Malakai 4:2 - The Keyagana NT and 25 OT books

² Alagi oʼmaigayaʼmonanafa nagiʼnilefeʼmo koli nehaya vayaʼaitegamo ani kavaʼmo huno fatago vekamo yegegana huno hainesiya kavaʼamoʼmo alino hapageno apatesigeʼa alagepa huʼa maigae. Nopatiʼmo pulumaka anaʼau anagaʼmo kita yakiʼa apateʼnageʼapaeʼmo aeʼa hailo hailo huliʼa neʼvaya kava hutapa ugae.

Malakai 4:2 ပူးပေါင်းရင်းမြစ်များ

Samu 103:3

Agaemo muki hosu kavaʼnimo alino ataleteno muki kaitaʼnimo alino nahageno neʼnate.

Samu 147:3

Agaemo hosu kavaʼapieʼmo apaipamoʼmo kana nehiya vayaʼmo alino hapageno apateteno apaipafatiʼmo apakafu kiʼniya kavaʼapileʼmo hayaeno neʼapate.

Samu 61:5

O Gotiyo, huʼna, ina kavaʼmo huguve, huʼna kaha paiʼnova geʼnimo ago afiʼnane. Mafaʼneʼapimogimo afoʼapimogi kagemi yaʼapimo neʼaliya kava huʼa kagikaeʼmo koli nehaya vayaʼmogimo alagepa yakamo aligae. Ani kava huka namisanageʼna aliguve.

Samu 67:1

Gotiʼa hau huno latege alino auleno latege alino maku huno lagege huno maino.

Samu 84:11

Ala kava netimo yegetiʼe halegutiʼeʼmo maiʼniye. Agaemo ala apakiʼapimo apamiteno alagepa yaʼmo fiku hapa maeno apamigiye. Agaemo api kavaʼmo nehaya vayaʼaifeʼmo alagepa yaʼmo magokeʼageʼmo lapamiguve huno osugifa muki alagepa yaʼamo afaʼa apamigiye.

Samu 85:9

Ha le konali yaʼamoʼmo lagae mopaleʼmo hanege hanege huno hanesiyafeʼmo agaefeʼmo koli nehaya vayaʼmogi hapaopaleʼmo eno apakufamo alino katino apategaiye.

Mai'naya kavane 4:18

Hosu vayaʼai kateʼmo hani huʼniye. Asagauʼa aiʼnageno apaiyafiʼmo nehapaigeʼapaeʼmo na agufa yateʼmo laiyafiʼmo lahaeʼnifi huʼa oʼageʼnae. Oʼageʼnayaʼmonanafa yegemo netepiʼmo haineteno leme leme haineno magoʼe huno leno lokiya neʼviya kava huʼa fatago vayaʼmo neʼvaya kateʼmo magoʼe huʼa alagepa huʼa uʼa haiʼa hapaigae.

Aiyeya 35:6

He, ani afinaʼmo apaiyamo hosuʼniya vayaʼmo afela afugana huʼa aeʼa hailo hailo huge apake noʼaiya vayaʼmogimo yokemo huge hugae. Mopamo aeno apalo tisigeno aniʼmo kaʼme kotegamo lusi kava huno aino atagu faegaiye. Aniʼmo ohaneʼnisiya kotegamo alopa aniʼmo uno lamigiye.

Aiyeya 49:6

Ala kava neʼmoʼa ina gemo huno naha painoʼaeʼmo, Kagaemo Yekopu nofi vayaʼmo alika he tika apatesanageʼa halate lokiya vaiʼa maige yagaiʼna apateʼnogeʼa afaʼa maiʼnaya Isaleli vayaʼmo alika alagepa huka apatesanageʼa halate alagepa huʼa maige hisayafeʼmo ani aise aliʼyaʼmo afaʼa alisanana kanale osugiye. Ani aliʼyaʼe magoʼe huʼna alu aliʼyaʼeʼmo kamiguve. Nagaemo ma mopafi muki haopalegamo maiʼnaya vayaʼmogi apakufamo alika katika apatesanafeʼmo ani malaga nofi vayaʼmogi ha le yaʼapigana huka maigane, huʼna aliʼna kateʼnove, huno huʼniye.

Aiyeya 50:10

Lapakaepatiʼmo ina laʼmo Ala kava nefeʼmo koli nehiye. Ina laʼmo aliʼyaʼamo neʼaliya vekamo geʼamo neʼafiye. Ina laʼmo lusi hani huʼniya yapiʼmo umenitata nehiye. Agaemo Ala kava neʼmo agiʼalefeʼmo alino amufa aminoʼaeʼmo naha maegaiye, huno ge hugiye.

Aiyeya 53:5

Goti geʼamo amagita ataleʼnona kavatilefekeʼmo amagiʼnagenoʼaeʼmo kolaʼamoʼmo huʼniye. Hosu kavatilefekeʼmo lusi kava huʼa amagiʼnae. Nofi kayotetiʼmo amagiʼnaya kavatetiʼmo Gotiʼeʼmo alino lao yaʼmo huno lateʼniye. Fugaginaʼamoʼmo huʼniya kavatetiʼmo alino lahageno lateʼniye.

