Malakai 2:10 - The Keyagana NT and 25 OT books

¹⁰ Muki vayaʼmogitamo magoke afotimoʼmo maiʼnifiye. Magoke Gotiʼa afa yatetiʼmo alo huno lateʼnifiye. Na kava higetapaeʼmo Gotiʼa afotimoʼmo apakinago vayaʼeʼmo magokepi hu maleʼniya kotalakemo amagita ataleteta konagatiyeʼmo aigofe kavaʼmo huʼnonageʼapaeʼmo ani kava huʼa konagaʼapiyeʼmo aigofe kavaʼmo nehae.

Malakai 2:10 ပူးပေါင်းရင်းမြစ်များ

Samu 100:3

Agetapa aeto hutetapaeʼmo Ala kava nefeʼmo, Gotiʼmae, hutapa hiyo. Lagaemo lagaitimo alo osuʼnopa agaiʼamo alo huno lateʼniyaʼmofeʼmo lagaemo agaiʼa vayaʼmo maiʼnone. Lagaemo vayaʼamo maiʼneta sipisipiʼamo agae kegiʼyafiʼmo haita maiʼnonagenoʼaeʼmo yagaino lateʼniye.

Hatu maeno apate'niya gemae 19:4

Nagaemo Isipi vayaʼaitegamo huʼnova kavaʼnimo lapakaemo ago ageʼnae. Nagaemo hakikimoʼa hakufiʼmo agapamo avalelino neʼviya kava huʼna lapavaleliʼna eʼnogetapa nagaetegamo eʼnae.

Hatu maeno apate'niya gemae 19:5

Inagi lapakaemo kotalakeʼnimo atafautapa alagi huʼnetapa geʼnimo akame hisayana muki vayapatiʼmo nagaiʼnilefeʼmo lekana paiʼna lapateʼnova vayaʼnimo maigae. Muki ma mopafi haneʼniya yaʼmo nagaiʼni yaʼageʼmo haneʼniyaʼmofeʼmae.

Hatu maeno apate'niya gemae 24:3

Inagi Moseseʼa uno muki vayaʼaifeʼmo Ala kava neʼmoʼa muki ha paiʼniya gemo hapa paige keʼaepa gemo hapa paige huʼnigeʼapaeʼmo magoke apaipa apakesamo aliteʼa geʼaleʼmo aeʼa atagaina huʼapaeʼmo, Ala kava neʼmoʼa muki huʼniya geʼamo afaʼa akame hugune, huʼa huʼnae.

Hatu maeno apate'niya gemae 24:7

Inagi kotalakemo haneʼniya mukumo alino lekana paino hapa paiʼnigeʼa afiteʼapaeʼmo, Ala kava neʼmoʼa muki huʼniya gemo akame hugune, huʼa huʼnae.

Aiyeya 43:1

Isaleli vayaʼmogitapae, huʼna, Ala kava neʼmoʼa alo huno lapateteno alino magoke nofi vayaʼmo hamaleno lapateʼniya vekamoʼmo hemenimo ina gemo huno lapa painoʼaeʼmo. Nagaemo miya faiʼna hatu maeʼna lapateʼnovaʼmofeʼmo koli osiyo. Nagaemo lapakitapimo lapateteʼnaeʼmo lapakaefeʼmo nagaiʼni vayane, huʼna huʼnove.

Aiyeya 43:15

Nagaiʼnigeʼmo Ala kava neʼmo naote Gotiʼtapimoʼnamo maiʼnove. Nagaemo Isaleli vayaʼmo aliʼna magoke nofi vayaʼmo ha maleʼna lapateteʼnaeʼmo nagaemo kini vekatapimo maiʼnove.

Aiyeya 43:7

Apakaemo nagiʼnimo aliʼnageʼapaeʼmo vayaʼmogi apakaefeʼmo nagi neʼae. Nagaemo ala nagiʼnimo alisuvafeʼmo ani vayaʼmo alo huʼna apateʼnove. Apakufamo apamiteʼnaeʼmo, he, huteʼna, alo huʼna apateʼnove.

