Malakai 3:17 - The Keyagana NT and 25 OT books

¹⁷ Ala kava neʼmoʼa asole vayaʼaiteʼmo yagaino neʼapateya vekamoʼmo hunoʼaeʼmo, Mago vekamoʼmo hogote alagepa yaʼamo alopa moniletiʼmo miya nefaiya yaʼmo alino kesifiʼmo neʼmaleya kava huʼna nagaemo muki nofi vayapatiʼmo apavaleliʼneʼna aliʼna anupa huʼna apateteʼnaeʼmo apakaefeʼmo, lapakaemo nagaiʼni vayaʼmo maigae, huʼna hapa paiguve, huno huʼniye. Mago vekamoʼmo agaiʼa mafaʼnemoʼmo aliʼyaʼamo neʼaliya mafaʼnemo kayoʼmo oʼamino afaʼa agegeno neʼateya kava huʼna kayoʼmo oʼapamiʼna afaʼa apakegeʼna apategauve.

Malakai 3:17 ပူးပေါင်းရင်းမြစ်များ

Samu 115:13

Ala kava neʼmoʼa agaefeʼmo muki koli nehaya vayanagi apaki haneʼniya vayanagi apaki ohaneʼniya vayanagi huno alino auleno apategaiye.

Samu 135:4

Ala kava neʼmoʼa agaiʼalefeʼmo Yekopu vayaʼmo lekana paino apateʼniyaʼmofeʼmo ala agiʼamo amiyo. Isaleli vayaʼmo agaiʼa vayaʼamo maiʼnayaʼmofeʼmo ala agiʼamo amiyo.

Hatu maeno apate'niya gemae 19:5

Inagi lapakaemo kotalakeʼnimo atafautapa alagi huʼnetapa geʼnimo akame hisayana muki vayapatiʼmo nagaiʼnilefeʼmo lekana paiʼna lapateʼnova vayaʼnimo maigae. Muki ma mopafi haneʼniya yaʼmo nagaiʼni yaʼageʼmo haneʼniyaʼmofeʼmae.

Hatu maeno apate'niya gemae 32:32

Alo huʼnayaʼmonanafa hosu kavaʼapimo afa alika atalegapiye. Alika oʼatalesanana inagi kagaemo nagiʼnimo mukufiʼmo avoʼmo kae maleʼnana nagiʼnimo aeka kalo paeka atalo, huno huʼnigeno

Salomoni Yokemae 2:16

Nahau nayamopafiʼmo neʼnahaiya vekamo nagaiʼni vekaʼnimo maiʼnigeʼna agaiʼa aʼamo maiʼnove. Agaemo sipisipi anagaʼamo apavalelino uʼnigeʼapaeʼmo kanale yaveyave kahaumoʼmo ause heʼniya folagapatiʼmo kahaumo neʼnae.

Aiyeya 4:2

Ani afinaʼmo Ala kava neʼmo ve mafaʼneʼamoʼmo saufa ausasaʼmo haineno afole aisigeʼa vayaʼamogimo ala apakimo alige ha le konali yaʼapimo alige hisayafeʼmo maigiye. Isaleli vayaʼmo kalavusifatiʼmo ataleʼa uʼnaya vayaʼmogi ani yosamo aepafatiʼmo alagepa neʼyaʼmo afole aisigeʼa ageteʼa hapaʼye hisigeʼapaeʼmo, Alagepa neʼyane, huʼa hugae.

Aiyeya 43:1

Isaleli vayaʼmogitapae, huʼna, Ala kava neʼmoʼa alo huno lapateteno alino magoke nofi vayaʼmo hamaleno lapateʼniya vekamoʼmo hemenimo ina gemo huno lapa painoʼaeʼmo. Nagaemo miya faiʼna hatu maeʼna lapateʼnovaʼmofeʼmo koli osiyo. Nagaemo lapakitapimo lapateteʼnaeʼmo lapakaefeʼmo nagaiʼni vayane, huʼna huʼnove.

Aiyeya 43:21

Nagaemo ani vayaʼmo nagaiʼni vayaʼnimo aliʼna ha maleʼna apateʼnovanageʼa apakaemo ala nagiʼnieʼmo aeʼa hakalo hugae.

Sefanaiya 2:2

Fiku yanagetapa afaʼa maiʼnisageno Ala kava neʼmoʼa lekana pai maleʼniya afinaʼmo afole aigiye. Yasimoʼmo haletiʼya yaʼmo alino halelino neʼviya agufa kava huno alino lapafaitalesigetapa ugae. Ala kava neʼmoʼa aipamo lusi kava huno leno lapatesiya kavaʼmo lapakaeteʼmo afole aigiyanagi lapakaemo yagu yaga kavaʼmo nehaya vayane, huʼna, hogotetapa alita anupa huʼnetapaeʼmo Ala kava nefeʼmo kahauya hiyo. Fatago kavaʼamo alisayafeʼmo kahauya huge yagu yaga kavaʼamo alisayafeʼmo kahauya huge hutetapa himuʼnamu kavaʼmo ago ataleyo. Ala kava neʼmoʼa aipamo lusi kava huno leno apatesiya afinaʼmo alino fala kino lapatesifigi amalageka hutapa agegeyo.