Malakai 3:16

Inagi Ala kava nefeʼmo koli nehaya vayaʼmogimo ge huge afige huʼa maiʼnagenoʼaeʼmo Ala kava neʼmoʼa agetafo huno neʼafiye. Ala kava nefeʼmo koli huteʼa agiʼalefeʼmo apakesamo neʼafiya vayaʼaifeʼmo age okanino agesamo afisiyafeʼmo Ala kava neʼmo aulagaleʼmo mukufiʼmo avoʼmo kae maleʼnae.

Matiyu 11:5

Apaulagamo ali huʼniya vayaʼmo ageʼa ayakege apaiyamo hosuʼniya vayaʼmo alagepa huʼa uʼeʼa huge lepolosi kaitaʼmo hapauʼniya vayaʼmo alagepa apakufamo hanege apakesamo akaniʼniya vayaʼmogimo gemo alagepa huʼa afige faliʼnaya vayaʼmo he tige kagemi yaʼapimo ohaneʼniya vayaʼaifeʼmo alagepa faigoko gemo aeʼna hakalo huʼna hapa nepaugeʼa afige nehae, hutapa uta ha paiyo.

Matiyu 23:37

Yulusalemu taoniyo, Yulusalemu taoniyo, huʼna, Gotiʼa agaetegati gemo alini eʼa aeʼa hakalo huʼa hapa nepaiya vayaʼmo alino apateʼnigeʼa neʼagekaeʼmo kamitimo apamagige apa vayaʼmo yafa kayotetiʼmo apamagige nehane. Kokolemogimo apanaʼaumo apavaleliʼeʼa hapakufiʼmo apati kaeʼa neʼmaiya kava huʼna muki afinaʼae afinaʼaeʼmo mafaʼnekamo apavaleliʼneʼna hapau vaisuvafeʼmo nahauʼniyaʼmonanafa okahauʼniye.

Luki 1:50

Agaefeʼmo koli huteʼa aiyafiʼmo maiʼnaya vayaʼaifeʼmo hau huno apateme apateme uno hau huno neʼapate.

Luki 2:32

Agaemo ha le yakana huno maiʼneno mago alu nofi vayaʼaitegamo aeno ha lesigeʼapaeʼmo ageʼa aeto hugae. Ani kava huno Isaleli vayakamo ala apakiʼapimo apamigiye, huno huʼniye.

Yoni 1:14

Ani vekamo agiʼamo Goti Geʼamoʼmo emineno agufamo aliteno nata neno emineno lagaeʼeʼmo magokepi lokaeno maiʼniye. Lagaeʼeʼmo lokaeno maiʼnigeta ageʼnonana ha le konali yaʼamo Afoʼamoʼmo aiya magoke mafaʼneʼamo aeto agufa kumani mafaʼneʼamo ha le konali yaʼamoʼa aeno ha leʼnigeta ageʼnone. Fiku laha maeno lamisiya kavaʼaʼe lama geʼaʼeʼmo aipafiʼmo havai teʼnigeno aeno ha leʼnigeta ageʼnone.

Yoni 1:4

Agaemo alagepa huʼa neʼmaiya kavaʼmo aepa vekamo maiʼnigeno agaepatikeʼmo alagepa huʼa neʼmaiya kavaʼmo afole aiteno vayaʼaitegamo aeno ha leʼnigeʼa ageʼnae.

Yoni 1:8

Agaiʼamo aeno ha neleya vekamo oʼmaiʼnifa aeno ha neleya vekaeʼmo ava gemo aeno hakalo huno hapa paisiyafeʼmo eʼniye.

Yoni 8:12

Yesuʼa halate ina ge huno hapa paiʼniye. Ma mopafi vayaʼai ha le yaʼapimo maiʼnove. Ina lagimo nakame nehisafigeʼa alagepa huʼa maisaya yaʼmo alino apave lisiya ha le yaʼmo aliteʼa hanipiʼmo umenitata osugae.

Yoni 9:4

Muki felugaʼamo nagaemo alino nateʼnigeʼna emiʼneʼnova vekamo hauʼniya aliʼyaʼamo aliguve. Haniʼmo hisigeʼapaeʼmo muki vayaʼmogimo aliʼyaʼmo afaʼa oʼaligae.

Apa 13:26

Konagaʼnimogitapae, huno, Emalehamu aginago vayaʼe alu nofi vayaʼmogitapa Gotifeʼmo mono nehaya vayaʼmogitapaʼeʼmo afiyo. Gotiʼa ani alagepa geʼamo vayaʼai apakufamo alino katino apatesiya gemo ago alino ateʼnigeno lapakaetegamo eʼniye.

Apa 13:47

Ala kava neʼmoʼa Mukuʼafiʼmo haneʼniya geʼaletiʼmo hunoʼaeʼmo, alu nofi vayaʼaitegamo utapa hapa paiyo, huno laha paiʼniye. Ani gemoʼa hunoʼaeʼmo, Nagaemo ma mopafi muki haopalegamo maiʼnaya vayaʼai apakufamo alino katino apatesiyafeʼmo alu nofi vayaʼai ha le yaʼapigana huka maigane, huʼna aliʼna kateʼnove, huno huʼniye.

