Maki 7:34 - The Keyagana NT and 25 OT books

³⁴ Maleteno kokuʼnategamo alino maku huno ageteno avamusa aiteno agaiʼa gefatiʼmo hunoʼaeʼmo, efata ina ge huno aino halo aino, huno ha paiʼnigeno

Maki 7:34 ပူးပေါင်းရင်းမြစ်များ

Hatu maeno apate'niya gemae 2:23

Henagaʼamo Isipi vayaʼaiteʼmo yagaino apateʼniya kini vekamo ago faliʼniye. Isipi vayaʼmogimo Isaleli vayaʼmo kalavusi aliʼyaʼmo apamiʼnageʼa lusi kana yaʼmo aliteʼa yulagefa aige ge huge huʼa maiʼnaya gemo Gotiʼa afiʼniye.

Aiyeya 53:3

Vayaʼmogimo huʼapaeʼmo, ina agufa vekamo maiʼniye, huʼa huteʼa apakameʼyamo amiʼnae. Kana yaʼmo neʼaliya vekamo maiʼneno aipafiʼmo agafu kiʼniya kavaʼmo ago ageʼniye. Lagaemo oʼagesunafeʼmo laugosafiʼmo aita ati kaegekana huta maiʼnone. Lagaemo hutaeʼmo, ina agufa vekamo maiʼniye, huta huteta ala agiʼamo oʼamiʼnone.

Maki 1:41

Yesuʼa hau huno atetenoʼaeʼmo ayaʼmo alino ataleno agufaleʼmo maleʼnenoʼaeʼmo, nahauʼniyanagi afaʼa alagepa huka maiyo, huno ha paiʼniye.

Maki 15:34

Une afafamo Yesuʼa alopa gefatiʼmo keya aeno ge hunoʼaeʼmo, Eloi, Eloi lama samakatani, huno huʼniye. Ani ge huʼniya gemo aepaʼamo Gotiʼnimo, Gotiʼnimo, huno, na kava higeka nataleka uʼnane, huno huʼniye.

Maki 5:41

Ayateʼmo neʼalinoʼaeʼmo, talita kumi, huno huʼniye. Ani gemo aepaʼamo haneʼniyana aise aʼmafaʼneo he tiyo, huʼna kaha nepauve, huno huʼniye.

Maki 6:41

Agaemo faefuʼa peleti mayaʼe lole noyamelaʼeʼmo aliʼneno alino maku huno kokuʼnategamo ageteno peleti mayamo alino auleno ateteno akaya heteno geʼamo neʼafiya vayaʼaina apamiʼnigeʼa aliʼa apamiʼnae. Ina kava huno lole noyamelaʼeʼmo alino akaya heteno apamiʼniye.

Maki 7:35

agesamo aino halo aiʼnigeno avenafuʼnaleʼmo atafauno maiʼniya yaʼmo ataleno uʼnigeno alagepa huno age aiʼniye.

Maki 8:12

Yesuʼa avamusa aitenoʼaeʼmo, na kava higeʼa hemeni afinaʼmo maiʼnaya vayaʼmogi huʼapaeʼmo noʼagona lokiya kavaʼmo alika lave liyo, huʼa nehae. Alagi lama gemo lapa nepauve, huno, nagaemo mago aune kavaʼmo hemeni afinaʼmo maiʼnaya vayaʼaina aliʼna apave oliguve, huno hapa paiteno apataleno halate sipifiʼmo uno haino maiteno mugagayaga faligamo lakaeno uʼniye.

Luki 18:42

Yesuʼa hunoʼaeʼmo, kaulagamo afa ageka ayako. Nagaefeʼmo kagesa afika fatago huʼnana kavakamoʼmo alino ayakeno kateʼniye, huno ha paiʼnigeno

Luki 19:41

Yesuʼa Yulusalemu taonifiʼmo uno hogo hutenoʼaeʼmo uno avaʼyi huno taonimo agetenoʼaeʼmo aviʼyaʼmo huʼniye.

Luki 7:14

uno hiʼyopaleʼmo ayaʼmo maleʼnigeʼapaeʼmo aliniʼa eʼnaya vayaʼmo anile he tiʼa maiʼnae. Agaemo ge hunoʼaeʼmo, neya vekae, huno, kaha paiʼnaeʼmo he tiyo, huʼna kaha nepauve, huno nehigenoʼaeʼmo

Yoni 11:33

Yesuʼa ageyana Maliyaʼa aviʼyaʼmo huʼnigeʼapaeʼmo agaeʼeʼmo magokepi eʼnaya vayaʼmogiʼeʼmo aviʼyaʼmo huʼnageno apaketenoʼaeʼmo lusi kava huno aipamoʼmo kana huʼniye.

Yoni 11:35

Yesuʼa aviʼyaʼmo huʼniye.

Yoni 11:38

Yesuʼa halate lusi kava huno aipamoʼmo kana huʼnigenoʼaeʼmo kanolulegamo uʼniye. Yafa kapiʼmo kiʼa ateteʼa avayaleʼmo yafatetiʼmo aiʼa akani maleʼnae.

Yoni 11:41

yafaʼmo aliʼa heleve huʼa ataleʼnagenoʼaeʼmo Yesuʼa alino maku huno kokuʼnategamo ageʼnenoʼaeʼmo, Afoʼnimogae, huno, geʼnimo ago afiʼnanaʼmofeʼmo kahao keʼmo nehove.

Yoni 11:43

alopa gefatiʼmo hunoʼaeʼmo, Layosiyo, huno, he tika emikeno, huno ge huʼniye.

Yoni 17:1

Yesuʼa ani gemo ago hapa paitenoʼaeʼmo alino maku huno kokuʼnategamo ageʼnenoʼaeʼmo nunumuʼmo huʼniye. Afo, huno, ani afinaʼmo ago afole aiyanagi kagikaleʼmo alino asaga huno katesiyafeʼmo Mafaʼnekamo agiʼaleʼmo alika asaga huka ato.

Apa 9:34

Agetenoʼaeʼmo Iniyasiyo, huno, Yesu Kalaisiʼa alino kahageno kateʼnigi he tika yakaikonakamo alika alagepa huka maiyo, huno ha paiʼnigeno malage huno he tiʼniye.

Apa 9:40

Ave liʼnagenoʼaeʼmo Pitaʼa hunoʼaeʼmo, kumatega uta lamiyo, huno hapa paiʼnigeʼa uʼa lamiʼnageno aleʼya faino maiʼneno nunumuʼmo huteno aino afe leno agufaleʼmo ageʼnenoʼaeʼmo, Tamaitao, huno, he tiyo, huno nehigenoʼaeʼmo aulagamo ageno ayakeno Pitaʼmo agetenoʼaeʼmo he tino fai maiʼniye.

Himulu 4:15

Hogote ala vekatimo mono huno nelateya vekatimoʼmo himamutimo ohaneʼniya vayaʼmogitaeʼmo hau huno nelate. Muki alu hosu kava alu hosu kavaʼmo hisunafeʼmo lamalageka nehaya kava huʼa amalageka huʼnayaʼmofeʼmo hau huno nelate. Amalageka huʼnayaʼmonanafa hosu kavaʼmo alagi osuʼniye.