Malakai 1:6

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Mafaʼne anagaʼmogimo afoʼapimogi ala apakiʼapimo neʼapamiye. Aliʼyaʼmo neʼaliya vayaʼmogimo aliʼyaʼmo afoʼamo geʼamo neʼafiye. Nagaemo Afotapimoʼnamo maiʼnovana na kava higetapaeʼmo ala nagiʼnimo noʼnamiye. Yagaiʼna nelapatova vekamo maiʼnovana na kava higetapaeʼmo koliʼnimo osutapa naiyafiʼmo noʼmaiye. Nagaemo mani gemo mono hutapa neʼapataya vayaʼmogitapamo nagiʼnieʼmo lapavenatuʼnaʼmo hetapa atalegekana kavaʼmo nehaya vayaʼmogitapaeʼmo lapa nepauvaʼmonanafa lapakaemo hutapaeʼmo, haiya kava huta kagikaeʼmo lavenatuʼnaʼmo heta atalegekana kavaʼmo nehune, hutapa nehae.

Malakai 4:3

Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Ani kavaʼmo hisuva afinaʼmo atamoʼmo hosu vayaʼmo apaleno pasaga lisigeʼa laʼnefamo aliʼa hamalesagetapa ani laʼnefaleʼmo lapaiyamo aeʼnetapa ugae.

Matiyu 25:34

Apateʼnenoʼaeʼmo ala kini vekaʼapimoʼmo lamaga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo alino auleno lapateʼniya vayanagi eyo. Gotiʼa ma mopamo alo huʼniya afinaʼmo lapamisiyafeʼmo alo huno lapateʼniye. Mafaʼneʼapimogimo afoʼapimogi yaʼmo neʼaliya kava hutapa uta haita muki yaʼnimo aliyo.

Yoni 17:24

Afo, huʼna, nahauʼniyanagi apavaleka namiʼnana vayaʼnimo nagaetegamo eʼa maiʼneʼa namiʼnana ha le konali yaʼnimo agesayafeʼmo nahauʼniye. Ma mopamo alo osuʼnana afinaʼmo nagaefeʼmo kahau kayamopafiʼmo kahauʼniyaʼmofeʼmo ha le konali yaʼnimo namiʼnane.

Lomu 8:32

Agaemo mafaʼneʼamo agegeno oʼateʼnifa mukiʼamogitalefeʼmo avalelino uno hosu vayaʼai apayapiʼmo ateʼniye. Agaemo mafaʼneʼamo ago avaleno lamiʼniyaʼmofeʼmo mafaʼneʼaʼe muki yaʼaʼeʼmo fikumo olamisifiye. Haʼao, fikumo lamigiye.

1 Kolitiyani 15:23

Hogoteno he tiʼniyanageʼa kanaʼapilefeʼmo he tigae. Kalaisiʼa hoyafatiʼmo hogoteno leʼniya neʼyakana huno he tiʼniyanageʼa eminesiya afinaʼmo vayaʼamo he tigae.

2 Kolitiyani 6:18

Afotapimoʼnamo maisugetapa mafaʼne aʼmafaʼneʼnimo maigae, huno Ala kava neʼmo ayamufaʼage vekamoʼmo ani gemo hu maleʼniye, huno huʼniye.

Galesiya 5:24

Kalaisi Yesu vayaʼamogimo atafa apaipa apakesagi atafa apaipafatiʼmo hapaʼye nehiya kavanagi huʼa aliʼa malipu yosaleʼmo nili aiteʼa aliʼa he tiʼa ateʼnae.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

1 Pita 2:9

Huno hu maleʼniyaʼmonanafa ago lekana paino lapateʼniya vayaʼmo maiʼnae. Lapakaemo lapaote nofi vayaʼamo maiʼnae. Mono hutapa neʼapataya kini vayaʼamo maiʼnae. Lapakaemo Goti agaiʼa vayaʼamo maiʼnae. Gotiʼa keya aeno ge huʼnigetapaeʼmo hani huʼniya kavategatiʼmo eta agetetapa lapau aiʼnaya ha le kavaʼalegamo maiʼnae. Agaemo lapakaefeʼmo keya aeno ge huʼniya vekamoʼmo alagepa kavaʼmo huʼniya kavaʼaeʼmo ava gemo aeta hakalo hutapa hapa paisageno ala agiʼamo alisiyafeʼmo lekana paino lapateʼniye.