Maki 8:4 - The Keyagana NT and 25 OT books

⁴ Huno hapa paiʼnigeʼapaeʼmo geʼamo neʼafiya vayaʼmogi huʼapaeʼmo, kaʼme kotegamo eta maiʼnonaʼmofeʼmo muki vayaʼaina apamisuna neʼyaʼmo haiyatetiʼmo aligune, huʼa afi geʼnagenoʼaeʼmo,

Maki 8:4 ပူးပေါင်းရင်းမြစ်များ

2 Kini 7:2

Ani kini vekaleʼmo yagaino neʼateya vekamo kini vekaʼeʼmo magokepi eʼniya vekamoʼmo ani gemo afitenoʼaeʼmo ina gemo huno Goti vekaʼamo geʼaleʼmo aeno atagaina hunoʼaeʼmo, Afiyo, huno, Ala kava neʼmoʼa kokuʼnapi yasi kakoʼmo alo hisigeno ani kavaʼmo afole aisifiye, huno huʼnigeno Ilaisaʼmo ha painoʼaeʼmo, Alagi lama gemo nehuve. Kagaemo ani kavaʼmo afole aisigeka ageganaʼmonanafa ani neʼyapatiʼmo oʼnegane, huno ha paiʼniye.

Matiyu 15:33

Inagi geʼamo neʼafiya vayaʼmogi huʼapaeʼmo, kaʼme kotega eta maiʼnonaʼmofeʼmo haiyatetiʼmo neʼyaʼmo aliniteta fako huta mani asole vayaʼmo apamigune, huʼa ge huʼa afi geʼnae.

Maki 6:52

Yesuʼa aise peleti mayafatiʼmo magoʼe huno asole neʼyaʼmo apamiʼniya kavafeʼmo alagepa huʼa apakesamo oʼafiʼnayaʼmonanafa apakesamo ago akaniʼniya vayakana huʼa maiʼnayaʼmofeʼmo yasimo hano huʼnigeʼapaeʼmo hapau aiʼnae.

Maki 8:3

Mago vayaʼamo afagitegatiʼmo eʼnayaʼmofeʼmo neʼyaʼmo oʼapamiʼna noʼapilegamo fiku aliʼna apatesugeʼa visayategamo uʼa kategamo apaunena aisigeʼa asagauʼa aigae, huno hapa paiʼniye.

Maki 8:5

na magi peleti mayamo aliʼnae, huno apafi geʼnigeʼapaeʼmo, seveniʼa peleti mayamo haneʼniye, huʼa ha paiʼnae.