Malakai 3:16 - The Keyagana NT and 25 OT books

¹⁶ Inagi Ala kava nefeʼmo koli nehaya vayaʼmogimo ge huge afige huʼa maiʼnagenoʼaeʼmo Ala kava neʼmoʼa agetafo huno neʼafiye. Ala kava nefeʼmo koli huteʼa agiʼalefeʼmo apakesamo neʼafiya vayaʼaifeʼmo age okanino agesamo afisiyafeʼmo Ala kava neʼmo aulagaleʼmo mukufiʼmo avoʼmo kae maleʼnae.

Malakai 3:16 ပူးပေါင်းရင်းမြစ်များ

Aepa Gemae 22:12

Ha paiʼnigenoʼaeʼmo enisole vekamoʼmo, mafaʼnekamo lugoʼamo ohatagauka agaetegamo mago agufa kavaʼmo osuvo. Kagaemo ani magoke mafaʼnekamo namisanafeʼmo agegeka oʼateʼnanaʼmofeʼmo nagaemo kageʼnovana Gotifeʼmo kaipafatiʼmo koli huʼneka mono nehane, huno ha paiʼniye.

1 Kini 18:12

Nagaemo kataleʼna neʼvisugenoʼaeʼmo Ala kava neʼmo Aunemeʼamoʼmo nagaemo mago oʼageʼnisuva kotegamo kavalelino ugiye. Nagaemo uʼna Ehapifeʼmo ha paisugeno Ehapiʼmo eno kagaefeʼmo kahauya hisiyana okagenoʼaeʼmo kamitimo namagigiye. Nagaefeʼmo kagesa afiyo. Nagaemo aliʼyakamo neʼaluva vekamoʼnamo neya mafaʼnemo maiʼnova afinatetiʼmo Ala kava nefeʼmo koli hume hume eʼna hemenimo maiʼnove.

1 Kini 18:3

Kafu huʼnageno kini vekamo Ehapiʼmo alopa noʼaleʼmo neʼyagaiya vekamo Omanaiyafeʼmo keya aeno ge huʼnigeno eʼniye. Omanaiyaʼmo Ala kava nefeʼmo lusi kava huno koli huʼniya vekamae.

Esata 2:23

Ani gemo aepaʼaeʼmo kahauya huʼnayana alagi lama gemo huʼnaʼa gemo afiʼnae. Afiʼnayaʼmofeʼmo apakaemo ani lole vekalaʼmo anavaleli uʼana yosaleʼmo ananeʼmu aeʼana asaiʼnaʼageʼana faliʼnaʼae. Kini vekamo aulagaleʼmo ani kavafeʼmo ava gemo gamani vayaʼai mukufiʼmo avoʼmo kae maleʼnae.

Esata 6:1

Ani haniʼilagamo kini vekamo au kalesiyafeʼmo havaeʼniyaʼmonanafa au okaleno afaʼa maiʼnenoʼaeʼmo agaiʼamo yagaino neʼapateya koteʼmo afole aiʼniya kavafeʼmo ava gemo avoʼmo kaeʼa neʼmalaya mukueʼmo mago vekaeʼmo, alinika eno, huno ha paiʼnigeno alinineno kini vekamo aulagaleʼmo ani mukufiʼmo lekana paiʼniye.

Samu 10:4

Avai avai nehiya vekamoʼmo Gotiʼa agesiyafeʼmo kahauya nosiye. Gotifeʼmo alagi agesamo noʼafiye.

Samu 104:33

Nagaemo muki afaʼa maisuva afinaʼmo Ala kava neʼmoʼa afisiyafeʼmo yokemo huguve. Nagaemo Gotiʼnimofeʼmo yoke huʼnaeʼmo agiʼaleʼmo aliʼna asaga huʼna yokemo huliʼna uʼna faliguve.

Samu 111:10

Ala kava nefeʼmo koli nehisaya vayaʼmogi aepa nefaiyanageʼa afiteʼa agegae. Agiʼaleʼmo aliʼa asaga huʼa neʼataya kavaʼmo hanege hanege huno hanegaiye.

Samu 115:13

Ala kava neʼmoʼa agaefeʼmo muki koli nehaya vayanagi apaki haneʼniya vayanagi apaki ohaneʼniya vayanagi huno alino auleno apategaiye.

Samu 119:63

Nagaemo kagaefeʼmo koli nehaya vayaʼeʼmo magokepiʼmo lokaeta maiʼnone. Apamiʼnana geleʼmo yagaiʼa ateʼneʼa akame nehaya vayaʼeʼmo magokepiʼmo lokaeta maiʼnone.

