Maki 7:15 - The Keyagana NT and 25 OT books

¹⁵ Malaga haneʼnisiya yaʼmoʼa vayaʼai apakupafiʼmo uno lamisiyana vayaʼmo alino hosu huno oʼapategaiye. Oʼapategaiyaʼmonanafa apaipafatiʼmo eno haineno apavayafatiʼmo afole aisiya yaʼmokeʼmo vayaʼmo alino hosu huno apategaiye.

Maki 7:15 ပူးပေါင်းရင်းမြစ်များ

Mai'naya kavane 4:23

Muki agufa kavakamo aepaʼamo kaipafatikeʼmo afole neʼaiyanagi hogote kavaʼmo huka kayamukiki huka kaipaleʼmo alagepa huka yagaika ato.

Matiyu 12:34

Nagaloʼyave afamo anaga vayaʼmogitapae, huʼna, hosu vayaʼmo maiʼnayaʼmofeʼmo haiya kava huta alagepa gemo afaʼa hugae. Vayaʼai apaipafiʼmo na agufa yaʼmo havaiteʼnifi ani kava huno aino vali lamino asagauno neʼaigeʼapaeʼmo gemo nehae.

Matiyu 15:16

asole afinaʼmo afiʼnayaʼmonanafa lapakaeʼeʼmo afita aeto nosafiye.

Maki 7:14

Yesuʼa halate muki vayaʼaifeʼmo ge huʼnigeʼa eʼa aliʼa anupa huʼa maiʼnagenoʼaeʼmo, Geʼnimo afita aeto hiyo.

Maki 7:16

Ge afisaya lapakesamo haneʼnisiyana ani gemo afiyo, huno hapa paiʼniye.

Apa 10:28

Apaketenoʼaeʼmo, Lagae keʼaepa gemoʼa hunoʼaeʼmo, Yu vayaʼe alu nofi vayaʼeʼmo magokepi lokaetapa oʼmaiyo, huno huʼnigetapa ago afiʼnae. Huʼniyaʼmonanafa Gotiʼa hunoʼaeʼmo, Mago vekaeʼmo hukaeʼmo, hosu vekamo maiʼniyanageʼna agaeʼeʼmo magokepi lokaeʼna oʼmaiguve, huka osuvo, huno ago alino nave liʼniye.

Lomu 14:17

Na kava higetapaene. Gotiʼa neʼyaʼe aniʼeʼmo neʼnaya kavateʼmo yagaino noʼapatefa Goti Aunemeʼamoʼmo laipafiʼmo maiʼnigeta fatago kavaʼmo nehunagenoʼaeʼmo laipamoʼmo falu huʼnisigeta lamogaga aisuna kavatekeʼmo yagaino nelate.

1 Kolitiyani 10:25

Situvapatiʼmo ameʼamo fikumo miya faitetapaeʼmo yuʼilaga vekatapilefeʼmo maketi hu maleʼnisaya vayaʼaifeʼmo, haiyategatiʼmo alinita eʼnae, hutapa apafi oketapa fikumo afaʼa alitapa neyo.

Taitasi 1:15

Yaveyave apaipa vayaʼmogimo muki aliʼnisaya yaʼamo apakaiʼapilefeʼmo yaveyave yaʼmo haneʼniyaʼmonanafa hosu kavaʼmoʼa alino oʼaniʼya faino apateʼnisiya vayaʼmogimo muki aliʼnisaya yaʼamo apakaiʼapilefeʼmo oʼaniʼya yaʼmo haneʼniye. Apakesamo neʼafiya yaʼapifiʼe apakupi mafaʼnefiʼeʼmo oʼaniʼya yaʼmo havai teʼniyaʼmofeʼmae.

Himulu 13:9

Fiku yanageʼa mago vayaʼmogi aeto aeto agufa geletiʼmo lapayateʼmo heʼa lapavayu huliʼa ugayanagi ehetapiye. Alagepa kavanageno Gotiʼa fikumo lapa maeno nelapamiya gemoʼa lapaipa lapakesamo alino lokiya vaino lapategaiye. Neʼyafeʼmo, neyo, huʼa huge oʼneyo, huʼa huge nehaya gemoʼa lapaipa lapakesamo alino lokiya vaino olapategaiye. Ani gemo akame nehaya vayaʼmo hapa oʼmaeʼniye.

Himulu 9:10

Ani agufa kavaʼmo amega apakufale kavaʼmo haneʼniyana neʼyanagi aninagi sese nehaya kavanagi huno haneʼniye. Ani kavaʼmo haneme haneme neʼesigenoʼaeʼmo saufa afinaʼmo Gotiʼa alino alagepa huno apatesiya afinaʼmo afole aisigenoʼaeʼmo hano hugiye.