Matiyu 10:17 - The Keyagana NT and 25 OT books

¹⁷ Ehetapiye. Mago vayaʼmogi kalavusi huʼa lapateteʼa agotileʼmo lapavaleliʼuʼa mono noʼapifiʼmo nofi kayotetiʼmo lapamagigae.

Matiyu 10:17 ပူးပေါင်းရင်းမြစ်များ

Maika 7:5

Ani afinaʼmo lapao vayaʼmogi lapa maesayafeʼmo alita amufa oʼapamiyo. Lapavagi nehaya vayaʼaifeʼmo laha maegae, hutapa lapakesamo oʼafiyo. Lapakaemo aʼnetapieʼmo muki nehaya geleʼmo alagepa hutapa yagaiyo.

Matiyu 10:18

Agotileʼmo lapavaleliʼuʼa lapatesagetapa gamani vayaʼai apaulagaleʼe kini vayaʼai apaulagaleʼeʼmo he titapa maiʼnetapa Yu nofi vayapatiʼmo oʼmaiʼnaya vayaʼaifeʼmo alagepa faigoko gemo aeta hakalo huta hapa paigae.

Matiyu 20:19

alu nofi vayaʼmogi apayapiʼmo avaleʼa apamisageʼa kigi huʼa atege nofi kayotetiʼmo amagige huteʼa malipu yosaleʼmo nili aiteʼa aliʼa he tiʼa ategae. Loleʼe magoʼe afinaʼmo maitesigeno halate alino he tino ategaiye, huno hapa paiʼniye.

Matiyu 23:34

Ani kavatefeʼmo nagaemo Gotitegati gemo alini eʼa aeʼa hakalo huʼa hapa nepaiya vayanagi afiteʼa ageʼnaya vayanagi aliʼa apaya neʼmalaya vayanagi huʼna aliʼna apatesugeʼa lapakaetegamo ugae. Lapakaemo mago vayaʼmo apamagige mago vayaʼmo malipu yosaleʼmo nili aitetapa alita he tita apatege mago vayaʼmo mono notapifiʼmo nofi kayotetiʼmo apamagige mago vayaʼmo taoniʼafi taoniʼafiʼmo vegala aege hugae.

Matiyu 26:59

Mono huʼa neʼapataya vayaʼaiteʼmo yagaiʼa neʼapataya vayaʼe muki kanisole vayaʼmogiʼeʼmo Yesuʼa amagisaya geeʼmo kahauya huʼnae.

Matiyu 5:22

Afiʼnayaʼmonanafa nagaemo huʼnaeʼmo, mago vekamoʼmo agaetegamo hosu kavaʼmo osuʼnisiya konagaʼamofeʼmo aipamo leno atesiyana agoti huno ategaiye. Mago vekamoʼmo konagaʼamofeʼmo, nagiʼnaga vekae, huno huʼnisiyana kanisole vayaʼaitegamo avalelinuno alino he tino ategaiye. Mago vekamoʼa konagaʼamofeʼmo, faipa nagiʼnaga vekae, huno huʼnisiyana ata kopiʼmo uʼa nelamiya kateʼmo neʼviye.

Maki 13:12

Mago vayaʼmogi konagaʼapimo apamagisageʼa falisayafeʼmo apavaleʼa apamige mafaʼneʼapimo apavaleʼa apamige itaʼapi afoʼapimogimo apavaleʼa apamige hugae.

Maki 13:9

Mago vayaʼmogimo lapatafauʼa kanisole vayaʼai agotileʼmo lapavaleliʼa uge alu mono nopi alu mono nopiʼmo lapamagige huteʼa gamani vayaʼaiteʼmo yagaiʼa neʼapataya vayaʼaitegaʼe yagaiʼa neʼapataya kini vayaʼai apaulagaleʼeʼmo uta nagiʼnilefeʼmo he ti netapa lama gemo hugae.