Samu 139:4

Ge osuʼnovaʼmonanafa Ala kava nene, huʼna, henagaʼamo hisuva geʼnimo ago ageʼnane.

Samu 147:11

Ala kava neʼmoʼa vayaʼmogimo agaefeʼmo koli nehaya vayaʼaifeʼmo amuse huge hau huno neʼapateya kavafeʼmo aliʼa amufa neʼamiya vayaʼaifeʼmo amuse huge nehiye.

Samu 20:7

Mago vayaʼmogimo kame talalaʼapiyeʼmo aliʼa amufa neʼamiye. Mago vayaʼmogimo hosi apiyeʼmo aliʼa amufa neʼamiyaʼmonanafa lagaemo Ala kava neʼmo Gotitimo agiʼalefeʼmo lagesamo afiʼnetaeʼmo alita amufa neʼamune.

Samu 34:15

Ala kava neʼmoʼa alagepa kavaʼmo nehaya vayaʼaiteʼmo yagaino apateʼneno aukaya huʼa ge nehaya geʼapimo neʼafiye.

Samu 56:8

Na magi afinaʼmo kana yaʼmo aliʼnofi huka lekana nepaine. Naunumo alika ani kekafiʼmo lakiyo. Mukukafiʼmo avoʼmo okaeʼnapiye. He, avoʼmo ago kae maleʼnane.

Samu 56:9

Nagaemo kagaefeʼmo keya aeʼna ge hisuva afinaʼmo kame vayaʼnimo apaune hegae. Gotiʼa nagae aupaligamo maiʼniye, huʼna ago afiʼnove.

Samu 66:16

Gotifeʼmo koli nehaya vayanagi eta geʼnimo afiyo. Nagaemo nagupi mafaʼnemo alagepa huno naha maeʼniya kavafeʼmo ava gemo aeʼna hakalo huʼna lapa paiguve.

Hatu maeno apate'niya gemae 32:32

Alo huʼnayaʼmonanafa hosu kavaʼapimo afa alika atalegapiye. Alika oʼatalesanana inagi kagaemo nagiʼnimo mukufiʼmo avoʼmo kae maleʼnana nagiʼnimo aeka kalo paeka atalo, huno huʼnigeno

Mai'naya kavane 13:20

Afiteʼa ageʼnaya vayaʼeʼmo magokepi lokaeno umenitata nehiya vekamoʼmo afiteno agegaiyaʼmonanafa negi vayaʼeʼmo magokepi lokaeno neʼmaiya vekamo alagepa huno oʼmaigiyaʼmofeʼmo alino agoʼya lagauno atalegaiye.

Aiyeya 26:3

Kagaefeʼmo lole apakesamo oʼafiʼa magoke apakesamo neʼafiya vayaʼmogimo aliʼa amufa nekamiyaʼmofeʼmo apaipamoʼmo falu hisiyafeʼmo yagaika apategane.

Aiyeya 26:8

O Ala kava nene, huta, kagaemo kagesa afiteka huʼnana kavafeʼmo lagesamo afiteta laha maesanafeʼmo kagava neʼmaune. Kagikalefeʼmo lagesamo afige kagaefeʼmo lage okanita lagesamo afige nehutaeʼmo lagupi mafaʼnemoʼmo lusi kava huno hauʼniye.

Aiyeya 4:3

Logufaʼa vayaʼe atupa vayaʼeʼmo Saiyoni taonifiʼe Yulusalemu taonifiʼeʼmo maiʼnaya vayaʼaifeʼmo huʼapaeʼmo, Alagepa apaote vayane, huʼa hugae. Ala kava neʼmoʼa ani afaʼa maiʼnaya vayaʼmogi apakimo mukuʼafiʼmo avoʼmo kae maleʼniye.

Aiyeya 50:10

Lapakaepatiʼmo ina laʼmo Ala kava nefeʼmo koli nehiye. Ina laʼmo aliʼyaʼamo neʼaliya vekamo geʼamo neʼafiye. Ina laʼmo lusi hani huʼniya yapiʼmo umenitata nehiye. Agaemo Ala kava neʼmo agiʼalefeʼmo alino amufa aminoʼaeʼmo naha maegaiye, huno ge hugiye.

Aiyeya 65:6

Afiyo, huʼna, Nagaemo hosu kavaʼapimo mukuʼnifiʼmo avoʼmo kae maleʼnovanageʼna afaʼa oʼmaigufa anonaʼapilefeʼmo kayoʼmo apamiguve. He, hapaifiyaleʼmo kayoʼmo apamiguve.