Aiyeya 51:2

Lapakaemo afotapimo Emalehamuʼe alino lapateʼniya a kanomo Selaʼefeʼmo lapakesamo afiyo. Nagaemo Emalehamuʼamo lekana paiʼna ateteʼna agaefekeʼmo keya aeʼna ge huteʼna huʼna auleʼna ateteʼnaeʼmo asole kaginago vayaʼmo maigae, huʼna ha paiʼnogeʼa afole aiʼnae.

Aiyeya 63:16

Huʼnanaʼmonanafa kagaemo afotimogamo alagi maiʼnane. Emalehamuʼmo hemenimo olageʼnigeno Isaleliʼmo gemo laha nopaiyaʼmonanafa kagaemo O Ala kava neʼmogae, huta, afotimogamo maiʼnane. Alagi akeyaʼvilagamo miya faika hatu maeka nelatana Gotigae, huta kagi neʼaone.

Aiyeya 64:7

Kaugosamo alika fala kiʼnanaʼmofeʼmo kagikamo aeʼa nunumuʼmo nehaya vayaʼmo oʼmaige katafausageka hapa maesanafeʼmo apaipamo aliʼa he tiʼa apatesaya vayaʼmo oʼmaige huʼnae. Lagaemo hosu kavaʼmo huʼnonaʼmofeʼmo kagaemo atagana huka alika hano huka nelatalane.

Aiyeya 64:8

O Ala kava nene, huta, Hosu kavaʼmo huʼnonaʼmonanafa hemenimo kagaemo afotimogamo maiʼnane. Lagaemo kalipa mopagana huta maiʼnonagekaeʼmo kalipa mopaletiʼmo samomo alo nehana vekagana huka maiʼnane. Kagaemo kayatetiʼmo mukiʼamo alo huʼnana vayaʼmo maiʼnone.

Malakai 1:6

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Mafaʼne anagaʼmogimo afoʼapimogi ala apakiʼapimo neʼapamiye. Aliʼyaʼmo neʼaliya vayaʼmogimo aliʼyaʼmo afoʼamo geʼamo neʼafiye. Nagaemo Afotapimoʼnamo maiʼnovana na kava higetapaeʼmo ala nagiʼnimo noʼnamiye. Yagaiʼna nelapatova vekamo maiʼnovana na kava higetapaeʼmo koliʼnimo osutapa naiyafiʼmo noʼmaiye. Nagaemo mani gemo mono hutapa neʼapataya vayaʼmogitapamo nagiʼnieʼmo lapavenatuʼnaʼmo hetapa atalegekana kavaʼmo nehaya vayaʼmogitapaeʼmo lapa nepauvaʼmonanafa lapakaemo hutapaeʼmo, haiya kava huta kagikaeʼmo lavenatuʼnaʼmo heta atalegekana kavaʼmo nehune, hutapa nehae.

Malakai 2:11

Yuta vayaʼmogimo Gotifeʼmo aigofe kavaʼmo huteʼa apametala huʼnae. Apakaemo muki Isaleli kotegaʼe Yulusalemu taonifiʼeʼmo alagi lusi hosu kavaʼmo huʼnae. Yuta vayaʼmogimo Ala kava neʼmo aote kavaʼamo veyalavemogi kavaʼmo aliʼa hosu huʼa ataleteʼa malaga vayaʼmo aigofe gotigitefeʼmo mono nehaya vayaʼmogi aʼmafaʼnemo aliʼnae.

Malakai 2:8

Ani kavaʼmo hisaya kavaʼmo haneʼniyaʼmonanafa ani alagepa kavaʼmo ago ataletetapa hosu kavaʼmo huʼnageʼapaeʼmo asole vayaʼmo ataleʼa apagoʼya faiteʼa asagauʼa aiʼnae. Livaiʼeʼmo magokepi hu maleʼnova kotalakemo alita hosu hutapa ataleʼnae, huʼna lapa nepauve.

