Malakai 4:1 - The Keyagana NT and 25 OT books

¹ Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Afiyo, huno, Mago afinaʼmo afole aisigenoʼaeʼmo alopa sitopufiʼmo ata neleya agufa kavaʼmo huno himuʼnamu kavaʼmo nehaya vayaʼe hosu vayaʼeʼmo vaiʼniya kahaugana huʼa maiʼnisageno atamoʼa apaleno pasaga ligiye. Ani afinaʼmo atamoʼmo yosaʼaʼe hafuʼyaʼaʼeʼmo leno saga lisigeno alagi ohanegaiye.

Malakai 4:1 ပူးပေါင်းရင်းမြစ်များ

Samu 119:119

Goli yafaʼmo atafiʼmo kaeʼnagenoʼaeʼmo oʼaniʼyaʼamo leno kalo paeno ataleʼnigeʼa aliʼa neʼatalaya kava huka hosu vayaʼmo alika neʼapatalanaʼmofeʼmo kavayafatiʼmo huʼnana keʼaepa gekaeʼmo nahau nayamopafiʼmo nahauʼniye.

Samu 37:9

Hosu kavaʼmo nehaya vayaʼmo kayoʼmo apamisigeʼa faligayaʼmonanafa Ala kava nefeʼmo agava neʼmaiya vayaʼmogimo ma mopamo aligae.

Hatu maeno apate'niya gemae 15:7

Kagaemo alagi aeka apaka seka hogote vekamo maiʼnana himamukaletiʼmo kame vayakamo alika afepiʼmo apateʼnane. Kagaemo kaipamo leʼniya kavakamoʼa atamoʼmo kahaumo leno hano huno ataleʼniya kava huno leno apasa kalino apataleʼniye.

Aiyeya 40:24

Vayaʼmogi neʼyaʼmo fai maleʼnisagenoʼaeʼmo aimuʼyaʼamo uno olamiʼnigeno Gotiʼa avamusaʼmo neʼaigenoʼaeʼmo malage huno vaisigeno yasimoʼmo vaiʼniya yaʼmo alino halelino neʼviya kava huno Gotiʼa ala apaki vayaʼmo alino hano huno apatalegaiye.

Aiyeya 5:24

Hosu kavaʼmo nehayaʼmofeʼmo atamoʼmo vaiʼniya kahaufiʼmo malage huno leno hano huno neʼataleya kava huno hosu kavaʼmo apakaeteʼmo afole aigiye. Asole vayaʼaiteʼmo yagaino neʼapateya Ala kava neʼmo keʼaepa geʼamo oʼafiʼa apakameʼyamo amiteʼa Isaleli vayaʼmogi aote Gotiʼapimo geʼaeʼmo, afa gemo haneʼniye, huʼa huʼnayaʼmofeʼmo hapafuʼyaʼapimo ago kasalisigenoʼaeʼmo haitaʼapimo hali huno asagauno aigiye.

Omataiya 1:18

Yekopu nofi vayaʼmogimo atagana huʼa maige Yosefe nofi vayaʼmogimo ata vaikana huʼa maige Iso nofi vayaʼmogimo vaiʼniya hiʼyagofagana huʼa maige hugae. Maiʼneʼapaeʼmo Yekopu nofi vayaʼmogiʼe Yosefe nofi vayaʼmogiʼeʼmo atamoʼmo neleya agufa kavaʼmo huʼa Iso nofi vayaʼmo aliʼa hano huʼa apatalegae. Iso nofi vayapatiʼmo magoke vekamo afaʼa oʼmaigiye. Ala kava neʼmoʼa ani gemo huʼniyaʼmofeʼmae.

Neyomi 1:10

Apakaemo aufe kahaumoʼmo aino kiʼniya kava huʼa maige lokiya aniʼmo neteʼa negi nagi nehaya vayaʼmo magokepi lokaeʼa neʼmaiya kava huʼa magokepiʼmo lokaeʼa maige huʼnayanageno atamoʼmo vaiʼniya hiʼyagofafiʼmo neleya kava huno alagi alino hano huno apatalegaiye.

Sefanaiya 1:14

Ala kava neʼmoʼa agoti huno apatesiya alopa afinaʼamo ago hemenimo eno hogo huʼniyanageno ani afinaʼmo alagi malage huno afole aigiye. Ani hosu afinaʼmo lusi lokiya ati vayaʼmogiʼeʼmo lusi kava huʼa koli huteʼa alopa gefatiʼmo ge hugae.

Sefanaiya 1:18

Ala kava neʼmoʼa aipamo neleya kavaʼmo afole aisiya afinaʼmo muki siluva yafaʼapimoʼe goli yafaʼapimoʼeʼmo alagi hapa oʼmaegaiye. Haʼao. Kaino nefaiya kavaʼmoʼa atagana huno muki Isaleli mopamo leno asagaligiye. Agaemo malage huno muki mani koteʼmo maiʼnaya vayaʼmo alagi alino hano huno apatalegaiye.

