Malakai 3:10 - The Keyagana NT and 25 OT books

¹⁰ Lapakaemo noʼnifiʼmo neʼyaʼmo hanesiyafeʼmo muki ofalini hisaya yaʼmo alinitetapa mono nopiʼmo maleyo. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Geʼnimo akame nehutapaeʼmo lama gemo huʼnofi, hutapa amalageka hutapa ageyo. Geʼnimo akame hisayana kokuʼnapi yasi kaʼmo yaki maleʼnisugeno ko aigekana huno aliʼna auleʼna lapatesuva yaʼmo lapakaeteʼmo eminesigetapa maleta havai tegayaʼmofeʼmo magoʼe hutapa malesaya yaʼmo ohanegaiye.

Malakai 3:10 ပူးပေါင်းရင်းမြစ်များ

Aepa Gemae 28:22

Mani faiʼna ateʼnova yafaʼmoʼa mani mopaeʼmo Goti nomae, huno hugiye. Nagaemo muki namisana yaʼafatiʼmo aliʼna fako hisugenoʼaeʼmo naya loleʼamo hisiya yapatiʼmo magoke yaʼmo kamiguve, huno ha paiʼniye.

Aepa Gemae 7:11

Noaʼa sigisi hataletiʼa kafugamo maiʼnigenoʼaeʼmo tu kaimo sevetini afinaʼmo mopamo aino akaka vaeʼnigeno alopa aniʼmo mopamo afeʼalumelagamo haneʼniya aniʼmo eno haineʼniye. Kokuʼnapatiʼmo alopa koʼmo aige aige huno maiʼniye.

2 Kini 7:19

Ani neʼyagaiya vekamoʼmo Ilaisa geʼaleʼmo aeno atagaina hunoʼaeʼmo, Afiyo, huno, Ala kava neʼmoʼa kokuʼnapi yasi kakoʼmo alo hisigeno ani kavaʼmo afaʼa afole aisifiye, huno huʼnigeno Ilaisaʼmo ago ha painoʼaeʼmo, Alagi lama gemo huʼnaeʼmo, kagaemo ani kavaʼmo afole aisigeka ageganaʼmonanafa ani neʼyapatiʼmo oʼnegane, huno ha paiʼniye.

2 Kini 7:2

Ani kini vekaleʼmo yagaino neʼateya vekamo kini vekaʼeʼmo magokepi eʼniya vekamoʼmo ani gemo afitenoʼaeʼmo ina gemo huno Goti vekaʼamo geʼaleʼmo aeno atagaina hunoʼaeʼmo, Afiyo, huno, Ala kava neʼmoʼa kokuʼnapi yasi kakoʼmo alo hisigeno ani kavaʼmo afole aisifiye, huno huʼnigeno Ilaisaʼmo ha painoʼaeʼmo, Alagi lama gemo nehuve. Kagaemo ani kavaʼmo afole aisigeka ageganaʼmonanafa ani neʼyapatiʼmo oʼnegane, huno ha paiʼniye.

Samu 37:3

Ala kava nefekeʼmo alita amufa amitetapa alagepa kavaʼmo higenoʼao lapa maesigetapa ma mopafiʼmo alagepa hutapa maigayanagi.

Samu 78:23

Apakesamo afiʼa fatago osuʼnayaʼmonanafa kokuʼnafeʼmo aika akaka vao, huno huʼnigeno aino akaka vaeʼnigeno koʼmo aigekana huno mago neʼyaʼmo agiʼamo mana neʼyaʼmo asagauno aiʼnigeʼa aliʼa neʼnae.

Hagai 2:19

Hemenimo avina yaʼmo notapifiʼmo afaʼa haneʼnifiye. Nofiʼmoʼa alagamo oʼaege fiki yosamoʼmo alagamo oʼaege pamagalanati yosamoʼmo alagamo oʼaege alifi yosamoʼmo alagamo oʼaege huʼniyaʼmonanafa mani hemenimo aepa faiʼna aliʼna aulena lapatesugetapa alagepa hutapa maime maime ugae, huno hapa paiʼniye.

Matiyu 6:33

Lapakaemo hogotetapa Gotiʼa yagaino neʼapateya vayapiʼmo haitapa maige fatago kavaʼamo alige hutapa maisayafeʼmo kahauya hiyo Gotiʼa muki yaʼmo ma mopafi maisaya yaʼmo magokepiʼmo lapamigiyaʼmofeʼmae.