Malakai 2:7 - The Keyagana NT and 25 OT books

⁷ Mono huʼa neʼapataya vayaʼmo Ala kava neʼmo muki vayaʼaiteʼmo yagaino neʼapateya vekamo apa vayaʼamo maiʼnayaʼmofeʼmo ageʼnaya gemo aliʼa apaya malesaya vayaʼmae. Vayaʼmogimo apavayafatiʼmo hisaya keʼaepa geʼamo kahauya huʼa afisaya kavaʼmo haneʼniye.

Malakai 2:7 ပူးပေါင်းရင်းမြစ်များ

Esala 7:10

Esalaʼa Ala kava neʼmo keʼaepa gemo alagepa huno afisiyafeʼmo kahauya huno lekana paiteno akame huno Isaleli vayaʼaina alino apaya malesiyafeʼmo aipamo alo huʼniyaʼmofeʼmo Gotiʼa alagepa huno ha maeʼniye.

Esala 7:25

Esalao, huʼna, afiyo. Gotikamoʼmo afiteka ageʼnana kavaʼmo kamiʼniya kavatetiʼmo muki vayaʼaiteʼmo alagepa huʼa yagaiʼa apatesayafeʼmo agoti gemo neʼafiya vayaʼe yasi vayaʼeʼmo lekana paika apategeʼapao muki vayaʼmogi aniʼmo mugagayaga faliga koteʼmo maiʼnaya vayaʼmogimo alagepa huʼa aliʼa fako huʼa apateyo. Goti keʼaepa gemo akame nehaya vayaʼmo lekana paika apato. Kagaemo Goti keʼaepa gemo oʼafiʼnaya vayaʼaina alika apaya malo.

Mai'naya kavane 5:2

Ani kavatetiʼmo alagepa kagesa afi yaʼmo afole aigiye, Muki hisana gekamoʼmo alagepa huno afiʼniya vekamoʼmo nehiya kegana huno afole aigiye.

Aiyeya 42:19

Isaleli vayaʼmo aliʼyaʼnimo neʼaliya vayaʼmo maiʼnayaʼmonanafa ina lagimo ani vayakana huʼa maiʼnageno apaulagamo alagi ali huʼniye. Isaleli vayaʼmo aliʼna apateʼnogeʼa apa vayaʼnimo maiʼnayaʼmonanafa ina lagimo apakesamo akaniʼniya Isaleli vayakana huʼa maiʼnae. Apakaemo nagaeʼeʼmo alagepa huʼa maisaya kotalakemo hu maleʼnayaʼmonanafa apaulagamo ali huʼniye. Ina lagimo apakaekana huʼa maiʼnageno apaulagamo alagi ali huʼniye. Ala kava neʼmo aliʼyaʼamo neʼaliya vayaʼmo apaulagamo ali huʼniya kava huʼa ina lagimo ani kava huʼa maiʼnae.

Neniyo 11:33

Afiteʼa ageʼnaya vayaʼmogimo asole vayaʼaina aliʼa apaya malesageʼa kame vayaʼapimo naipeletiʼmo apaige atafiʼmo kaege kalavusi huʼa apatege kagemiyaʼapimo kumayaʼmo alige hugae.

Sefanaiya 3:4

Yulusalemu kotegamo Gotitegati gemo aliniʼeʼa aeʼa hakalo huʼa hapa nepaiya vayaʼmogimo apaipa apakesaleʼmo alagepa huʼa yagaiʼa noʼatageʼapaeʼmo vayaʼmogimo geʼapieʼmo aliʼa amufa noʼapamiye. Mono huʼa neʼapataya vayaʼmogi aote yaʼmo aliʼa hosu huʼa neʼatae. Apakaemo Goti keʼaepa geʼamo aliʼa afeleʼa alu gemo aliʼa apaya neʼmalae.

