Malakai 3:2 - The Keyagana NT and 25 OT books

² Egaiyaʼmonanafa ani esiya afinaʼmo haiya vayaʼmo afaʼa maigae. Agaemo afole aisigeʼapaeʼmo haiya vayaʼmo afaʼa he tiʼa maigae. Agaemo atafiʼmo siluva yafaʼmo kaeʼnagenoʼaeʼmo leno alagepa siluva yafaʼmo afole neʼaiya atakana huno afole aigiye. Agaemo sopuletiʼmo muki oʼaniʼya faiʼniya yaʼmo sese huʼnagenoʼaeʼmo aeno kalo nepaeya sopugana huno afole aigiye.

Malakai 3:2 ပူးပေါင်းရင်းမြစ်များ

Aepa Gemae 19:28

Agaemo he tino aulu heno ageyana Satomi taonifatiʼe Gomola taonifatiʼenagi muki otu kotegatinagi huno alopa sitopufatiʼmo lusi halinamo neʼaiya kava huno aiʼnigeno ageʼniye.

Samu 130:3

O Gotiyo, huʼna, hosu kavatimo alika fako huka lateteka miyatimo lamiʼnanesinana Ala kava nene, huʼna, ina laʼmo afaʼa faino kasalo paeʼniyesine.

Samu 2:7

Kini vekamoʼmo hunoʼaeʼmo, Ala kava neʼmoʼa hu maleʼniya gemo aeʼna hakalo huʼna lapa paiguve, huno huʼniye. Agaemo, Hemeni afinaʼmo mafaʼneʼnimo aliʼna kateʼnogeka maiʼnane, huno naha paiʼniye.

Samu 76:7

Vayaʼmogimo kagaefeʼmo koli hiyo. Kaipamo lesigekaeʼmo ina laʼmo kaulagaleʼmo he tino maigiye. Haʼao, mago vekamoʼmo afaʼa he tino oʼmaigiye.

Mai'naya kavane 25:4

Vayaʼmogimo siluva yafaʼmo aliʼa atafiʼmo kaeteʼa hosu yaʼamo aliʼa ataleteʼa siluva yafatetiʼmo muki yaʼmo alo nehiya vekamo amisageno alagepa konali yaʼmo alo hugiye.

Aiyeya 1:18

Ala kava neʼmoʼa hunoʼaeʼmo, Lapakaemo nagaetegamo egetao nagaeʼeʼmo ge huge afige huta maigune. Hosu kavatapimoʼmo haesa yakana huno aeno kamaeʼniyaʼmonanafa yave yaveʼage huno hanegaiye, huno hapa paiʼniye.

Aiyeya 33:14

Saiyoni taonifiʼmo maiʼnaya vayapatiʼmo hosu kavaʼmo nehaya vayaʼmogimo koli huʼa maiʼnae. Aigofe vayaʼmogimo hapau aiteʼapaeʼmo apamoʼyamo neʼaiye. Apakaemo huʼapaeʼmo, Lagaepatiʼmo ina lagimo leno pasaga neliya atafiʼmo maige maige huʼa maigae. Lagaepatiʼmo ina lagimo yu oseno lege lege huno neʼmaiya ata koteʼmo maige maige huʼa maigae, huʼa nehae.

Aiyeya 4:4

Ala kava neʼmoʼa Saiyoni aʼne anagaʼmogi oʼaniʼya faiʼniya hosu kavaʼapimo sese huno ataleteno Aunemeʼaletiʼmo Yulusalemu vayaʼmogi vayaʼmo kamitimo apamagiʼnageno kolaʼmo aino lakiʼniya hosu kavaʼapilefeʼmo agoti huno apateteno hosu kavaʼapimo atafiʼmo kaeno atalegaiye.

Neniyo 11:35

Alagi alino alagepa huno apatege hosu kavaʼapimo aeno kalo paeno atalege yaveyave vayaʼmo alino hamaleno apatege huteno hapa maesiyafeʼmo mago afiteʼa ageʼnaya vayaʼmo faligae. Hapa maelino neʼvisigenoʼaeʼmo atupa afinaʼmo Gotiʼa lekana pai maleʼniya afinaʼmo afole aigiye.

Neyomi 1:6

Agaemo aipamo lesiya afinaʼmo ina laʼmo aulagaleʼmo afaʼa he tino maigiye. Aipamo leno apatesigeʼapaeʼmo haiya vayaʼmo afaʼa maigae. Aipamo leno apateteno kayoʼmo neʼapamiya kavaʼmo atagana huno vayaʼai apakenopaleʼmo asagauno neʼaiye. Aipamo neleya kavaʼmoʼa yafaʼmo aino naku nepae.

Malakai 4:1

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Afiyo, huno, Mago afinaʼmo afole aisigenoʼaeʼmo alopa sitopufiʼmo ata neleya agufa kavaʼmo huno himuʼnamu kavaʼmo nehaya vayaʼe hosu vayaʼeʼmo vaiʼniya kahaugana huʼa maiʼnisageno atamoʼa apaleno pasaga ligiye. Ani afinaʼmo atamoʼmo yosaʼaʼe hafuʼyaʼaʼeʼmo leno saga lisigeno alagi ohanegaiye.

