Matiyu 1:1 - The Keyagana NT and 25 OT books

¹ Yesu Kalaisiʼa Nevini aginago vekamo maiʼnigeno Neviniʼa Emalehamu aginago vekamo maiʼniye. Yesu Kalaisi aginago vayaʼai apakiʼapimo haneʼniye.

Matiyu 1:1 ပူးပေါင်းရင်းမြစ်များ

Aepa Gemae 12:3

Kaha maesaya vayaʼmo aliʼna aulena apategauve. Lifana huʼa katesaya vayaʼmo lifana huʼna apategauve. Kagaetetiʼmo muki ma mopafi nofi vayaʼmo auleʼna vayaʼmo maigae, huno ha paiʼniye.

Aepa Gemae 2:4

Ala kava neʼmo Gotiʼa ina kava huno kokuʼnanagi mopagi muki yanagi huno afa yatetiʼmo alo huʼniye. Gotiʼa mopaʼe kokuʼnaʼeʼmo alo huʼniya afinaʼmo

Aepa Gemae 22:18

Geʼnimo akame huʼnanaʼmofeʼmo kaginago mafaʼnekafatiʼmo muki ma mopafi nofi vayaʼmo aliʼna auleʼna apategauve, huno ha paiʼniye.

Aepa Gemae 5:1

Ina kava huno Atamu aginago vayaʼai apakimo haneʼniye. Gotiʼa vemo alo huʼniya afinaʼmo agaiʼagana huno alo huʼniye.

Samu 89:3

Gotiʼa hunoʼaeʼmo, Nagaemo mago vekamo lekana paiʼna ateteʼna agaeʼeʼmo kotalakemo hu maleʼnova geʼnimo magokepiʼmo hu maleʼnove. Aliʼyaʼnimo neʼaliya vekamo Nevinifeʼmo hunoʼaeʼmo,

Samu 89:36

Agae nofi vayaʼamo alagi hano osuʼa afaʼa maige maige huʼa maigae. Yegemoʼmo muki afinaʼmo naulagaleʼmo lege lege huno neʼmaiya kava huno muki afinaʼmo kini vekamo maiʼneno yagaino apategaiye.

Aiyeya 11:1

Yesiʼmo mago heʼya aiʼniya yosamo hafuʼyafatiʼmo saufa ausisimo aegaiye.

Aiyeya 53:8

Gotiʼa kanolu kalavusifatiʼe agoti huʼa ateʼnaya kavapatiʼeʼmo alino katino ateʼniye. Apakaemo afaʼa maiʼnaya vayapatiʼmo agaemo agoti huʼa ateteʼa kamiti amagiʼnayaʼmofeʼmo ani vayapatiʼmo ina laʼmo apakesamo afinoʼaeʼmo, Agaemo Goti vayaʼamogi hosu kavaʼapilefekeʼmo kayoʼmo aliʼniye.

Matiyu 1:18

Yesu Kalaisiʼa itaʼamoʼmo alino ateʼniya kavaʼmo ina kavaʼmo huno afole aiʼniye. Yosefeʼa Maliyaʼmo lekana pai maleʼniyaʼmonanafa agaeʼeʼmo magokepi lokaeʼana ohavaeʼnaʼagenoʼaeʼmo aote Aunemeʼamoʼmo aipaguʼmo amiʼnigeno ageʼniye.

Matiyu 1:2

Emalehamuʼa Aisakiʼmo alino ateʼnigeno Aisakiʼa Yekopuʼmo alino ateʼnigeno Yekopuʼa Yutaʼe konagaʼamogiʼeʼmo alino apateʼnigeʼanaeʼmo

Matiyu 15:22

Neʼvigenoʼaeʼmo mago Kenani nofi a kanomo ani haopalega maiʼniya a kanomo agaetega eno alopa gefatiʼmo, Ala kava neʼmo Nevini aginagomo, huno, kahau huka nato. Mago hosu aune vekamoʼa aʼmafaʼneʼnimo aipafiʼmo haino maiʼnenoʼaeʼmo alagi alino hosu huno neʼate, huno ha paiʼniyaʼmonanafa

Matiyu 3:16

Yoniʼa Yesuʼmo aniʼmo faleno atetegenoʼaeʼmo Yesuʼa anipatiʼmo haineneʼegenoʼaeʼmo kokuʼnaʼmo aino akaka vaeʼnigeno ageyana Goti Aunemeʼamo kaugoʼyave namagana huno agaeteʼmo emineʼnigeno ageʼniye.