Matiyu 10:21

Vayaʼmogimo konagaʼapimo apamagisayafeʼmo apavaleʼa alu vayaʼai apayapiʼmo apamigae. Ani kava huʼa afoʼapimogimo mafaʼneʼapimo apavaleʼa apamigae. Ani kava huʼa mafaʼneʼapimogimo itaʼapi afoʼapimogimo apavaleli uʼa apamigae.

Matiyu 22:16

Apakaemo geʼapimo neʼafiya vayaʼe Heloti geʼamo akame nehaya vayaʼeʼmo aliʼa apateʼnageʼa agaetegamo uʼapaeʼmo, Tisao, huʼa, ago kageʼnonana alagi lama geʼageʼmo nehana vekamo maiʼneka Goti geʼamo akame hisaya kavafeʼmo lama geletiʼmo alika apaya neʼmalane. Muki vayaʼaifeʼmo koli osuka muki vayaʼaitegamo magoke agufa kavaʼageʼmo nehana vekamo maiʼnane.

Matiyu 3:9

Lapakaemo hutapaeʼmo, Emalehamuʼa lagaiti laginago vekatimo maiʼniye, hutapa lapakesamo oʼafiyo. Gotiʼa mani yafapatiʼmo Emalehamu aginagoʼamo afaʼa alino hamaleno apategaiye.

Luki 1:73

Gotiʼa laginago vekamo Emalehamufeʼmo lama gemo huno agoʼyamo ataleno ge hugekana agufa kavafeʼmo agesamo afiteno laha maeʼniye.

Luki 3:8

Magoʼe gemo hunoʼaeʼmo, lapaipamo alita afe leʼnisaya agufa kavaʼmo huta maiyo. Emalehamuʼa laginago vekamo maiʼniyaʼmofeʼmo alagepa huta maigune, hutapa lapakesamo oʼafiyo. Gotiʼa mani yafafeʼmo ha paisigeno Emalehamu aginagoʼamo afaʼa alino hamaleno apategaiye.

Yoni 8:39

Emalehamuʼa afotimoʼmo maiʼniye, huʼa ha paiʼnagenoʼaeʼmo, Emalehamu mafaʼneʼamo lama ge mafaʼneʼamo maiʼnaesinana Emalehamuʼa huʼniya agufa kavakeʼmo nehaesine.

Yoni 8:41

Lapakaemo afotapimoʼa nehiya agufa kavaʼmo nehae, huno hapa paiʼnigeʼapaeʼmo, Afotimoʼmo magoke vekamo Gotiʼa maiʼniye. Megusa mafaʼnemo oʼmaiʼnone, huʼa ha paiʼnagenoʼaeʼmo,

Yoni 8:53

Kagaemo laginago vekamo Emalehamuʼmo ago aeka agaseʼnapiye. Agaemo ago faliʼniye. Gotitegati gemo alini eʼa aeʼa hakalo huʼa hapa nepaiya vayaʼeʼmo ago faliʼnae. Kagaemo ina laʼnae, huka kagesa neʼafine, huʼa afi geʼnageno

Yoni 8:56

Lapakinago vekamo Emalehamuʼa nagaemo afole aisugeno nagesiyafeʼmo hauʼnigeno avayagunagu huno nagava maiʼniye. Nagetenoʼaeʼmo amogaga aiʼniye, huno hapa paiʼnigeʼapaeʼmo

Apa 17:24

Gotiʼa ma mopaʼe muki ma mopafi haneʼniya yaʼeʼmo alo huteno kokuʼnate haneʼniya yateʼe ma mopafi haneʼniya yateʼeʼmo neʼyagaiye. Vayaʼmogi muki ki maleʼnaya mono nopiʼmo noʼmaiye.

Apa 17:25

Gotiʼa muki yaʼamo haneʼniya vekamo maiʼniyaʼmofeʼmo vayaʼmogi mago yaʼmo ha maeʼa amisafiye. Haʼao, agaiʼageʼmo hapa maeno apavamusanagi afaʼa neʼmaiya yanagi muki yanagi huno neʼapamiye.