Malakai 3:15

Agaemo hosu kavaʼmo nehaya vayaʼmo alino asagauno neʼapateyaʼmofeʼmo hemenimo lagaemo hutaeʼmo, himuʼnamu kava nehaya vayaʼmo hapa neʼmae, huta nehune. He, Gotiʼa amalageka nehaya vayaʼmo hosu hanageke yaʼmo oʼaliʼa hanageke kavapatiʼmo afaʼa uʼnae, huta nehune.

Malakai 3:18

Ani afinaʼmo lapakaemo ani vayaʼmo apaketapa aeto hutetapaeʼmo, fatago vayaʼmae, hutapa apaketa aeto huge ani vayaʼmo hosu vayaʼmae, hutapa apaketa aeto huge Goti aliʼyaʼamo aliʼnaya vayaʼmae, hutapa apaketa aeto huge Goti aliʼyaʼamo oʼaliʼnaya vayaʼmae, hutapa apaketa aeto huge hugae, huno hapa paiʼniye.

Malakai 3:2

Egaiyaʼmonanafa ani esiya afinaʼmo haiya vayaʼmo afaʼa maigae. Agaemo afole aisigeʼapaeʼmo haiya vayaʼmo afaʼa he tiʼa maigae. Agaemo atafiʼmo siluva yafaʼmo kaeʼnagenoʼaeʼmo leno alagepa siluva yafaʼmo afole neʼaiya atakana huno afole aigiye. Agaemo sopuletiʼmo muki oʼaniʼya faiʼniya yaʼmo sese huʼnagenoʼaeʼmo aeno kalo nepaeya sopugana huno afole aigiye.

Malakai 3:3

Agaemo atafiʼmo siluva yafaʼmo kaesigeno leno alagepa siluva yafaʼmo afole aisiyafeʼmo yagaino neʼmaiya vekagana huno afole aigiye. Agaemo Livai nofi vayaʼmogi hosu kavaʼapimo aeno kalo paeno ataleteno alino alagepa huno apategaiye. Atafiʼmo goli yafaʼe siluva yafaʼeʼmo kaeʼnageno leno kalopaeno alagepa yafaʼamo afole neʼaiya kava huno alino alagepa huno apatesigeʼa fatago kavaʼmo nehuʼapaeʼmo Ala kava neʼmo ofalinimo amigae.

Malakai 4:5

Afiyo, huʼna, Ala kava neʼmoʼna afinaʼnimo afole aisigeʼapaeʼmo lusi kava huʼa koli hugae. Nagaemo hogoteʼna Ilaiyaʼmo nagaetegati gemo alinineno aeno hakalo huno hapa nepaiya vekamo aliʼna atesugeno eno hogotegaiye.

Matiyu 3:12

Agaemo sipetiʼamo ayapiʼmo aliʼniyanageno vitimo haletiʼyaʼamo sipetiletiʼmo haleteno neʼyaʼamo alino noʼafiʼmo anupa huno maleteno haletiʼyaʼamo alino yu oseno neleya atafiʼmo kaegaiye, huno hapa paiʼniye.

Luki 19:43

Mago afinaʼmo afole aisigeʼapaeʼmo kame vayatapimogi Yulusalemu taonifiʼmo eʼa taonileʼmo mopamo kafi maleʼa vego huʼa avemo haiʼa muki lapaune hetapa visaya kateʼmo maleʼa akanigae.

Luki 21:20

Lapakaemo apakesageʼa ati vayaʼmo eʼa Yulusalemu taonifiʼmo faiʼa vego hisagetapa apaketetapaeʼmo, muki ani taonifiʼmo maiʼnaya vayaʼmo hapaeʼa hano huʼa apatalesaya afinaʼmo alagi hogo hiye, hutapa lapakesamo afiyo.

Luki 6:23

Ani agufa kavaʼmo lapakaetegamo hisaya afinaʼmo lapamogaga aitetapa lapavayagunagu nehutapaeʼmo aeta hailo hiyo kokuʼnapatiʼmo alopa miyatapimo aligae. Lapakaetegamo hisaya agufa kavaʼmo huʼa apakinago vayaʼmogi ani kavaʼmo huʼa Gotitegati gemo alini eʼa aeʼa hakalo huʼa hapa nepaiya vayaʼaitegamo huʼnayaʼmofeʼmo lapamogaga aiyo.

2 Tesaloniyani 1:8

Kalaisiʼa Gotiʼmo oʼagege Ala kava netimo Yesu Kalaisifeʼmo alagepa faigoko geʼamo oʼafige huʼa neʼmaiya vayaʼmo anonaʼapilefeʼmo ata kayotetiʼmo apamagigiye.

2 Pita 3:7

Ani kavaʼmo huno Gotiʼa ma mopaʼe kokuʼnaʼefeʼmohunoʼaeʼmo, afaʼa haneno, huno huʼnigeno haneʼniyanageno atamoʼa leno saga lisiyafeʼmo afaʼa haneʼniye. Gotiʼa yagaino ateʼnigeno haneme haneme neʼeyanageno Gotiʼa agaefeʼmo mono nosaya vayaʼaina agoti huno apateteno alino apagoʼya lagauno apatalegaiye.