Maki 7:3 - The Keyagana NT and 25 OT books

³ Falasi mono vayaʼe muki Yu vayaʼmogiʼeʼmo apakinago vayaʼai gemo akame hisayafeʼmo apayaʼmo sese osuʼnisayana neʼyaʼmo aliʼa oʼnegae.

Maki 7:3 ပူးပေါင်းရင်းမြစ်များ

Maki 7:13

Ina gemo hutetapaeʼmo Goti gemo amagita ataletetapa lapakinago vayaʼai gemo akame nehae. Magoʼe hutapa ani agufa kavaʼmo nehae, huno huʼniye.

Maki 7:5

Falasi mono vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo ani kavafeʼmo Yesufeʼmo huʼapaeʼmo, Na kava higeʼa gekamo neʼafiya vayaʼmogi laginago vayaʼai keʼaepa gemo akame huʼa apayaʼmo sese osuʼneʼa neʼyaʼmo fiku aliʼa neʼnae, huʼa afi geʼnae.

Luki 11:38

Yesuʼa neʼyaʼmo nesiyafeʼmo mono kavaʼmo akame huno ayaʼmo sese osuʼnigenoʼaeʼmo Falasi vekamoʼmo agetenoʼaeʼmo hau aiʼniye.

Yoni 2:6

Ani nopiʼmo sigisiʼa yafa ani keʼmo haneʼnigeno Yu vayaʼai mono kavaʼapimo akame huʼa aniʼmo nefalaya keʼmo haneʼniye. Ani kepiʼmo teniʼa paketi aniʼmo haneʼnisifi fifitiniʼa paketi aniʼmo haneʼnisifi huʼniya ani keʼmo haneʼniye.

Galesiya 1:14

Nagaemo Yu nofi vayaʼmogi nehaya kava huʼna magoʼe huʼna huliʼna neʼuʼnaeʼmo nafaluʼnimogimo ago aeʼna apakaseʼna laginago vayaʼai gemo akame nehuʼnaeʼmo lusi kava huʼna nayamukiki huʼna maiʼnove.

Kolosi 2:8

Fiku yanageʼa mago vayaʼmogimo ma mopafi vayaʼmogi ageteʼa afiʼnaya agufa gemo huge afa aigofe gemo huge huʼa humi lapategayanagi ehetapiye. Mani gemo Kalaisitegatiʼmo noʼmefa apakinago vayaʼmogi nehaya agufa gemo ma mopafi kavaʼmo ani kavaʼmo huno afole aiʼniye, huʼa nehaya geeʼmo apakesamo neʼafiya yaʼapifatiʼmo neʼe.

1 Pita 1:18

Lapakinago vayaʼai kavaʼmoʼa alagepa huno lapa oʼmaesiya agufa kavakeʼmo hogotetapa akame huʼnae. Ani agufa kavategatiʼmo ago miya faino hatu maeno lapateʼniya kavafeʼmo ava gemo ago afiʼnae. Kalaisiʼa hano hisiya yaʼmo siluva yafatetiʼmofi goli yafatetiʼmofi huno miya faino olapateʼnifa