Matiyu 9:27

Yesuʼa ani haopalegatiʼmo ataleno neʼvigeʼanaeʼmo lole vekalaʼmo anaulagamo ali huʼniya vekalaʼmo akame huʼana neʼuʼanaeʼmo, Nevini aginagomo, huʼana, Kahau huka laʼato, huʼana hume hume eʼnaʼae.

Luki 1:33

Agaemo Yekopu nofi vayaʼaleʼmo yagaino apateno hano osuno yagaino apateno maigiye, huno ha paiʼniye.

Yoni 7:42

Goti mukufiʼmo avoʼmo kae maleʼniya gemoʼmo hunoʼaeʼmo, Mesaiya vekamo yagaino neʼapateya kini vekamo Nevini vayapati vekamo maiʼneno Metelehamu taonifiʼmo Neviniʼa maiʼniya taonifatikeʼmo afole aigiye, huno huʼniye, huʼa huʼnae.

Apa 2:30

Neviniʼa aune vekamo maiʼnigenoʼaeʼmo Gotiʼa ha painoʼaeʼmo, kaginago vayapatiʼmo Kalaisi vekamo aliʼna afole aiʼna atesugeno kini vekamo maiʼneka yagaiʼnana kava huno kini vekamo maiʼneno yagaino apategaiye. Lama gemo nehuve, huno hu maleʼniye.

Lomu 1:3

Mani gemo mafaʼneʼamo Ala kava netimo Yesu Kalaisifeʼmo ava gemo haneʼniye. Agaemo ma mopafi maiʼniya kavatefeʼmo mago a kanomo Nevini aginagoʼamoʼa alino ateʼniye.

Lomu 4:13

Gotiʼa Emalehamufeʼmo hunoʼaeʼmo, muki ma mopamo kagaeʼe kaginago vayakaʼeʼmo lapamisugetapa alagi alagepa hutapa maigae, huno polomasi gemo huno ha paiʼniye. Emalehamuʼmofi aginago vayaʼamogimofi huʼa keʼaepa geʼamo akame huʼnisaya kavatetiʼmo Gotiʼa lapamiguve, huno huʼniya yaʼmo alisayafeʼmo osuʼnifa apakesamo afiʼa fatago huteʼa fatago kavaʼamo aliʼnisaya kavatetikeʼmo alisayafeʼmo huʼniye.

Lomu 9:5

Hogote apakinago vayaʼmo Isaleli nofi vayaʼmo maiʼnae. Kalaisiʼa apakaepatiʼmo ma mopafi vekagana huno afole aiʼniye. Kalaisiʼa muki yaʼaleʼmo neʼyagaiya vekamo maige muki afinaʼmo aulena Gotiʼa maige maige huno maigiye. He, lama ge.

Galesiya 3:16

Inagi Gotiʼa Emalehamufeʼmo, fikumo kaha maegauve, huno ha paiʼniya polomasi gemo aginago vekaeʼmo, kaha maegauve, huno ha paiʼniye. Gotiʼa Emalehamu aginago vayaʼaifeʼmo ani gemo hapa opaiʼnifa magoke aginago vekaeʼmo ani gemo ha paiʼniye. Ani magoke aginago vekamo Kalaisiʼmae.

1 Timoti 2:5

Gotiʼa magoke vekamo maiʼnigeta lagaemo maiʼnonanageno agaeʼeʼmo magokepi lokaeta maisunafeʼmo ani magoke vekamo folagapi vekamoʼmo Kalaisi Yesuʼa vayaʼmo maiʼniye.

2 Timoti 2:8

Yesu Kalaisiʼa Nevini aginago vekaʼamoʼmo alagepa faigoko geʼnilefeʼmo faliʼniyatetiʼmo ago alino he tino ateʼniya kavafeʼmo kage okanika kagesa afifi huka maiyo.

Leveleseni 22:16

Nagaemo Yesuʼnamo siosiʼafi siosiʼafiʼmo maiʼnaya vayaʼaifeʼmo mani gemo hapa paisiyafeʼmo enisole vekaʼnimo aliʼna ateʼnogeno emineʼniye. Nagaemo Nevini hafuʼyaʼagana huʼna maige aginagoʼamo maige huʼneʼna netepiʼmo lusi kava huno aeno ha neleya kanefikana huʼna maiʼnove, huʼna ha paiʼnogeno hapa paiʼniye.