Malakai 1:6 - The Keyagana NT and 25 OT books

⁶ Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Mafaʼne anagaʼmogimo afoʼapimogi ala apakiʼapimo neʼapamiye. Aliʼyaʼmo neʼaliya vayaʼmogimo aliʼyaʼmo afoʼamo geʼamo neʼafiye. Nagaemo Afotapimoʼnamo maiʼnovana na kava higetapaeʼmo ala nagiʼnimo noʼnamiye. Yagaiʼna nelapatova vekamo maiʼnovana na kava higetapaeʼmo koliʼnimo osutapa naiyafiʼmo noʼmaiye. Nagaemo mani gemo mono hutapa neʼapataya vayaʼmogitapamo nagiʼnieʼmo lapavenatuʼnaʼmo hetapa atalegekana kavaʼmo nehaya vayaʼmogitapaeʼmo lapa nepauvaʼmonanafa lapakaemo hutapaeʼmo, haiya kava huta kagikaeʼmo lavenatuʼnaʼmo heta atalegekana kavaʼmo nehune, hutapa nehae.

Malakai 1:6 ပူးပေါင်းရင်းမြစ်များ

Samu 123:2

Afiyo, huʼna, Aliʼyaʼamo neʼaliya vayaʼmogimo aliʼyaʼmo afoʼamo ayateʼmo agege aliʼyaʼamo neʼaliya aʼmafaʼnemogimo aliʼyaʼmo itaʼamoayateʼmo agege huʼa maiʼnaya kava huta Ala kava neʼmo Gotitimofekeʼmo ageme ageme neʼvisunagenoʼaeʼmo hau huno lategaiye.

Hatu maeno apate'niya gemae 20:12

Itatapi afotapimogi apakiʼapileʼmo alita asagautetapa geʼapimo afitetapa akame hiyo. Ala kava neʼmo Gotitapimoʼnamo magoʼe huʼna yatala afinaʼmo lapamisugetapa ma mopafiʼmo maigayanagi.

Mai'naya kavane 17:6

Mafaʼneʼamogi mafaʼneʼapimo kosunamogi kini kakolitaʼapigana huʼa maiʼnae. Ani kava huno mafaʼne anagaʼmogi ha le konali yaʼapimo haneʼniyana afoʼapimogimo maiʼnae.

Mai'naya kavane 30:11

Mago aunale vayaʼmogimo afoʼapimogimo lifana huʼa apatege itaʼapimogimo aliʼa auleʼa oʼapatege nehae.

Mai'naya kavane 30:17

Mago vekamoʼmo afoʼamofeʼmo huno faipa huno atege kigi yokalo gemo huge itaʼamo geʼamo akame hisiya kavafeʼmo akameʼyamo amige nehisiyaʼmoʼmo falisigeʼapaeʼmo hakikimogimo aulagamo haniʼa katiʼa negae.

Aiyeya 1:2

Ala kava neʼmoʼa hunoʼaeʼmo, Kokunapi vayanagi ma mopafi vayanagi hutapa geʼnimo afiyo. Ala kava neʼmoʼnamo nagemo aiʼna gemo ago hu maleʼnovaʼmofeʼmo afiyo. Nagaemo mafaʼneʼnimo alagepa huʼna yagaiʼna apateʼnovaʼmonanafa yagaiʼna apateʼnova vekamoʼna geʼnimo oʼafiʼnae.

Aiyeya 43:23

Lapakaemo atamoʼmo leno saga lisiya sipisipi ofalinimo alinitapa nagaetegamo oʼmeʼnae. Ofalinimo neʼnamiya kavatetiʼmo ala nagiʼnimo oʼnamiʼnae. Nagaemo viti ofalinimo namiyo, huʼna lapa paiteʼnaeʼmo kana yaʼmo olapamiʼnove. Nagaemo alagepa atumo neʼaiya ofalinimo namisayafeʼmo alagaʼmo lahapaesiya kavaʼmo osuʼnove.

