Matiyu 10:16 - The Keyagana NT and 25 OT books

¹⁶ Afiyo, huʼna, Nagaemo aliʼna lapatesugetapa sipisipigana huta afela kalamo maiʼnaya folagapiʼmo ugae. Nagaloʼyave anagaʼmogimo vayaʼmogi oʼapamagisayafeʼmo vase vase huʼa neʼvaya kava huta viyo. Kaugoʼyave namamogimo vayaʼmo ohapaeʼa afaʼa neʼmaiya kava huta maiyo.

Matiyu 10:16 ပူးပေါင်းရင်းမြစ်များ

Aepa Gemae 3:1

Ala kava neʼmo Gotiʼa muki alo huno apateʼniya yapatiʼmo nagaloʼyavemoʼmo hosu kava hisiyafeʼmo afiteno ageʼniya kavaʼaletiʼmo muki alo huno apateʼniya afela yaʼamo ago aeno apaka seʼniye. Inagi nagaloyavemoʼmo a kanoeʼmo ina ge huno ge huno afi geʼniye. Gotiʼa muki hoyafiʼmo haneʼniya yosa alagaʼamo oʼneʼao, huno huʼnifiye.

Aepa Gemae 3:13

Ala kava neʼmo Gotiʼa a kanoeʼmo ge huno afi geʼniye. Na kava higeka ani kava hane, huno ge huno afi geʼnigenoʼaeʼmo, Nagaloʼyavemokeʼmo humi nateʼnigeʼna neʼnove, huno ha paiʼniye.

Matiyu 24:25

Afiyo, huʼna, hogoteʼna ani gemo ago lapa paiʼnove.

Matiyu 24:45

Haiya vayaʼmogi aliʼyaʼapimo oʼataleʼa alige alige huʼa neʼmaiya vayane. Aliʼyaʼmo afoʼamoʼmo aliʼyaʼamo neʼaliya vayaʼaiteʼmo yagaino apatesiyafeʼmo lekana paino ateteno, neʼyaʼmo aligefe hisaya afinaʼmo alika fako huka apamiyo, huno ha paiteno uteno atagi nenoʼeno agesiyana aliʼyaʼamo oʼataleno aliʼyaʼmo neʼaliya vekamoʼmo aulena vekamo maiʼniye.

Matiyu 25:2

Ani kava huʼa naya magokayagaʼa aʼmafaʼnemogimo negi nagi apakesamo afiʼnageʼapaeʼmo naya magokayagaʼa aʼmafaʼnemogimo alagepa huʼa afiteʼa ageʼnae.

Matiyu 25:4

alagepa huʼa afiteʼa ageʼnaya aʼmafaʼnemogi lamuʼapifiʼmo lakiʼa ata kaesaya aniʼapiʼeʼmo aliniʼa uʼnae.

Matiyu 25:9

haʼao, huʼa, lapamisunana anitimo ago leno lanegaiye. Lamufi lakiʼa ata nekaya aniʼmo miya nefaiya vayaʼaitegatiʼmo uta miya failitapa eyo, huʼa hapa paiʼnae.

Luki 10:3

Viyo, huʼna huteʼna aliʼna lapatesugetapa visayategamo aikeli sipisipigana hutapa afela kalamo maiʼnayategamo ugae.

Luki 21:15

Nagaiʼnimo alagepa huʼa afiteʼa ageʼnaya gemo aliʼna lapamisugetapa hapa paisageʼa afiteʼapaeʼmo getapileʼmo ge huʼa aeʼa ati kaeʼa ge osugae.

Apa 20:29

Ago afiʼnovana lapataleʼna visugeʼapaeʼmo vayaʼmo nehapaya afela kalamogimo lapakaetegamo eʼa magoke anaga sipisipi vayaʼamo lahapaesayafeʼmo maiʼa halove osuʼa muki afinaʼmo lapaegae.

1 Kolitiyani 14:20

Konagaʼnimogitapae, huʼna, mafaʼne anagaʼmogimo neʼafiya agufa lapakesamo oʼafiyo. Vayaʼaitegamo hosu kavaʼmo osisayafeʼmo aise mafaʼnegana hutapa maiyo. Maigayaʼmonanafa gemo aepaʼamo afisayafeʼmo alopa vayakana hutapa maiyo.

