Maki 8:15 - The Keyagana NT and 25 OT books

¹⁵ Yesuʼa lokiya ge hunoʼaeʼmo, alagepa huta kava yagaiyo. Falasi vayaʼai peleti mayafiʼmo aeno apafu neleya yaʼe Heloti akame vayaʼamogi peleti mayafiʼmo aeno apafu neleya yaʼefeʼmo ehetapiye, huno hapa paiʼnigeʼapaeʼmo

Maki 8:15 ပူးပေါင်းရင်းမြစ်များ

Mai'naya kavane 19:27

Mafaʼneʼnimogae, huʼna, kagaemo aliʼa kaya neʼmalaya gemo magoʼe huka afitekaeʼmo ataleka oʼafisanaʼmoʼmo hosu kateʼmo ugane.

Matiyu 14:1

Ani afinaʼmo Helotiʼa Galeliya koteʼmo yagaino neʼapateya gamani vekamoʼmo Yesufeʼmo ava gemo huʼnageno afiʼniye.

Matiyu 14:3

Hogoteno Helotiʼa ina kavaʼmo huʼniye. Agaemo aganaʼamo Filipi aʼmo Helotiyasiʼmo aliʼnigeno Yoniʼa ha painoʼaeʼmo, aʼmo aliʼnana kavaʼmo keʼaepa gemo amagika ataleʼnane, huno ha paiʼniyaʼmofeʼmo Helotiʼa atafauno nofi kino ateteno kalavusi huno ateʼniye.

Matiyu 14:6

Helotiʼa itaʼamoʼmo alino ateʼniya afinaʼmo halate afole aiʼnigeno neʼyaʼmo yagita huʼnigeʼa eʼa neʼyaʼmo neʼnageno Helotiyasi aʼmafaʼnemoʼmo muki vayaʼai apaulagaleʼmo ohageʼnigeno Helotiʼa lusi kava huno amuse huno ateʼniye.

Matiyu 16:6

Yesuʼa hunoʼaeʼmo, Falasi mono vayaʼmogi peleti maya falaovafiʼmo neʼataya yaʼe Satiyusi mono vayaʼmogi peleti maya falaovafiʼmo neʼataya yaʼefeʼmo ehetapiye, huno hapa paiʼniye.

Maki 12:13

Apakaemo ataleʼa uteʼa Falasi vayaʼe Helotiʼa akame nehaya vayaʼefeʼmo hapa paiʼapaeʼmo, aneʼaimo hanagi maleʼnageno malage huno neʼatafaiya kava hutapa yagaiʼneta geʼaletiʼmo atafaiyo, huʼa huteʼa aliʼa apateʼnageʼa agaetegamo uʼnae.

Maki 8:14

Geʼamo neʼafiya vayaʼmogimo peleti mayaeʼmo apake kaniʼnigeʼa oʼaliʼa uʼnageno sipifiʼmo magoke peleti mayatomo haneʼniye.

Maki 8:16

apakaiʼapimo ge huge afige huʼapaeʼmo, peleti mayatimo ohaneʼniyaʼmofeʼmo ani ge hiye, huʼa huʼnagenoʼaeʼmo

Luki 12:15

muki vayaʼaifeʼmo hunoʼaeʼmo, lapakaemo kagemi yafeʼmo lapaʼye hisiya kavaʼmo afole oʼaisiyafeʼmo ehe alagepa huta yagaita lapateyo. Asole kagemi yaʼmo neʼaliya kavaʼmoʼa alagepa huʼa maisaya kavaʼmo aepaʼamo ohaneʼniye, huno hapa paiteno

1 Timoti 5:21

Nagaemo Goti aulagalenagi Ala kava netimo Yesu Kalaisi aulagalenagi Gotiʼa lekana paino apateʼniya enisole vayaʼai apaulagalenagi huʼna kaha paiʼnaeʼmo, mani kavaʼmo huka alika fako huka apatesanafeʼmo hukaeʼmo fiku alika fako huka oʼapateka hogoteka ani gemo aepaʼamo afitekaeʼmo mago vayaʼaitegaʼe alu vayaʼaitegaʼeʼmo lole agufa kavaʼmo osuka magoke aiyaya kavakeʼmo huka alika fako huka apato, huʼna kaha nepauve.

1 Timoti 6:13

Nagaemo afaʼa neʼmaiya yaʼmo neʼapamiya Goti aulagaleʼe Kalaisi Yesuʼa Ponitiyasi Pailati aulagaleʼmo alagepa gemo huteno faliʼniya vekamo aulagaleʼeʼmo maiʼneʼnaeʼmo kaha nepauve.

2 Timoti 2:14

Ani geeʼmo muki afinaʼmo apakesamo afisayafeʼmo ani gemo hapa paiyo. Ala kava neʼmo aulagaleʼmo maiʼneʼnaeʼmo, alu ge alu geletiʼmo kaveta osiyo, huka hapa paiyo. Ani agufa gemoʼmo afisaya vayaʼmo hapa oʼmaegaifa alino hosu hunoʼageʼmo apategaiye.