Neniyo 12:1

Ma mopafi vayakana agufa vekamoʼmo nagaemo Neniyoʼnaeʼmo magoʼe gemo naha painoʼaeʼmo, Ani afinaʼmo hogote enisole vekamo Maikoʼa lapakaemo Isaleli vayaʼmogitapaleʼmo yagaino nelapateya ala vekamo he tigiye. Ani afinaʼmo alagi alopa kana yaʼmo afole aigiye. Akeyaʼvilaga aepa faiʼniya afinatetiʼmo mago afole oʼaiʼniya agufa kana yaʼmo afole aigiye. Ani afinaʼmo Gotiʼa kagae nofi vayaʼmogi apakiʼapimo mukuʼafiʼmo avoʼmo kae maleʼnisiya vayaʼai apakufamo alino katino apategaiye.

Neniyo 7:10

aulagaleʼmo aeno ha lelino uʼniye. Asole tauseniʼa vayaʼmogi aliʼyaʼamo aliʼnageʼapaeʼmo agae aulagaleʼmo asole asole miliyoniʼa vayaʼmo he tiʼa maiʼnae. Agoti gemo afisaya vayaʼmo fai maiʼnageno asole mukumo alino vaga leʼniye.

Malakai 3:5

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, nagaemo emineʼna lapaopaleʼmo maiʼneʼna aliʼna fako huʼna lapategauve. Nagaemo hosu apaune vayaʼaifenagi kumai kavaʼmo nehaya vayaʼaifenagi, agoti huʼa apateʼapaeʼmo aigofe gemo nehaya vayaʼaifenagi aliʼyaʼmo afoʼamogimo aliʼyaʼapimo neʼaliya vayaʼmogi monimo lagauʼa neʼaliya vayaʼaifenagi kogu aʼne anagaʼmo humi apateteʼa moniʼapimo kumayaʼmo neʼaliya vayaʼaifenagi megusa mafaʼne anagaʼaitegamo hosu kavaʼmo nehaya vayaʼaifenagi alu kotegatiʼmo eʼnaya vayaʼmo aliʼa falu fala huʼa noʼapataya vayaʼaifenagi huʼna muki nehaya kavaʼapieʼmo agotileʼmo faigoko gemo huguve. Nagaefeʼmo koli huteʼa naiyafi oʼmaiʼnayaʼmofeʼmae, huno hapa paiʼniye.

Malakai 4:2

Alagi oʼmaigayaʼmonanafa nagiʼnilefeʼmo koli nehaya vayaʼaitegamo ani kavaʼmo huno fatago vekamo yegegana huno hainesiya kavaʼamoʼmo alino hapageno apatesigeʼa alagepa huʼa maigae. Nopatiʼmo pulumaka anaʼau anagaʼmo kita yakiʼa apateʼnageʼapaeʼmo aeʼa hailo hailo huliʼa neʼvaya kava hutapa ugae.

Luki 2:38

Ani afinaʼmo Yesutegaʼe itaʼafoʼalaʼmoganitegaʼeʼmo eno Gotifeʼmo hao ke hetenoʼaeʼmo mafaʼneʼaeʼmo ava gemo hunoʼaeʼmo, Yulusalemu vayaʼai apakufamo alino katino apateteno hatu maeno apatesiyafeʼmo agava maiʼnaya vayaʼaifeʼmo hapa paiʼniye.

Apa 1:13

Uʼa avaʼyi huteʼapaeʼmo nehavaya nopiʼmo anagamo aeno hanagi maleʼniya nopilagamo uʼa haiʼa maiʼnae. Ani nopiʼmo maiʼnaya vayaʼai apakiʼapimo Pitaʼagi, Yoniʼagi, Yemisiʼagi, Eʼnaluʼagi, Filipiʼagi, Tomasiʼagi, Matolomiyuʼagi, Matiyuʼagi, Alifiyasi mafaʼnemo Yemisiʼagi, Yu vayaʼmo apakaiʼapileʼmo yagaisayafeʼmo hauʼniya vekamo Saimoniʼagi, Yemisi mafaʼnemo Yutasiʼagi huʼa maiʼnae.

Apa 10:2

Agaemo mono huno maiʼnigeʼa agaeʼe konaga vayaʼaʼeʼmo Gotifeʼmo koli huteʼa mono huʼa maiʼnae. Agaemo Yu vayaʼmo monimo apamige hapa maege huno maiʼnenoʼaeʼmo muki afinaʼmo Gotifeʼmo nunumuʼmo huno maiʼniye.

Apa 2:1

Yu vayaʼai hopa afinaʼmo agiʼamo Petikosi afinaʼmo afole aiʼnigeʼapaeʼmo muki apakesamo afiʼa fatago huʼnaya vayaʼmo magoke apaipa apakesamo aliteʼa mago nopiʼmo aliʼa anupa huʼa maiʼnae.