2 Kolitiyani 1:12

Lagaemo ma mopafi vayaʼmogi afiteʼa ageʼnaya agufa kavatetiʼmo mago kavaʼmo osuʼnonagenoʼaeʼmo Gotiʼa fikumo laha maeno lamiʼnigeta mago kavaʼmo aeta ati okaeta laipafatiʼmo laote kavaʼmo huʼnone. Lagaemo ma mopafi vayaʼai apaulagaleʼmo mani kavaʼmo nehuta lapakae lapaulagaleʼmo magoʼe huta mani alagepa kavaʼmo huʼnone. Yuʼilaga vekatimoʼmo mani alagepa kavatieʼmo faigoko gemo laha nepaigeta lamogaga neʼaune.

2 Kolitiyani 11:14

Sataniʼa agaiʼamo alino aino afe leno ha le enisole vekagana huno alino hamaleno ateʼniyaʼmofeʼmo aigofe apa vayaʼmogi hisaya kavaʼapieʼmo lahau oʼaigune. Atupa afinaʼmo nehaya kavaʼapimo anonaʼapilefeʼmo alino hano huno apatalegaiye.

2 Kolitiyani 11:3

Nehuvaʼmonanafa nagaloʼyavemoʼa Ivifeʼmo aigofe geletiʼmo agesamo faiʼniya kava huʼa mago vayaʼmogimo lapaipa lapakesamo aliʼa hosu huʼa lapatesagetapa Kalaisifeʼmo lapaipafiʼmo lapakesamo oʼafitapa atalesaya kavafeʼmo koli nehuve.

2 Kolitiyani 8:20

Mago vayaʼamogimo alopa monimo alinituta apamisuna kavatefeʼmo vaiʼmo olamisayafeʼmae.

Filipai 2:15

Vaiʼmo olapamisageno lapaipafiʼmo hosu kavatapimo ohaneʼnisiya Goti mafaʼneʼamo maigae. Lapakaemo hosu kavaʼmo nehaya vayaʼe hosu apaipa apakesamo neʼafiya vayaʼeʼmo maiʼnaya folagapiʼmo neʼmaiyaʼmofeʼmo lama gemokeʼmo afaʼa maisaya yaʼmo neʼapamiya geleʼmo atafautapa alagi huʼnetapa ha le yakana hutapa maiʼnetapaeʼmo ha le yaʼmo apamiyo. Lapakaemo ani kavaʼmo hutapa maiʼnisayana Kalaisi afinaʼmo afole aisigeʼnaeʼmo, nayamufa aliʼyaʼmo fikumo aliʼna ataleʼnove, huʼna osugufa namogaga aiguve.

Kolosi 1:9

Ani kavaʼmo hutapa maiʼnayaʼmofeʼmo afiʼnona afinatetiʼmo oʼataleta nunumuʼmo huta lapateme lapateme eta maiʼnone. Lagaemo, Apakaemo kahauʼnisiya kavaʼmo hisayafeʼmo kaunekameʼmoʼa alino apaya malenageʼa alagepa huʼa apakesamo afiteʼa ageʼa aeto nehaya kavaʼmo apaipafiʼmo havai teno, huta nunumuʼmo nehune.

Kolosi 4:5

Lapakaemo malaga vayaʼaifeʼmo alagepa huta lapakesamo afitetapa alagepa kavaʼmo hiyo. Lapakaemo alagepa kavaʼmo hisaya afinaʼmo ago hano hugiyanagi alagepa kavaʼmo hutapa alagepa aliʼyaʼmo aliyo.

1 Tesaloniyani 2:10

Lagaemo lapakesamo afita fatago nehaya vayaʼmogitapaʼeʼmo lokaeta maiʼnetaeʼmo Gotitegamo alagepa kavaʼmo huge vayaʼaitegamo alagepa kavaʼmo huge vaiʼmo olamisaya agufa kavaʼmo huge huta maiʼnonagetapaeʼmo lapakaeʼe Gotiʼeʼmo ago lageʼnayanagetapa laha maesiya faigoko gemo afaʼa hugae.

1 Tesaloniyani 5:22

Muki agufa hosu kavaʼamo maita halove hutapa ateyo.