Hagai 1:13

Inagi Hagaiʼa Goti apa vekaʼamoʼmo Goti geʼamo hapa painoʼaeʼmo, Gotiʼa hunoʼaeʼmo, Nagaemo lapakaeʼeʼmo magokepi lokaeʼna maiʼnove, huno huʼniye, huno hapa paiʼniye.

Malakai 3:1

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Afiyo, huno, nagaemo apa vekaʼnimo aliʼna atesugeno uno hogoteteno kaʼmo valino nategaiye. Ala kava neʼmo kahauya hutapa agesayafeʼmo lapauʼniya vekamo malage huno alopa mono noʼaleʼmo egaiye. Kotalakemo hu maleʼniya gelefeʼmo apa vekaʼamo egaiye. Afiyo, huno, egaiye.

Yoni 13:20

Lama gemo lapa nepauve, huno, Ina lagimo aliʼna apateʼnogeʼa neʼvaya vayaʼaina aliʼa falu fala huʼa neʼapatesafigeʼa ani kava huʼa nagaeʼeʼmo aliʼa falu fala huʼa neʼnatae. Ina lagimo nagaemo aliʼa falu fala huʼa neʼnatesafigeʼa ani kava huʼa alino nateʼnigeʼna emiʼneʼnova vekaʼeʼmo aliʼa falu fala huʼa neʼatae, huno hapa paiʼniye.

Yoni 20:21

Yesuʼa halate hunoʼaeʼmo, lapaipamoʼmo falu hino, huteno, Afoʼnimoʼmo alino nateʼnigeʼna emiʼneʼnova kava huʼna aliʼna lapatesugetapa ugae, huno hapa paiteno

Apa 16:17

Ani aʼmafaʼnemoʼmo Poloʼe lagaeʼeʼmo lakame huno uneno nehunoʼaeʼmo alopa gefatiʼmo hunoʼaeʼmo, Ani vayaʼmogi Gotiʼa hogote vekamo anaga vekamo aliʼyaʼamo neʼaliya vayane. Gotiʼa lagufamo alino katino latesiya gemo aeʼa hakalo huʼa laha nepaiye, huno

2 Kolitiyani 5:20

Ani aliʼyaʼamo lamiʼniyaʼmofeʼmo Kalaisi avayamo aliʼnonagenoʼaeʼmo Gotiʼa lavayafatiʼmo hunoʼaeʼmo, lapao ke hove, huno nehiya agufa gemo huta muki vayaʼaifeʼmo hutaeʼmo, lapao ke hone, huta Gotiʼa ago alino ao yaʼmo hu maleʼniyaʼmofeʼmo lapakaemo alita lapao yaʼmo hu maleʼnetapa agaeʼeʼmo magokepi lokaetapa maiyo, huta nehune.

Galesiya 4:14

Kana yaʼmo aliʼnogetapaeʼmo, hosu vekamo maiʼniye, hutetapa lapakameʼyamo oʼnamiʼnae. Mago enisole vekamoʼmofi Kalaisi Yesuʼmofi huno esigetapaeʼmo lusi kava hutapa alita falu fala hutapa atesaya agufa kavaʼmo hutapa alita falu fala hutapa nateʼnae.

1 Tesaloniyani 4:8

Keya aeno ge huʼniyaʼmofeʼmo mani gemo oʼafiʼnaya vayaʼmogimo ma mopafi vayaʼmo apakameʼyamo noʼapamifa Aunemeʼamo lamiʼniya Gotikeʼmo apakameʼyamo neʼamiye.

1 Samiyo 2:17

Ani Ilai lole neya mafaʼnelaʼmoganimo huʼnaʼa hosu kavaʼmoʼa Ala kava neʼmo aulagaleʼmo alagi hosu kavaʼmo haneʼniye. Ala kava netefeʼmo ofalinimo hisayafeʼmo aliniʼa eʼnaya vayaʼmogimo Ala kava netefeʼmo ofalinimo hisaya kavafeʼmo alagi ohapauʼniye.