Maki 7:9 - The Keyagana NT and 25 OT books

⁹ Goti keʼaepa gemo ataleta lapakinago vayaʼai keʼaepa gemo akame hisayafeʼmo alagepa hutapa afiʼnae, huno huʼniye.

Maki 7:9 ပူးပေါင်းရင်းမြစ်များ

Samu 119:126

O Ala kava nene, huʼna, apakaemo keʼaepa gekamo ago aeʼa ati kaeʼnayaʼmofeʼmo aliʼyakamo alisana afinaʼmo afole aiʼniye.

Neniyo 11:36

Mago kini vekamoʼmo hauʼnisiya kavaʼmo hugiye. Agaemo muki gotigimo aeʼna apaka seʼnove, huteno agaiʼa agiʼaleʼmo alino asagauno ategaiye. Agaemo alagi anaga Gotifeʼmo huno faipa huno ategaiye. Agaemo aliʼyaʼamo alime alime neʼvisigenoʼaeʼmo Gotiʼa aipamo leno apatesiya afinaʼmo hano hugiye. Gotiʼa afole aigiye, huno lekana pai maleʼniya kavaʼmo afole aigiyaʼmofeʼmae.

Neniyo 7:25

Agaemo aeno apaka seno alagi anaga Gotitegamo himuʼnamu gemo huge aeno apaka seno alagi anaga Goti apaote vayaʼalegamo aini huno apatege afinaʼe keʼaepa geʼeʼmo aliʼna alu afinaʼe alu keʼaepa geʼeʼmo malegauve, huno agesamo afige hugiye. Gotiʼa apaote vayaʼamo apavaleno ayapiʼmo apatesigeno loleʼe magoʼe kafugagi sigisiʼa kaigi huno yagaino apategaiye.

Maki 7:13

Ina gemo hutetapaeʼmo Goti gemo amagita ataletetapa lapakinago vayaʼai gemo akame nehae. Magoʼe hutapa ani agufa kavaʼmo nehae, huno huʼniye.

Maki 7:3

Falasi mono vayaʼe muki Yu vayaʼmogiʼeʼmo apakinago vayaʼai gemo akame hisayafeʼmo apayaʼmo sese osuʼnisayana neʼyaʼmo aliʼa oʼnegae.

Maki 7:5

Falasi mono vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo ani kavafeʼmo Yesufeʼmo huʼapaeʼmo, Na kava higeʼa gekamo neʼafiya vayaʼmogi laginago vayaʼai keʼaepa gemo akame huʼa apayaʼmo sese osuʼneʼa neʼyaʼmo fiku aliʼa neʼnae, huʼa afi geʼnae.

Lomu 3:31

Inagi lagaemo apakesamo afiʼa fatago hisaya kavafeʼmo ava gemo nehutaeʼmo keʼaepa geʼamo aeta ati nekaopiye. Alagi atalegeno hano hino. Lagaemo keʼaepa geʼamo ha maeta alita he tita neʼatone.

2 Kolitiyani 11:4

Mago hogoteʼa eʼnaya vayanagi henagaʼamo esaya vayanagi huʼa lapakaetegamo eʼa alu Yesufeʼmo lagaemo aeta hakalo huta lapa opaiʼnona Yesufeʼmo aeʼa hakalo huʼa lapa paisagetapa afigae. Alu auneʼamo lagaetetiʼmo oʼaliʼnaya auneʼamo lapakaemo aliʼnisafi alu alagepa faigoko gemo lagaetetiʼmo oʼafiʼnaya agufa alagepa faigoko gemo afisafi hutetapa afaʼa apaketapa apataleʼnetapa geʼapimo afaʼa afigae.

Galesiya 1:14

Nagaemo Yu nofi vayaʼmogi nehaya kava huʼna magoʼe huʼna huliʼna neʼuʼnaeʼmo nafaluʼnimogimo ago aeʼna apakaseʼna laginago vayaʼai gemo akame nehuʼnaeʼmo lusi kava huʼna nayamukiki huʼna maiʼnove.

Galesiya 2:21

Gotiʼa keʼaepa geʼamo akame nehaya kavatetiʼmo, naulagaleʼmo fatago vayaʼmo maiʼnae, huno hapa nepaiyesinana Kalaisiʼa afaʼa fikumo faliʼniyesine. Gotiʼa fikumo naha maeno namiʼniya yafeʼmo, afaʼa ina agufa yane, huteʼna nakameʼyamo oʼamiʼnove.

2 Tesaloniyani 2:4

Ani vekamoʼmo Gotitimoʼa maiʼniye, huʼa nehaya vayaʼai gotiʼapimogifeʼmo kamemo huno apatege mono nehaya gotiʼapimogifeʼmo kamemo huno apatege huno nehunoʼaeʼmo, aeʼna apakaseʼna hogote vekamo maiʼnove, huno hugiye. Agaemo Goti mono nopiʼmo uno haino maiʼnenoʼaeʼmo, Gotiʼnamo maiʼnove, huno hugiye.