyaʼmo aliʼagetao lagaemo Yu nofi vayaʼaitegamo uta aliʼyaʼmo aligune, huʼa laʼaha paiʼnae.

Yemisi 1:1

Nagaemo Yemisiʼnamo Gotiʼe Ala kava neʼmo Yesu Kalaisiʼeʼmo aliʼyaʼanimo neʼaluve. Nagaemo tuolofuʼa Yu nofi vayaʼmo kotapimo ataletapa atagu faetapa uteta huʼnaya vayaʼmogitapaeʼmo ge lapamamaeʼna mani gemo avoʼmo nekaove.

Yuti 1:1

Nagaemo Yutiʼnamo Yesu Kalaisi aliʼyaʼamo neʼaluva vekamo Yemisi aganaʼamoʼnamo maiʼnove. Afotimo Gotiʼa keya aeno ge huno lapavaleno alino lapaote lapateʼnenoʼaeʼmo Yesu Kalaisipiʼmo afaʼa maisayafeʼmo yagaino nelapateya vayaʼmogitapaeʼmo mani gemo avoʼmo nekaove.