Apa 17:26

Agaemo magoke vekamo alo huʼniya vekafatiʼmo alu nofi vaya alu nofi vayaʼmo alino afole aino apateʼniye. Hogoteno hunoʼaeʼmo, hainu afinaʼmo maisafi haiyategamo maisafi, huno lekana pai maleʼniye.

Apa 7:2

Sitiveniʼa hunoʼaeʼmo, Naganaʼnimogitapaʼe afoʼnimogitapaʼeʼmo afiyo, huno, Akeyaʼvilaga laginago vekamo Emalehamuʼa Mesopotemiya kotegamo maiʼnenoʼaeʼmo Helani kotegamo oʼuʼnigenoʼaeʼmo aulagaleʼmo ha le konali yaʼaʼe vekamo Gotiʼa afole aitenoʼaeʼmo,

Apa 7:26

Egaʼamo Moseseʼa uno anakeyana lole Isaleli vekalaʼmo kaveta nehaʼageno anaketenoʼaeʼmo alino kugu huteno alino nanu aeno anatesiyafeʼmo hunoʼaeʼmo, Mani vekalana afiʼao, huno, Lanakaemo konagalaʼmo maiʼnaʼana na kava higetanaeʼmo kaveta nehaʼae, huno anafi geʼnigeno

Lomu 4:1

Mani kavatefeʼmo laginago vekamo Emalehamuʼa agaiʼa agufaletiʼmo aliʼniye, huta hisupiye.

Lomu 9:10

Magoʼe gemo afaʼa haneʼniye. Mago laginago vekamo Aisiki aʼmo Lipekaʼa aipaguʼeʼmo maiteno lole lagoʼya mafaʼnelaʼmo alino anateʼniye.

1 Kolitiyani 8:6

Maiʼnayaʼmonanafa ago afiteta ageʼnonana magoke Gotiʼa afotimoʼmo maiʼniye. Agaemo muki yaʼmo afoʼamoʼmo maiʼnigeta agaetefeʼmo afaʼa maiʼnone. Ani kavaʼmo huno magoke Ala kava netimo maiʼniye. Agaemo Yesu Kalaisiʼa maiʼnigeno Gotiʼa agaetetiʼmo muki yaʼamo alo hu maleʼniye. Lagaemo agaetetiʼmo afaʼa maisuna yaʼmo aliteta maiʼnone.

Efasasi 4:25

Inagi magoʼe hutapa aigofe gemo osutapa magoke agufafiʼmo alu ya alu yaʼamo maiʼnonaʼmofeʼmo mukiʼamogitapamo konagatapimogifeʼmo lama gemo hiyo.

Efasasi 4:6

Magoke Gotiʼa muki vayaʼamogita afotimoʼmo maiʼniye. Agaemo muki vayaʼamogitaleʼmo yagaino latege muki vayaʼamogitafiʼmo aliʼyaʼmo alige muki vayaʼamogita laipafiʼmo maige nehiye.

1 Tesaloniyani 4:6

Ani kavatefeʼmo fiku yanageʼa mago vayaʼmogi konagaʼapimogifeʼmo humi apateteʼa aliʼa hosu huʼa apategae. Hogoteta hutaeʼmo, Ala kava neʼmoʼa kumai kavaʼmo anonaʼapilefeʼmo apamigiye. Ehetapiye, huta ago lapa paiʼnone.

Himulu 12:9

Ma mopafi afotimogimo aliʼa api aiʼa lateʼnagetaeʼmo apaiyafiʼmo maiʼnone. Launelameʼmo Afotimoʼmo magoʼe huta aiyafiʼmo maigetao alagepa huta maigune.

Yasuva 24:3

Inagi nagaemo Emalehamuʼmo lapakinago vekamo Yufaletisi aniʼmo mugagayaga faligamo haneʼniya kotetiʼmo avaleliʼna eʼnogeno eno muki Kenani haopalega mopaleʼmo umenitata huʼniye. Nagaemo asole aginago vayaʼmo amiʼnove. Nagaemo mago ve mafaʼnemo Aisakiʼmo amiʼnove.