Malakai 2:15 - The Keyagana NT and 25 OT books

¹⁵ Gotiʼa magoke nofi vayaʼageʼmo mukiʼamo alo osuʼnifiye. Gotiʼa Aunemeʼaletiʼmo magoʼe nofi vayaʼmo agaiʼa nofi vayaʼmo maisayafeʼmo afaʼa alo hugiyaʼmonanafa lagaemo alo huʼniye. Na kava higenoʼaene. Lagaemo mafaʼnemo alita apatesunageʼa agaiʼa aote nofi vayaʼamo maisayafeʼmae. Gotiʼa ani kavaʼmo huʼniyaʼmofeʼmo lapaunelapameteʼmo alagepa hutapa yagaiʼnetapa neyatapileʼmo aliʼnaya aʼnetapiyeʼmo aigofe kavaʼmo hutetapa veyalave kotalakemo amagitapa oʼataleyo.

Malakai 2:15 ပူးပေါင်းရင်းမြစ်များ

Aepa Gemae 1:27

Inagi Gotiʼa vemo agaiʼagana huno alo huʼniye. Gotiʼa ve kanoʼe a kanoʼeʼmo alo huʼniye.

Aepa Gemae 2:7

Ala kava neʼmo Gotiʼa mopamo aliteno ve kanomo alo huʼniye. Agaemo agoʼya katalapiʼmo avamusamo aino fu huʼnigeno afaʼa maisiya vekamo ha maleʼniye.

Aepa Gemae 24:44

Agaemo ina ge huno hugiye, aniʼmo afaʼa negane. Kamolu anagakaʼeʼmo aniʼmo apamiguve, huno hisiya aʼmafaʼnemo Ala kava neʼmoʼa Ala vekaʼnimo mafaʼneʼamo aʼmo lekana paiʼniya a mafaʼnemae, huʼna agegauve, huʼna nunumuʼmo huʼnove.

Aepa Gemae 27:46

Henagaʼamo Lipekaʼa Aisakifeʼmo ha painoʼaeʼmo, Hiti nofi vayaʼmogi a mafaʼnemogi nehaya kavaʼapieʼmo alagaʼmo neʼnahae. Yekopuʼa ani a mafaʼne anagapatiʼmo alisigeʼnaeʼmo nagaemo alagepa huʼna oʼmaiguvanageʼna faliguve, huno ha paiʼniye.

Aepa Gemae 6:2

Ani afinaʼmo Goti ve mafaʼne anagaʼamogimo ani a mafaʼne anagaʼmo ma mopafi vayaʼai a mafaʼne anagaʼaifeʼmo alagepa apaulagamo apakeʼnaya a mafaʼne anagaʼmo maiʼnageʼa apaketeʼapaeʼmo alisageno aʼne anagaʼapimo maisayafeʼmo hapaʼye huʼniyaʼmofeʼmo aliʼnae.

Esala 9:4

Kame vayaʼmogi eʼa apavaleliʼuʼa Mamiloni kotegamo apateʼnaya vayaʼmogi hosu kavaʼmo huʼnayaʼmofeʼmo muki vayaʼmogimo Isaleli vayaʼmogi Gotiʼapimo geʼalefeʼmo atete huʼnaya vayaʼmo nagaemo fai maiʼnova yateʼmo eʼa aliʼa anupa huʼa maiʼnae. Nagesa afi yaʼnimo alagi ohaneʼnigeʼna fai maiʼnogenoʼaeʼmo uneʼmo ofalinimo nehaya afinaʼmo afole aiʼniye.

Hatu maeno apate'niya gemae 20:14

Kumai kavaʼmo osiyo.

Mai'naya kavane 2:17

Ani agufa a kanomoʼmo anauʼamoʼmo ataleno Goti aulagaleʼmo kotalakemo hu maleʼniya geʼaeʼmo age kanimo neʼatale.

Mai'naya kavane 4:23

Muki agufa kavakamo aepaʼamo kaipafatikeʼmo afole neʼaiyanagi hogote kavaʼmo huka kayamukiki huka kaipaleʼmo alagepa huka yagaika ato.

Mai'naya kavane 6:25

Alagepa agufaeʼmo ageka kahaʼye osuvo. Fiku yanageno aulagaletiʼmo aulu kahaeteno kayateʼmo aligiye.

Mai'naya kavane 7:25

Lapakaemo lapaipamo ateʼnigeno he tisigetapa ani agufa aʼne anagaʼmo apakame osiyo.

Malakai 2:14

Lapakaemo hosu kavaʼmo ago huʼnayaʼmonanafa na kava higenoʼaeʼmo ani kavaʼmo nehiye, hutapa nehae. Lapakaemo veyalave kotalakemo amagitapa ataletetapa neyatapileʼmo aliʼnaya aʼnemo hapafaitapa apataleʼnagenoʼaeʼmo Ala kava neʼmoʼa lapakaefeʼmo faigoko gemo huʼniyaʼmofeʼmae. Lapakaemo apakaeʼeʼmo magokepi kotalakemo ago hu maletageʼapaeʼmo ani aʼne anagaʼmo lapakaeʼeʼmo umenitata huʼnayaʼmonanafa halate hapafaitapa apataleʼnae.

