Maki 7:23 - The Keyagana NT and 25 OT books

²³ Muki ani agufa hosu kavaʼmo apaipafatiʼmo afole aiteno vayaʼmo alino hosu huno neʼapate, huno hapa paiʼniye.

Maki 7:23 ပူးပေါင်းရင်းမြစ်များ

Maki 7:15

Malaga haneʼnisiya yaʼmoʼa vayaʼai apakupafiʼmo uno lamisiyana vayaʼmo alino hosu huno oʼapategaiye. Oʼapategaiyaʼmonanafa apaipafatiʼmo eno haineno apavayafatiʼmo afole aisiya yaʼmokeʼmo vayaʼmo alino hosu huno apategaiye.

Maki 7:18

Afi geʼnagenoʼaeʼmo, lapakaeʼeʼmo afita aeto osuʼnafiye. Muki malaga haneʼniya yaʼmo nesageno uno lamino apakupafiʼmo hanesiyana alino hosu huno oʼapategaiye, hutapa oʼafiʼnafiye.

Maki 7:20

Yesuʼa magoʼe gemo hunoʼaeʼmo, mago vekamoʼmo agaiʼa aipafatiʼmo haineno afole neʼaiya yaʼmokeʼmo agaiʼamo alino hosu huno neʼate.

Maki 7:22

kumaya alisaya kavaʼmo afole aige hapaʼye hisaya kavaʼmo afole aige muki agufa hosu kavaʼmo afole aige aigofe kavaʼmo afole aige ge oʼafiʼa kumai kavaʼmo nehaya kavaʼmo afole aige apaketeʼa apaipa kafamo nehapaya kavaʼmo afole aige huʼa faipa huʼa neʼapataya gemo afole aige himuʼnamu nehaya kavaʼmo afole aige negi nagi kavaʼmo afole aige nehiye.

Maki 7:24

Yesuʼa mani kotetiʼmo ataleno Taiya taoniʼe Saitoni taoniʼeʼmo haneʼniya haopalegamo uʼniye. Uno mago nopiʼmo uno haino maiʼnenoʼaeʼmo mago vekamoʼmo hunoʼaeʼmo, Yesuʼa ani nopiʼmo eno maiʼniye, huno hisiyafeʼmo ohauʼniyaʼmonanafa ago ageʼnae.

1 Kolitiyani 3:17

Mago vekamoʼmo Goti mono noʼamo heno halagape vaino atalesigenoʼaeʼmo Gotiʼa alino agoʼya lagauno atalegaiye, Goti mono noʼamo aote noʼmo haneʼniyaʼmofeʼmae. Lapakaemo ani aote mono noʼamo maiʼnae.

Taitasi 1:15

Yaveyave apaipa vayaʼmogimo muki aliʼnisaya yaʼamo apakaiʼapilefeʼmo yaveyave yaʼmo haneʼniyaʼmonanafa hosu kavaʼmoʼa alino oʼaniʼya faino apateʼnisiya vayaʼmogimo muki aliʼnisaya yaʼamo apakaiʼapilefeʼmo oʼaniʼya yaʼmo haneʼniye. Apakesamo neʼafiya yaʼapifiʼe apakupi mafaʼnefiʼeʼmo oʼaniʼya yaʼmo havai teʼniyaʼmofeʼmae.

Yuti 1:8

Ani kavaʼmo huʼa mago vayaʼmogimo alagamuna ageteʼapaeʼmo apakufamo aliʼa hosu huʼa apateteʼapaeʼmo yagaiʼa neʼapataya vayaʼai geʼapimo noʼafiye. Apakaemo ha le konali vayaʼmo yagaiʼa neʼapataya vayaʼaifeʼmo huʼa faipa huʼa neʼapatae.