Matiyu 10:18 - The Keyagana NT and 25 OT books

¹⁸ Agotileʼmo lapavaleliʼuʼa lapatesagetapa gamani vayaʼai apaulagaleʼe kini vayaʼai apaulagaleʼeʼmo he titapa maiʼnetapa Yu nofi vayapatiʼmo oʼmaiʼnaya vayaʼaifeʼmo alagepa faigoko gemo aeta hakalo huta hapa paigae.

Matiyu 10:18 ပူးပေါင်းရင်းမြစ်များ

Samu 119:46

Nagaemo kavayafatiʼmo nehana gemo aliʼna yagaiʼnaya kini vayaʼaifeʼmo aeʼna hakalo huʼna hapa paisugenoʼaeʼmo navagage osugiye.

Matiyu 10:17

Ehetapiye. Mago vayaʼmogi kalavusi huʼa lapateteʼa agotileʼmo lapavaleliʼuʼa mono noʼapifiʼmo nofi kayotetiʼmo lapamagigae.

Matiyu 10:19

Agoti huʼa lapatesagetapaeʼmo na agufa gemo huteta haiya agufa gemo huta geʼapileʼmo aeta atagaina huta hapa paigune, hutetapa lapakesa alaʼamo oʼafiyo. Ani afinaʼmo afole aisigenoʼaeʼmo Goti Aunemeʼamoʼmo hapa paisaya gemo lapamigiye.

Matiyu 8:4

Yesuʼa ha painoʼaeʼmo, kateʼmo neʼukaeʼmo mago vayaʼaifeʼmo hapa opaika mono huno neʼapateya vekalegageʼmo uka aliʼna kahageʼna kateʼnova kagufamo alika ave liyo. Apakaemo lepolosi kaitaʼamo ago hageʼniye, huʼa kagesayafeʼmo kagufamo alika ave liteka akeyaʼvilagamo Moseseʼa amiyo, huno huʼniya ofalinimo amiyo, huno ha paiʼniye.

Maki 13:9

Mago vayaʼmogimo lapatafauʼa kanisole vayaʼai agotileʼmo lapavaleliʼa uge alu mono nopi alu mono nopiʼmo lapamagige huteʼa gamani vayaʼaiteʼmo yagaiʼa neʼapataya vayaʼaitegaʼe yagaiʼa neʼapataya kini vayaʼai apaulagaleʼeʼmo uta nagiʼnilefeʼmo he ti netapa lama gemo hugae.

2 Timoti 1:8

Lamiʼniyaʼmofeʼmo Ala kava netimo faigoko geʼamo aeka hakalo huka hapa paisanafeʼmo kavagage osinageka Kalaisi agiʼalefeʼmo kalavusifiʼmo maiʼnova vekaeʼmo kavagage osino. Kavagagemo osinageka faigoko gelefeʼmo hanageke yaʼmo alisayafeʼmo Goti himamuʼaletiʼmo kana yaʼmo aliyo. Nagaemo kana yaʼmo aliʼnova kava huka kana yaʼmo aligetaʼao.

Leveleseni 1:9

Nagaemo Yoniʼnamo konagatapimoʼnamo maiʼnove. Yesupiʼmo maiʼnetaeʼmo magokepi lagafu kige Yesuʼa yagaino nelateyategamo maige oʼataleta atafauta alagi huta maige nehune. Nagaemo Goti alagi lama geʼe Yesufeʼmo ava geʼeʼmo aeʼna hakalo huʼna hapa paiʼnovaʼmofeʼmo aliʼa nahafaitalageʼna eʼna Patamosi ani agoʼnanenafiʼmo maiʼnove.

Leveleseni 11:7

Gotiʼa anamiʼniya gemo aeʼana hakalo huʼana hapa paiʼana hano nehisaʼagenoʼaeʼmo afela afumo ive kelifatiʼmo eno hainesiya afumoʼmo kamemo huno aeno anakaseno kamitimo hanaegaiye.

Leveleseni 6:9

Agaemo napa faefu kamemo alino neʼakaigeʼnaeʼmo ageʼnovana faliʼnaya vayaʼai apakupi mafaʼnemo ofalinimo nehaya hiʼyalamuʼmo hipakapiʼmo maiʼnageʼna apakeʼnove. Ani vayaʼmogimo Goti geʼamo Kalaisife ava gemo oʼataleʼa alagepa huʼa aeʼa hakalo huʼa hapa paiʼnayaʼmofeʼmo apamagiʼnae.