Ani kafugamo yasi afinaʼmo hano hugefeʼmo huʼnigenoʼaeʼmo kini vekamo Nepukanesaʼmo Yihoiyakinifeʼmo ge huʼnigeno eʼnigenoʼaeʼmo Mamiloni kotegamo avalelino uʼniye. Agaemo Ala kava neʼmo mono nopiʼmo haneʼniya yaʼmo alopa moniletiʼmo miya faiʼnaya agufa yaʼmo aliteno alinino uʼniye. Nepukanesaʼmo Yihoiyakimi aganaʼamoʼmo Yeʼnekaiyaʼmo Yuta vayaʼmogiʼe Yulusalemu taonifiʼmo maiʼnaya vayaʼmogiʼeʼmo kini vekaʼapimo alino hamaleno ateʼniye.
Matiyu 1:11 - The Keyagana NT and 25 OT books11 Yosaiyaʼa Yekonaiyaʼe konagaʼamogiʼeʼmo kame vayaʼapimogi Isaleli vayaʼmo apavaleli uʼa Mamiloni kotegamo apateʼnaya afinaʼmo alino apateʼniye. အခန်းကိုကြည့်ပါ။ |
Matiyu 1:11
17 ပူးပေါင်းရင်းမြစ်များ
Mamiloni kini vekamo ami vayaʼamogi ohapaeʼnaya vayaʼmo apavalelinuno Mamiloni kotegamo apateʼniye. Apateʼnigeʼa aliʼyaʼamo alige kini vekamo mafaʼneʼamo aliʼyaʼamo alige hume hume neʼagenoʼaeʼmo Pesiya vayaʼmogimo uʼa yagaiʼa apateʼnae. Ala kava neʼmo geʼamo Yelemaiyaʼa afole aisiya kavafeʼmo avayafatiʼmo huʼniya gemo afole aisiyafeʼmo Isaleli vayaʼmogi mopaʼapileʼmo oʼmaiʼnageno sevetiʼa kafugamo mopaʼapimo kaʼme koʼmo haneʼniye. Ani mopaʼapileʼmo Sapati kavaʼmo afole aisiyafeʼmae.
Ina kava huʼa Emalehamu mafaʼnelupatiʼmo afole aiʼnaya aginago vayaʼmo fotiniʼa vayaʼmo afole aiteʼa faliteʼa hume hume neʼagenoʼaeʼmo henagaʼamo Neviniʼa afole aiʼniye. Neviniʼa afole aitegeʼa ina kava huʼa fotiniʼa aginago vayaʼmo afole aiteʼa faliteʼa hume hume neʼageʼapaeʼmo Mamiloni kotegamo apavaleli uʼa apateʼnageʼa maiʼnae. Mamiloni kotega maiʼnaya afinatetiʼmo ina kava huʼa fotiniʼa aginago vayaʼmo afole aiteʼa faliteʼa hume hume neʼagenoʼaeʼmo Kalaisiʼa ina kava huno afole aiʼniye.
ကြော်ငြာတွေ