Luki 12:11

Vayaʼmogimo agoti huʼa lapatesayafeʼmo mono nopiʼmofi yagaiʼa neʼapataya vayaʼaitegamofi kanisole vayaʼaitegamofi huʼa lapavaleliʼa visagetapa he tita maiʼnetapaeʼmo, na agufa gemo hugupi na agufa gemo huta geʼapileʼmo aeta atagaina huta hapa paigupi, hutapa lapakesamo afiteta atete osiyo.

Yoni 11:47

Afiteʼa kanisole vayanagi mono huʼa neʼapataya vayaʼaiteʼmo yagaiʼa neʼapataya vayanagi Falasi vayanagi huʼa aliʼa anupa huʼa maiʼneʼapaeʼmo, na agufa kavaʼmo hisune. Ani vekamoʼa noʼagona agufa asole aune kavaʼmo nehiye.

Yoni 16:2

Apakaemo mono nokoʼapifatiʼmo aliʼa lapa faiʼa lapatalete lapataletekeʼmo hugae. Mago afinaʼmo afole aisigeʼapaeʼmo kamiti lapamagiteʼapaeʼmo, Goti aliʼyaʼamo alagi neʼalune, huʼa apakesamo afigae.

Apa 17:14

Ani kavaʼmo nehageʼapaeʼmo konagaʼamogimo Poloʼmo aliʼa ateʼnageno uno lamino solovalategamo maiʼnigeʼanaeʼmo Sailasiʼe Timotiʼeʼmo Meliya taonifiʼmo maiʼnaʼae.

Apa 22:19

Naha paiʼnigeʼnaeʼmo, Ala kava nene, huʼna, Ago afiʼnayana nagaemo uʼna Yu vayaʼai mono nopiʼe nopiʼeʼmo uʼna haiʼna kagaefeʼmo apakesamo afiʼa fatago nehaya vayaʼmo kalavusi huʼna apatete apatete huʼnove.

Apa 26:11

Umenitata huʼna muki Yu vayaʼai mono nopiʼmo kayoʼmo apamiteʼna Yesufeʼmo huʼa faipa huʼa atesayafeʼmo apamagiʼnove. Lusi kava huno naipamo leʼnigeʼnaeʼmo alu nofi vayaʼai taoniʼapifiʼe taoniʼapifiʼeʼmo umenitata huʼna kayoʼmo apamiʼnove.

Apa 9:2

mago avoʼmo kaeka namiyo. Nagaemo ani avoʼmo alininuʼna Namasakasi taonifiʼmo mono huʼa neʼapataya vayaʼaiteʼmo yagaiʼa neʼapataya vayaʼmo apamisugeʼa ageteʼa naha maesageʼna Yesu kateʼmo neʼvaya ve aʼneʼmo apakeʼna apavaleʼna kalavusi huʼna apateteʼna Yulusalemu taonifiʼmo apavaleliʼna egauve, huno ha paiʼniye.

Filipai 3:2

Lapakaemo afela kalagana huʼa maiʼnaya vayaʼaifeʼmo ehetapiye. Apakaemo hosu aliʼyaʼmo alige apakufamo lagauʼa apateʼnaya kavatetiʼmo apakufamo aliʼa hosu huʼa apatege huʼnae.

2 Timoti 4:15

Agaemo lusi kava huno ayamukiki huno lagaemo aeta hakalo huta hapa nepauna gelefeʼmo kamemo huno ateʼniyanagi agaefeʼmo maika halove huka ateteka ehekae.

Himulu 11:36

Mago vayaʼmogimo apakesamo afiʼa fatago huʼnaya vayaʼaifeʼmo huʼa faipa huʼa apateteʼa nofi kayotetiʼmo apamagiʼnae. Mago vayaʼmogimo apakesamo afiʼa fatago huʼnaya vayaʼmo seli nofitetiʼmo kiʼa apateteʼa kalavusi huʼa apateʼnae.