Maki 7:24 - The Keyagana NT and 25 OT books

²⁴ Yesuʼa mani kotetiʼmo ataleno Taiya taoniʼe Saitoni taoniʼeʼmo haneʼniya haopalegamo uʼniye. Uno mago nopiʼmo uno haino maiʼnenoʼaeʼmo mago vekamoʼmo hunoʼaeʼmo, Yesuʼa ani nopiʼmo eno maiʼniye, huno hisiyafeʼmo ohauʼniyaʼmonanafa ago ageʼnae.

Maki 7:24 ပူးပေါင်းရင်းမြစ်များ

Aepa Gemae 10:15

Kenaniʼmo Saitoniʼmo alino ateteno Hetiʼmo alino ateʼniye.

Aepa Gemae 10:19

Kenani nofi vayaʼai hakuʼapimo Saitoni taoniletiʼmo hanelinuno Kela taonimo katetiʼmo hanelinuno Gesa taoniletiʼmo hanelinuno Sotomi taonimo katetiʼmo hanelinuno Gomola taonilegatiʼmo hanelinuno Atama taonilegatiʼmo hanelinuno Yemovimi taoniletiʼmo hanelinuno muga Lasa taonileʼmo uʼniye.

Aepa Gemae 49:13

Semuluniʼa solovala ani haigileʼmo maigiye. Agaemo sipimo eʼa maisaya haopalegamo maigiye. Agae mopamo atupamoʼmo uno Saitoni taonileʼmo hanegaiye.

Aiyeya 42:2

Agaemo alopa gefatiʼmo osuge agemo afisayafeʼmo taoni kateʼmo he tino alopa gefatiʼmo osuge hugiye.

Matiyu 11:21

Kolasini taonifiʼmo maiʼnaya vayaʼmogitapae, huʼna, vaehae, huʼna, Metasaita taonifiʼmo maiʼnaya vayaʼmogitapae, huʼna, vaehae. Taonitapifiʼmo noʼagaya agufa lokiya naune kavaʼmo huʼnova agufa kavaʼmo Taiya taonifiʼe Saitoni taonifiʼeʼmo mago vayaʼmogi huʼnaesinana akeyaʼvilagamo apaipamo ago aliʼa afe leteʼa hosu kogu kukenamo vaiteʼa laʼnefamo faleʼnaesine.

Matiyu 9:28

Yesuʼa nopiʼmo uno haino maiʼnigeʼana eʼana maiʼnaʼageno hana painoʼaeʼmo nagaemo lanaulagamo afaʼa aliʼna ayakegauve, hutana lanakesamo afitana fatago nehaʼafiye, huno ge huno anafi geʼnigeʼanaeʼmo, He, Ala kava nene, huʼana huʼnaʼagenoʼaeʼmo

Maki 2:1

Aise afinaʼmo utegeno Yesuʼa atagi neno Kapeneyam taonifiʼmo noʼaleʼmo maiʼnigeʼa ageteʼapaeʼmo, noʼafiʼmo ago eno maiʼniye, huʼa hapa paiʼnageʼa afiteʼapaeʼmo

Maki 7:23

Muki ani agufa hosu kavaʼmo apaipafatiʼmo afole aiteno vayaʼmo alino hosu huno neʼapate, huno hapa paiʼniye.

Maki 7:25

Mago akanomoʼmo Yesufeʼmo ava gemo afiteno enoʼaeʼmo aiyafiʼmo aleʼya faino ape huno maiʼniye. Ani aʼmo aʼmafaʼneʼamo aipafiʼmo hosu aune vekamo maiʼniye. Ani aʼmo Yu nofi akanomo oʼmaiʼnifa Galiki nofi aʼmo maiʼnigeno koʼamo Siliya Finisiya kotega haneʼniye. Agaemo Yesufeʼmo ina ge huno afigeʼniye, kahao keʼmo hovanagi hosu aune vekamo aʼmafaʼneʼnimo aipafatiʼmo alika hafaika atalo, huno ge huno afige afige huno maiʼnigenoʼaeʼmo,

Maki 7:31

Yesuʼa Taiya haopalegatiʼmo atalenuno Saitoni taonimo aeno aga senuno magoʼe huno naya loleʼa taonimo aeno aga senuno Galeliya ani kotuʼmo haopaleʼmo uno avaʼyi huʼniye.

1 Timoti 5:25

Ani kava huno mago vayaʼai alagepa kavaʼapimo vayaʼai apaulagaleʼmo haneʼniyaʼmonanafa oʼageʼnaya alagepa kavaʼapimo alagi fala kino ohaneno afole aisigeʼa agegae.