Apa 9:31

Ani afinaʼmo Goti mafaʼneʼamo aliʼa anupa huʼa maiʼnaya vayaʼmo Yutiya kotegagi Galeliya kotegagi Sameliya kotegagi huʼa maiʼnaya siosi vayaʼmogimo apaipamoʼmo falu huʼnigeʼa apayamufa huʼa maiʼnae. Gotifeʼmo koli huʼa maiʼnagenoʼaeʼmo Goti Aunemeʼamoʼmo alagepa huno hapa maeʼnigeʼa alagepa huʼa maiʼnageʼapaeʼmo magoʼe magoʼe huʼa asole vayaʼmo Goti mafaʼneʼamo hamaleʼnae.

Efasasi 5:19

Maiʼnetapaeʼmo konagatapimogifeʼmo Samu gemo huge mono yokemo huge lapaunelapametetiʼmo yokemo huge huta hapa paiyo. Lapaipafiʼmo mono yokemo huge Ala kava nefeʼmo Samu yokemo huge hutapa maiyo.

1 Tesaloniyani 5:11

Huʼniyaʼmofeʼmo lapakaemo nehaya agufa kavaʼmo hutapa konagatapimogimo magoʼe hutapa hapa maetapa apaipamo alita lokiya vaitapa apatetetapa alita falu fala hutapa apateyo.

1 Tesaloniyani 5:14

Konagatimogitapae, huta, lapao ke honanagi alagaʼmo nehapaegeʼa afaʼa neʼmaiya vayaʼaifeʼmo, ehetapiye, huta, alagaʼmo olapaeno, hutapa hapa paiyo. Koli nehaya vayaʼai apaipamo alita lokiya vaitapa apateyo. Lokiya noʼvaiya vayaʼaina hapa maeyo. Muki vayaʼaitegamo vase vase hutapa falu fala kavaʼmo hiyo.

Himulu 10:24

Lagaemo alita he tita apatesunageʼapaeʼmo hapau apayamopafiʼmo hapauge alagepa kavaʼmo huge hisayafeʼmo konagatieʼmo lagesamo afifi huta maigetao.

Himulu 12:15

Fiku yanageʼa mago konagatapimogimo Gotiʼa fikumo hapa maeno neʼapamiya kavateʼmo uʼa haiʼa metalegayanagi kava yagaitapa maiyo. Fiku yanageno hafuʼyafatiʼmo ausisi aeteno hosu atu neheya yaʼmo afole aiteno hanageke yaʼmo alino lapamiteno asole vayaʼmo alino hosu huno apategaiyanagi yagaitapa maiyo.

Himulu 3:13

Hosu kavaʼmoʼa humi lapateteno alino lokiya lapaipamo kalino lapategaiyanagi muki afinaʼae afinaʼaeʼmo konagatapieʼmo hutapaeʼmo, atafauta alagi hiyo, hutapa alita lokiya vaita apateyo. Akeyaʼvilagamo Gotiʼa hunoʼaeʼmo, hemenimo afiyo, huno huʼniya gemo hemeni kanatapimo hano osuno afaʼa haneʼniyaʼmofeʼmo hemenigeʼmo konagatapimo alita he titapa apateyo.

Leveleseni 15:4

O Ala kava nene, huʼa, kagaikageʼmo kaote vekamo maiʼnanaʼmofeʼmo ina lagimo kagaefeʼmo koli osuʼa kagikaleʼmo aliʼa asaga osugae. Kagaemo anonaʼapilefeʼmo alagepa huka alika fako huka apateteka neʼapamina kavakamo ago afole aiʼniyaʼmofeʼmo muki alu nofi vaya alu nofi vayaʼmogimo eʼa kaulagaleʼmo kagaetefeʼmo mono hugae, huʼa huʼnae.

Leveleseni 20:12

Uʼna ageʼna apakeʼnovana faliʼnaya vayaʼmo apaki haneʼniya vayanagi apaki ohaneʼniya vayanagi huʼa yagaino neʼapateya vekamo siya aulagamo he tiʼa maiʼnageno muki mukuʼamo alino vaka leteno mago alu mukumo afaʼa maisaya yaʼmo aliʼnaya vayaʼai apakiʼapimo haneʼniya mukumo alino vaka leʼniye. Agaemo faliʼnaya vayaʼmogi huʼnaya kavaʼapimo muki asole mukufiʼmo avoʼmo kae maleʼniya kavaʼapilefeʼmo agoti huno apateʼniye.