Aiyeya 45:10

Mago mafaʼnemoʼmo itaʼamofeʼmofi afoʼamofeʼmofi hunoʼaeʼmo, Na agufa kavaʼmo higeka alika nateʼnanageʼnaeʼmo mani kavaʼmo huʼna maiʼnove, huno nehisiyana kana yaʼmo alitenoʼaeʼmo kage kage hugiye.

Aiyeya 64:7

Kaugosamo alika fala kiʼnanaʼmofeʼmo kagikamo aeʼa nunumuʼmo nehaya vayaʼmo oʼmaige katafausageka hapa maesanafeʼmo apaipamo aliʼa he tiʼa apatesaya vayaʼmo oʼmaige huʼnae. Lagaemo hosu kavaʼmo huʼnonaʼmofeʼmo kagaemo atagana huka alika hano huka nelatalane.

Aiyeya 64:8

O Ala kava nene, huta, Hosu kavaʼmo huʼnonaʼmonanafa hemenimo kagaemo afotimogamo maiʼnane. Lagaemo kalipa mopagana huta maiʼnonagekaeʼmo kalipa mopaletiʼmo samomo alo nehana vekagana huka maiʼnane. Kagaemo kayatetiʼmo mukiʼamo alo huʼnana vayaʼmo maiʼnone.

Sefanaiya 3:4

Yulusalemu kotegamo Gotitegati gemo aliniʼeʼa aeʼa hakalo huʼa hapa nepaiya vayaʼmogimo apaipa apakesaleʼmo alagepa huʼa yagaiʼa noʼatageʼapaeʼmo vayaʼmogimo geʼapieʼmo aliʼa amufa noʼapamiye. Mono huʼa neʼapataya vayaʼmogi aote yaʼmo aliʼa hosu huʼa neʼatae. Apakaemo Goti keʼaepa geʼamo aliʼa afeleʼa alu gemo aliʼa apaya neʼmalae.

Malakai 2:1

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, mono hutapa neʼapataya vayaʼmogitapae, huʼna, Ani gemo lapa paiguve.

Malakai 2:10

Muki vayaʼmogitamo magoke afotimoʼmo maiʼnifiye. Magoke Gotiʼa afa yatetiʼmo alo huno lateʼnifiye. Na kava higetapaeʼmo Gotiʼa afotimoʼmo apakinago vayaʼeʼmo magokepi hu maleʼniya kotalakemo amagita ataleteta konagatiyeʼmo aigofe kavaʼmo huʼnonageʼapaeʼmo ani kava huʼa konagaʼapiyeʼmo aigofe kavaʼmo nehae.

Malakai 2:8

Ani kavaʼmo hisaya kavaʼmo haneʼniyaʼmonanafa ani alagepa kavaʼmo ago ataletetapa hosu kavaʼmo huʼnageʼapaeʼmo asole vayaʼmo ataleʼa apagoʼya faiteʼa asagauʼa aiʼnae. Livaiʼeʼmo magokepi hu maleʼnova kotalakemo alita hosu hutapa ataleʼnae, huʼna lapa nepauve.

Malakai 3:5

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, nagaemo emineʼna lapaopaleʼmo maiʼneʼna aliʼna fako huʼna lapategauve. Nagaemo hosu apaune vayaʼaifenagi kumai kavaʼmo nehaya vayaʼaifenagi, agoti huʼa apateʼapaeʼmo aigofe gemo nehaya vayaʼaifenagi aliʼyaʼmo afoʼamogimo aliʼyaʼapimo neʼaliya vayaʼmogi monimo lagauʼa neʼaliya vayaʼaifenagi kogu aʼne anagaʼmo humi apateteʼa moniʼapimo kumayaʼmo neʼaliya vayaʼaifenagi megusa mafaʼne anagaʼaitegamo hosu kavaʼmo nehaya vayaʼaifenagi alu kotegatiʼmo eʼnaya vayaʼmo aliʼa falu fala huʼa noʼapataya vayaʼaifenagi huʼna muki nehaya kavaʼapieʼmo agotileʼmo faigoko gemo huguve. Nagaefeʼmo koli huteʼa naiyafi oʼmaiʼnayaʼmofeʼmae, huno hapa paiʼniye.

