Maki 7:2 - The Keyagana NT and 25 OT books

² Maiʼneʼapaeʼmo apakayana mago Yesu geʼamo neʼafiya vayaʼmogi Yu mono gemo akame huʼa apayaʼmo sese osuʼneʼa neʼyaʼmo afaʼa aliʼa neʼnageʼa apaketeʼapaeʼmo, hosu kavaʼmo huʼnae, huʼa huʼnae.

Maki 7:2 ပူးပေါင်းရင်းမြစ်များ

Matiyu 15:2

na kava higeʼapaeʼmo gekamo neʼafiya vayaʼmogimo laginago vayaʼai geʼapimo amagiʼa neʼatalae. Vayatama vayaʼmogimo geʼapimo afiteʼa akame nosafa apayaʼmo sese osuʼneʼa neʼyaʼmo fiku aliʼa neʼnae, huʼa ha paiʼnageno

Maki 7:5

Falasi mono vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo ani kavafeʼmo Yesufeʼmo huʼapaeʼmo, Na kava higeʼa gekamo neʼafiya vayaʼmogi laginago vayaʼai keʼaepa gemo akame huʼa apayaʼmo sese osuʼneʼa neʼyaʼmo fiku aliʼa neʼnae, huʼa afi geʼnae.

Luki 11:38

Yesuʼa neʼyaʼmo nesiyafeʼmo mono kavaʼmo akame huno ayaʼmo sese osuʼnigenoʼaeʼmo Falasi vekamoʼmo agetenoʼaeʼmo hau aiʼniye.

Apa 10:28

Apaketenoʼaeʼmo, Lagae keʼaepa gemoʼa hunoʼaeʼmo, Yu vayaʼe alu nofi vayaʼeʼmo magokepi lokaetapa oʼmaiyo, huno huʼnigetapa ago afiʼnae. Huʼniyaʼmonanafa Gotiʼa hunoʼaeʼmo, Mago vekaeʼmo hukaeʼmo, hosu vekamo maiʼniyanageʼna agaeʼeʼmo magokepi lokaeʼna oʼmaiguve, huka osuvo, huno ago alino nave liʼniye.

Apa 11:8

Ala kava nene, huʼna, haʼao. Lagaefeʼmo Yu mono keʼaepa gemoʼa hunoʼaeʼmo, alu hosu afumo ameʼamo oʼneyo huno huʼnigeʼna mosiʼnova yane, huʼna ha paiʼnogenoʼaeʼmo

Lomu 14:14

Nagaemo Ala kava neʼmo Yesupiʼmo maiʼneʼnaeʼmo muki neʼyafeʼmo huʼnaeʼmo, hosu neʼyaʼmo ohaneʼniye, huʼna ago afiʼnove. Afiʼnovaʼmonanafa mago vayaʼmogi neʼyafeʼmo, hosu neʼyaʼmo haneʼniye, huʼa apakesamo neʼafisayana apakaiʼapilefeʼmo hosu neʼyaʼmo haneʼniye.

Himulu 10:29

Inagi mago vekamoʼmo Goti Mafaʼneʼaeʼmo, ina agufa vekamae, huteno agiʼaleʼmo alino afepi atege kotalake kolaʼamo alino aote maleʼniya kolaʼaeʼmo ina agufa kolane, huno agesamo afige fikumo hapa maeno neʼapamiya Aunemeʼaeʼmo huno faipa huno atege huʼnisiyana anonaʼalefeʼmo magoʼe huno lusi kayoʼmo apamigiye, huʼa apakesamo afigae.

Leveleseni 21:27

Oʼaniʼya faiʼnisiya yaʼmo ani taonifiʼmo ohanegaiye. Apavagage hisiya kavaʼmo nehaya vayaʼmofi aigofe gemo nehaya vayaʼmofi huʼa uʼa ohaigayaʼmonanafa afaʼa maisaya yaʼmo aliʼnisaya vayaʼai apakiʼapimo mukufiʼmo avoʼmo kae maleʼniya vayaʼageʼmo uʼa haigae.