Malakai 2:16 - The Keyagana NT and 25 OT books

¹⁶ Ala kava neʼmo Isaleli vayaʼmogi Gotiʼapimoʼmo muki vayaʼaiteʼmo yagaino neʼapateya vekamoʼmo hunoʼaeʼmo, Lapakaemo aʼnetapimo hapa faitapa neʼapatalaya kavafeʼmo alagi oʼnahauʼniye. Ani kavatetiʼmo kavetamo nehaya kavaʼmo afole neʼaigetapa aʼnetapimo neʼapamagiye. Ani hosu kavaʼmo afole neʼaiyaʼmofeʼmo lapaunelapameteʼmo alagepa hutapa yagaitapa atetetapa aʼnetapiyeʼmo aigofe kavaʼmo hutetapa veyalave kotalakemo amagitapa oʼataleyo.

Malakai 2:16 ပူးပေါင်းရင်းမြစ်များ

Samu 73:6

Himuʼnamu kavaʼmo nehaya kavaʼapimoʼmo ha le konali yaʼapigana huno haneʼniye. Kame nehaya kavaʼapimoʼmo kukena yaʼapigana huno haneʼniye.

Mai'naya kavane 28:13

Hosu kavaʼapimo aeʼa ati nekaya vayaʼmo alagepa huʼa oʼmaigayaʼmonanafa hosu kavaʼapieʼmo Gotifeʼmo aeʼa hakalo huʼa ha nepaiya vayaʼaifeʼmo hau huno neʼapate.

Mai'naya kavane 5:20

Mafaʼneʼnimogae, huʼna, na kava hinagenoʼaeʼmo kumai a kanomoʼa kalavusi huno kategaiye. Na kava hinagekaeʼmo alu vekamo a kanomo anu kigane.

Aiyeya 50:1

Ala kava neʼmoʼa Isaleli vayaʼaifeʼmo ina gemo huno hapa painoʼaeʼmo, Lapakaemo lapakesamo afitapaeʼmo, Nagaemo vayaʼmogimo aʼapimo alagi hapafaiʼa neʼapatalaya agufa kavaʼmo huʼna itatapimoʼmo alagi ha faiʼna ataleʼnove, hutapa lapakesamo neʼafifiye. Ha faiʼna ataleʼnovesinana ha faiʼna ataleʼnova gemo haneʼniya apepamo haneʼniesine. Lapakaemo lapakesamo afitapaeʼmo, Nagaemo vayaʼmogimo mafaʼneʼapimo anonaʼapilefeʼmo kalavusi aliʼyaʼmo alisayafeʼmo maketi nehaya kavaʼmo huʼna lapakaemo lapataleʼna uʼna maketi nehaya kavaʼmo huʼnove, hutapa lapakesamo neʼafifiye. Haʼao, nagaemo mago vekalegamo anonaʼnimo ohaneʼniye. Lapakaitapimo hosu kavaʼmo huʼnayaʼmofeʼmo kame vayatapimogimo kalavusi huʼa lapateteʼa lapavaleliʼa uʼnae. Lapakaemo hosu kavatapilefeʼmo kalavusi aliʼyaʼmo alisayafeʼmo lapakaitapimo maketi nehaya agufa kavaʼmo huʼnae. Lapakaemo hosu kavaʼmo huʼnayaʼmofeʼmo itatapimoʼmo hafaiʼna ataleʼnove.

Aiyeya 59:6

Kakanaʼapimoʼmo kukena yaʼapimo alino ohamalegaiye. Kavaʼapimoʼmo apakufaleʼmo aino ati kaeno oʼapategaiye. Aliʼyaʼapimo hosu aliʼyaʼmo haneʼnigeʼa apayatetiʼmo vayaʼmo nehapae.

Luki 16:18

Haiya vayaʼmogimo aʼneʼapimo hapa faiʼa apataleteʼa alu aʼnemo neʼalisafi kumai kavaʼmo nehae. Haiya vekamoʼmo hafaino ataleʼnisiya a kanomo aliʼnisifi kumai kavaʼmo nehiye, huno hapa paiʼniye.

1 Kolitiyani 7:10

Nagaemo veleʼmo maiʼnaya aʼne anagaʼmogitapaʼe aʼmo aliʼnaya ve anagaʼmogitapaʼefeʼmo lahapa paiʼnaeʼmo, Aʼnemogitapae, huʼna, anautapimogimo apataletapa oʼviyo.