Apa 26:18

Apakaemo nagaefeʼmo apakesamo afiʼa fatago hisageʼna hosu kavaʼapimo aliʼna atalesugeʼa Goti apaote vayaʼaʼeʼmo hetamaʼapimo aliteʼa magokepi lokaeʼa maisayafeʼmo kagaemo uka apaulagamo alika ayakeka apateteka hani huʼnisiya yategatiʼmo apayate alinika aika atagi nekeka ha le yategamo apategane. Sataniʼa yagaino neʼapateya kegiʼyafatiʼmo apayate alika apavalelikeka Gotiʼa neʼyagaiya kegiʼyafiʼmo apategane, huno naha paiʼniye, huno ha paiʼniye.

2 Tesaloniyani 1:3

Konagatimogitapae, huta, lapakesamo afita fatago nehaya kavaʼmoʼa ko sino alopa heʼnigetapaeʼmo konagatapimogifeʼmo lapauʼniyanageno magoʼe magoʼe huno nelapaiye. Ani kavaʼmo nehayaʼmofeʼmo kanale kavaʼmogeta lapakaefeʼmo muki afinaʼmo Gotifeʼmo hao ke hesuna kavaʼmo haneʼniye.

2 Pita 1:19

Akeyaʼvilagamo Gotitegati gemo alini eʼa aeʼa hakalo huʼa hapa nepaiya vayaʼmogi ge huʼnageno afole aiʼniya geʼeʼmo haneʼniye. Kanalenagi mani gemo alagepa hutapa afiyo. Mani gemoʼa hanipiʼmo aeno ha neleya kanikana huno aeno ha leme ha leme neʼvigeno ko netigenoʼaeʼmo aeno ha neleya kanefikana huno lapaipafiʼmo aeno ha legaiye.

2 Pita 3:18

Ani kavaʼmo osutapa Ala kava netimo lagufamo alino katino nelateya vekatimo Yesu Kalaisiʼa fikumo lapa maeno lapamiʼniya kavafekeʼmo magoʼe hutapa lapakesamo afita fatago hutetapa Kalaisifeʼmo magoʼe hutapa lapakesamo afitetapa ageta aeto hutetapaeʼmo kosita alopa vayaʼmo maiyo. Ha le konali yaʼamo hemenimo haneʼniyanageno muki afinaʼaeʼmo hanege hanege huno haneno. He, lama ge.

1 Yoni 2:8

Afiʼnayaʼmonanafa hemenimo saufa keʼaepa gemo lapakaefeʼmo avoʼmo nekaove. Mani keʼaepa gemo agaepiʼmo haneʼnigenoʼaeʼmo lapakaepiʼeʼmo haneʼniye. Hani huʼniya kavaʼmo hano hugefeʼmo nehigenoʼaeʼmo ha le yaʼmoʼa aeno ha neleyaʼmofeʼmae.

Leveleseni 11:18

Kaipamo leka neʼapatana kavakamo afole yateʼmo afole aisigekaeʼmo faliʼnaya vayaʼmo agoti huka apatesana afinaʼmo afole neʼaiyaʼmofeʼmo malaga vayaʼmogimo lusi kava huʼa apaipamo leʼa kateʼnae. Kagaemo aliʼyakamo neʼaliya vayaʼmogimo kagaetegati gemo alini eʼa aeʼa hakalo huʼa hapa nepaiya vayanagi muki apaote vayakagi muki vayaʼmogi kagaefeʼmo koli nehaya vayanagi ala apakiʼapimo oʼaliʼnisaya vayanagi ala apaki vayanagi huka miyaʼapimo apamisana afinaʼmo ago afole aiʼniye. Ma mopafi vayaʼmo aliʼa hosu huʼa neʼapataya vayaʼmo alika hosu huka apatesana afinaʼmo ago afole aiʼniye, huʼa huʼnae.

Leveleseni 2:28

Himamuʼnimo apamiteʼna netepiʼmo magoke kanefiʼmo haneʼneno aeno ha neleya kanefiʼmo apamiguve.

Leveleseni 22:16

Nagaemo Yesuʼnamo siosiʼafi siosiʼafiʼmo maiʼnaya vayaʼaifeʼmo mani gemo hapa paisiyafeʼmo enisole vekaʼnimo aliʼna ateʼnogeno emineʼniye. Nagaemo Nevini hafuʼyaʼagana huʼna maige aginagoʼamo maige huʼneʼna netepiʼmo lusi kava huno aeno ha neleya kanefikana huʼna maiʼnove, huʼna ha paiʼnogeno hapa paiʼniye.

Luti 2:12

Ala kava neʼmoʼa kaha maeno kamisigeka maiyo. Kagaemo eka Ala kava neʼmo Isaleli vayaʼai Gotiʼapimo hakufiʼmo fala kiʼnananageno alagepa huno yagaino kategaiye, huno ha paiʼniye.