Matiyu 15:19

Apaipafatiʼmo afole neʼaiya kavaʼmo haneʼniyana hosu apakesa neʼafiya kavaʼmo hanege vayaʼmo nehapaya kavaʼmo hanege kumai kavaʼmo hanege aʼnemo apayate neʼaliya kavaʼmo hanege kumayaʼmo neʼaliya kavaʼmo hanege aigofe gemo nehaya gemo hanege huʼa faipa huʼa neʼapataya gemo hanege huʼniye.

Yoni 20:22

apakaeteʼmo avamusaʼmo aitenoʼaeʼmo, Aote Aunemeʼamo aliyo, huno hapa paiteno,

Apa 3:25

Lapakaemo Gotitegati gemo alini eʼa aeʼa hakalo huʼa hapa nepaiya vayaʼai apakinago vayaʼmo maiʼnae. Gotiʼa kotalakemo lapakinago vayaʼaifekeʼmo osuʼnifa lapakaeʼefeʼmo huʼniye. Gotiʼa kotalakemo Emalehamufeʼmo hunoʼaeʼmo, Nagaemo kaginago vekaletiʼmo muki ma mopafi vayaʼmo aliʼna auleʼna apategauve, huno huʼniyaʼmofeʼmo

1 Kolitiyani 7:14

Apakesamo afiʼa fatago nehaya aʼnemogimo apakesamo afiʼa fatago osuʼnaya anauʼapimogi Gotiʼa hapa maesiyafeʼmo ma mopafi vayapatiʼmo apavaleʼa apaote apateʼnageʼa maiʼnae. Ani kava huʼa apakesamo afiʼa fatago nehaya anauʼapimogimo apakesamo afiʼa fatago osuʼnaya aʼneʼapimo Gotiʼa hapa maesiyafeʼmo apavaleʼa apaote apateʼnageʼa maiʼnae. Apavaleʼa apaote oʼapateʼnaesinana mafaʼnetapimo oʼaniʼyaʼapimo faiʼniya malaga mafaʼnegana huʼa maiʼnaesinaʼmonanafa mafaʼnetapimo apaote mafaʼnemo maiʼnae.

1 Kolitiyani 7:2

Haneʼniyaʼmonanafa kumai kavaʼmo lusi kava huno afole neʼaiyaʼmofeʼmo muki magoke magoke ve anagaʼmogimo apakaiʼapi aʼapigeʼmo alisageʼa muki magoke magoke aʼne anagaʼmogimo apakaiʼapi anauʼapimogitekeʼmo maisageʼa hisaya kavaʼmo haneʼniye.

2 Kolitiyani 6:18

Afotapimoʼnamo maisugetapa mafaʼne aʼmafaʼneʼnimo maigae, huno Ala kava neʼmo ayamufaʼage vekamoʼmo ani gemo hu maleʼniye, huno huʼniye.

Efasasi 6:4

Afoʼapimogitapae, huʼna, mafaʼnetapimo apaipamo lesiya kavaʼmo osutapa Ala kava neʼmoʼageʼmo alita apaya malege alita api aitapa apatege hutetapa alagepa huta yagaitapa apateyo.

Taitasi 1:6

Ani kavaʼmo nehisaya vayaʼmo lekana paika apato, huʼna ago kaha paiʼnove. Vaiʼmo oʼaliʼa magoke aʼmo aliʼnisaya vayaʼmo vayatama aliʼyateʼmo maigae. Apakesamo afiʼa fatago huʼnisaya mafaʼneʼmogi afoʼapimogigeʼmo ani aliʼyaʼmo aligae. Gemo oʼafiʼa negi maleteʼa hosu kavaʼmo nehae, huʼa apava gemo nosisageʼa alagepa kavaʼmo huʼa neʼmaisaya mafaʼneʼmogi afoʼapimogigeʼmo maigae.

Luti 4:12

Ala kava neʼmoʼa kaha maenageʼa mafaʼne anagakamogimo Pelesi nofi vayapatiʼmo Yutagani Temagani mafaʼne anaga vayakana huʼa maigae, huʼa ha paiʼnae.

1 Samiyo 2:20

Ani afinaʼmo Ilaiʼa Elakenaʼe aʼaʼeʼmo alino auleno anateteno Elakenafeʼmo hunoʼaeʼmo, Akamoʼmo ani mafaʼnemo Ala kava neʼmo amiʼniyaʼmofeʼmo Ala kava neʼmoʼa ani a kanoletiʼmo asole kaginago vayaʼmo kamino, huno ha paiʼnigeʼana noʼanilegamo uʼnaʼae.