Matiyu 15:4

Gotiʼa hunoʼaeʼmo, Itatapi afotapimogimo hapao ke hetetapa geʼapimo afiteta akame hiyo. Itaʼapi afoʼapimogifeʼmo lifana huʼa apatesaya mafaʼne anagaʼaina kamitimo apamagiyo, huno huʼniyaʼmonanafa

Matiyu 6:9

Lapakaemo nunumuʼmo hugefeʼmo ina ge hutapa hiyo, kokuʼnapi Afotimogae, hutapa, kagikamo alagepa huno kaote haneʼniyanageʼa aliʼa asaga hisaya kavaʼmo haneʼniye.

Matiyu 7:21

Muki vayaʼmogimo nagaefeʼmo huʼapaeʼmo, ala kava nene, ala kava nene, huʼa nehaya vayaʼmogimo Gotiʼa yagaino neʼapateya koteʼmo afaʼa uʼa ohaigayaʼmonanafa kokuʼnapi afoʼnimoʼmo hauʼniya kavaʼageʼmo nehaya vayaʼageʼmo afaʼa uʼa haigae.

Maki 10:19

Keʼaepa gemo ago afiʼnanana vayaʼmo ohapao. Kumai kavaʼmo oso. Kumayaʼmo oʼaliyo. Aigofe gemo osuvo. Aigofe ge huteka kumayaʼmo oʼaliyo. Itaka afokamogani anaiyafiʼmo maiteka geʼanimo afiyo, huno huʼnigenoʼaeʼmo,

Maki 7:10

Moseseʼa hunoʼaeʼmo, itatapi afotapimogi apakiʼapileʼmo alita asagautetapa apaiyafiʼmo maiyo. Mago vayaʼmogimo itaʼapimogifeʼmofi afoʼapimogifeʼmofi huʼa lifana gemo hapa paisayana kamitimo apamagigeʼapa faliyo, huno huʼniye.

Luki 10:29

agaemo avagage osisigeno agiʼamo alagepa huno hanesiyafeʼmo Yesufeʼmo hunoʼaeʼmo, nahaopaleʼmo maiʼniya vekamo ina laʼae, huno ge huno afi geʼniye.

Luki 18:20

Goti keʼaepa geʼamo ago afiʼnanana, kumai kavaʼmo osuvo, vayaʼmo kamitimo apamagigeʼa ofaliyo, kumayaʼmo oʼaliyo, aigofe gemo osuvo, itakaʼafokalaʼmogani anaiyafiʼmo maiʼneka geʼanimo afiyo, huno ha paiʼnigenoʼaeʼmo,

Luki 6:36

Afotapimoʼmo hau huno neʼapateya kava hutapa lahapau huta apateyo, huno hapa paiʼniye.

Luki 6:46

Na kavaʼmo higetapaeʼmo nagaefeʼmo hutapaeʼmo, Ala kava nene, Ala kava nene, huta nehutapaeʼmo geʼnimo noʼafiye.

Efasasi 6:2

Keʼaepa gemoʼa hunoʼaeʼmo, itatapi afotapimogi apakiʼapileʼmo alita asaga hutapa maiyo, huno huʼniye. Alu keʼaepa geʼamo haneʼniyaʼmonanafa mani keʼaepa gemo hogote keʼaepa gemo ani kavaʼmo hisayaʼmoʼmo lapa maegauve, huno hu maleʼniya polomasi geʼeʼmo magokepi lokaeno haneʼniye.

1 Pita 1:17

Nunumuʼmo nehutapaeʼmo, Afotimogae, hutapa agi neʼaya vekamoʼmo vayaʼai amega apakufalefeʼmo agesamo noʼafifa muki vayaʼaitegamo magoke aiyaya kavakeʼmo huno alagepa huno alino fako huno neʼapateyaʼmofeʼmo ma mopafiʼmo kalaga vayaʼmo maiʼnetapaeʼmo koli hutapa maime maime viyo.