Matiyu 25:10

Aniʼmo miya faisayafeʼmo uʼnagenoʼaeʼmo saufa aʼmo alisiyafeʼmo huʼniya vekamo ago eno avaʼyi huʼniye. Ago alo huʼa maiʼnaya aʼmafaʼne anagaʼmogi agaeʼeʼmo magokepi lokaeʼa uʼa haiʼa neʼyaʼmo yagita huʼnaya nopiʼmo maiʼnagenoʼaeʼmo kitamo ki maleʼniye.

Luki 2:34

Simiyoniʼa alino auleno apatetenoʼaeʼmo ani mafaʼnemo itaʼamoʼmo Maliyafeʼmo hunoʼaeʼmo, Afiyo, huno, mago vayaʼamogimo geʼamo oʼafiʼa ataleʼa asagauʼa aige mago vayaʼamogimo geʼamo afiteʼapaeʼmo he tiʼa maige hisayafeʼmo Gotiʼa lekana paino ateʼniye. Agaemo Gotitegatiʼmo alagena yakana huno alino apave lisigeʼapaeʼmo apaini huʼa atesagenoʼaeʼmo

Luki 21:36

Inagi muki afinaʼmo kava yagaita maiyo. Muki afole aisiya kavaʼamo aeta agasesaya agufa kavaʼmo huta maiʼnetapaeʼmo Vemo Mafaʼnemo aulagaleʼmo he tita maisayafeʼmo nunumuʼmo hiyo, huno hapa paiʼniye.

Luki 3:17

Sipetiʼamo ayapiʼmo aliʼniyanageno viti alagamo faino kateno atalesigeno haiteno mopafiʼmo asagauno aisigeno neʼyaʼageʼmo alino anupa huno noʼafiʼmo maleteno haleti yaʼamo yu oseno neleya atafiʼmo alino kaegaiye, huno hapa paiʼniye.

Luki 3:9

Hemenimo yosamo heʼya aisiyafeʼmo koʼnemo alagi alo huno alinineno yosamo aepaleʼmo maleʼniye. Muki alagepa alagamo noʼaeya yosamo heʼya aiteʼa aliʼa atafiʼmo yaga auʼa nekae, huno hapa paiʼniye.

Luki 7:23

Nagaefeʼmo lole apakesamo noʼafiya vayaʼmogi Goti aulena vayaʼamo maiʼnae, huno hana paiʼnigeʼana uʼnaʼae.

Yoni 8:55

Gotitimoʼmo maiʼniye, hutapa nehayaʼmonanafa oʼageʼnageʼna nagaekeʼmo ageʼnove. Oʼageʼnove, huʼna nehuvesinana lapakaekana huʼna aigofe gemo nehuva vekamo maiʼnovesine. Nagaemo ago ageʼnovaʼmofeʼmo geʼamo akame nehuve.

Himulu 12:25

Inagi ehetapiye, huʼna, ge nehisigetapaeʼmo geʼamo amagita oʼataletapa geʼamo alagepa hutapa afiyo. Gotiʼa ma mopafi Sainai aveletiʼmo ge huʼnigeʼapaeʼmo geʼamo oʼafiʼa amagiʼa ataleʼnaya vayaʼmo faiʼa kasalo opaeʼnayaʼmofeʼmo kokuʼnapatiʼmo ge nehisigetaeʼmo oʼafita lakameʼyamo neʼamisunana haiya kava huta faita kasalo paegaune.

Leveleseni 19:8

Alagepa huno yaveyave huteno aeno ha leʼniya kukenamo oʼaniʼya ofaiʼniya kukenamo vaisiyafeʼmo amiʼniye, huʼa huʼnae. Ani alagepa kukenamo haneʼniya kava huno Gotiʼa fatago kavaʼamo apaote vayaʼamo apamiʼnigeʼa vaiʼa aliʼnaya kavaʼmo haneʼniye.

Leveleseni 2:23

Ani kavaʼmo huteʼna mafaʼne anagaʼamo apamagisugeʼa faligae. Inagi siosiʼafi siosiʼafiʼmo maiʼnaya vayaʼmogimo nagaemo hisuva kavaʼmo ageteʼapaeʼmo, agaemo vayaʼai apaipa apakesafiʼmo neʼageya vekamo maiʼniye, huʼa nagegae. Na agufa kavaʼmo huʼnisafigeʼna anonatapilefeʼmo lapamete lapamete huʼna lapamiguve.

Leveleseni 6:17

Anaipamo leʼana neʼapataʼa afinaʼmo afole aiʼnigi haiya vayaʼmo afaʼa he tiʼa maigae, huʼa huʼnae.

Leveleseni 7:14

Ala vekae, huʼna, oʼapakeʼnove. Kagaemo apakeʼnanagi naha paiyo, huʼna afi geʼnogeno naha painoʼaeʼmo, Kalaisiʼa lusi kava huʼa apaini huʼa lapatesaya afinaʼmo afole aigiye, huno lapa paiʼniya afinaʼmo alopa hanageke yaʼmo ago afole aiʼnigeʼa Goti geʼamo oʼataleʼa eʼa maiʼnae. Yatala kukenaʼapimo aikeli sipisipi vekamo kolaʼaletiʼmo sese huʼnageno yaveyave kukenamo hamaleʼniye.

1 Samiyo 6:20

Metisemesi ve anagaʼmogimo huʼapaeʼmo, Haiya vayaʼmogi ani aote Ala kava neʼmo Goti aulagaleʼmo he tiʼa maigae. Lagaemo ani kesimo haiya vayaʼaitegamo alita atalesunageno ugiye, huʼa huʼnae.