Maki 9:25 - The Keyagana NT and 25 OT books

²⁵ Yesuʼa apakeyana asole vayaʼmo apakaetegamo nagu nagu huʼa eʼnageno apaketeno hosu aune vekaeʼmo hunoʼaeʼmo, agesamo alika akani maleteka avayamo ge osisiyafeʼmo alika akanika ateʼnana hosu aune vekamo aipafatiʼmo emikeka kaune heka uteka halate eka haikeka aipafiʼmo oʼmaiyo, huno lokiya ge huno huʼniye.

Maki 9:25 ပူးပေါင်းရင်းမြစ်များ

Matiyu 12:22

Ani afinaʼmo mago vayaʼmogi hosu aune vekamo aipafiʼmo maiʼniya vekamo aulagamo ali huʼnigeno agemo noʼaiya vekamo avaleliʼa Yesutegamo eʼnageno Yesuʼa aulagamo alino ayakeno ateʼnigeno ageno ayaketeno agemo aiʼniye.

Matiyu 17:18

Yesuʼa hosu aune vekaeʼmo ke hauʼnigeno ani mafaʼnemo aipafatiʼmo ataleno lamino uʼnigeno ani afinatetiʼmo alagepa huno maiʼniye.

Maki 9:15

Ani muki vayaʼmogimo Yesuʼa eʼnigeʼa ageteʼa hapau aiteʼa malage huʼa nagu nagu huʼa uʼa ke amamaeʼnae.

Maki 9:24

malage huno ani mafaʼnemo afoʼamoʼmo aulagafatiʼmo aunumo emineʼnigeno alopa gefatiʼmo hunoʼaeʼmo, Ala kava nene, huno, Nagesamo afiʼna fatago huʼnovaʼmonanafa nagesa afiʼna fatago osuʼnovanagi afaʼa naha mao, huno huʼniye.

Maki 9:26

Huno huʼnigeno hosu aune vekamo kage kage huteno alino agoʼya faino ataleʼnigeno ani mafaʼnemo hafosamoʼa apamagiʼnigeʼaeʼmo nehaya agufa kavaʼmo huge huge huʼnigeno hosu aune vekamo ataleno uʼniye. Ani mafaʼnemo faligekana huno maiʼnigeʼapaeʼmo asole vayaʼmogi huʼapaeʼmo ago faliʼniye, huʼa huʼnayaʼmonanafa

Luki 11:14

Yesuʼa agemo noʼaiya vekamo aipafatiʼmo mago hosu aune vekamo alino hafaitalegeno uʼnigeno ani vekamoʼmo agemo aiʼnigeʼa afiteʼapaeʼmo hapau aiʼnayaʼmonanafa

Luki 4:35

Yesuʼa ge hautenoʼaeʼmo, ge osuʼneka aipafatiʼmo eka emikeno, huno ha paiʼnigeno hosu aune vekamoʼa vayaʼmo maiʼnaya folagapiʼmo alino agoʼya faino ataleteno ago ataleno uʼniye. Agufamo alino hosu huno oʼateʼnigeno afaʼa maiʼniye.

Luki 4:41

Inagi hosu apaune vayaʼmo asole vayaʼmogi apaipafatiʼmo emi eʼapaeʼmo, Goti mafaʼneʼamo maiʼnane, huʼa alopa gefatiʼmo huʼnae. Kalaisi vekamo maiʼniye, huʼa ago ageʼnayaʼmofeʼmo Yesuʼa hunoʼaeʼmo, ge osuta afa maiyo, huno hapa paiʼniye.

Luki 8:29

Yesuʼa hogoteno hosu aune vekaeʼmo hunoʼaeʼmo, emikeka ataleka uvo, huno ha paiʼniyaʼmofeʼmo hosu aune vekamoʼmo ani gemo ha paiʼniye. Muki afinaʼmo hosu aune vekamoʼmo atafauno maiʼnigeno seli nofitetiʼmo ayatalate kite aiyalate kite hu maleʼnaya seli nofiʼmo ago alino kapalu aeʼnigeno hosu aune vekamoʼmo alino hafaitalegeno kaʼme kotega ute ute huno maiʼniye.

Luki 9:42

avalelino neʼegenoʼaeʼmo hosu aune vekamoʼmo alino agoʼya faino mopafiʼmo ataleʼnigeno atete huno maiʼniye. Yesuʼa hosu aune vekamo alino hafaino ataleteno mafaʼneʼamo alino hageno ateteno afoʼamoʼmo avaleno amiʼniye.

Apa 16:18

muki afinaʼae afinaʼaeʼmo ani agufa gemo huno hapa paige hapa paige huno maiʼniye. Poloʼa lusi kava huno alagaʼmo haeʼnigenoʼaeʼmo aino afe leno ani hosu aune vekaeʼmo hunoʼaeʼmo, Yesu Kalaisi agiʼaletiʼmo ani aʼmafaʼnemo ataleka emikeno, huʼna kaha nepauve, huno ha nepaigenoʼaeʼmo malage huno ataleno emineʼniye.

Yuti 1:9

Neʼapatayaʼmonanafa enisole vayaʼaiteʼmo hogote vekamo yagaino neʼapateya vekamo Maikoʼa Sataniʼeʼmo Mosese agufaʼalefeʼmo ge vaiteʼanaeʼmo Maikoʼa Satanifeʼmo koli huʼniyaʼmofeʼmo huno faipa huno ge ohauʼniyaʼmonanafa, Ala kava neʼmoʼa ge kahaugiye, huno ha paiʼniye.