Maki 6:41 - The Keyagana NT and 25 OT books

⁴¹ Agaemo faefuʼa peleti mayaʼe lole noyamelaʼeʼmo aliʼneno alino maku huno kokuʼnategamo ageteno peleti mayamo alino auleno ateteno akaya heteno geʼamo neʼafiya vayaʼaina apamiʼnigeʼa aliʼa apamiʼnae. Ina kava huno lole noyamelaʼeʼmo alino akaya heteno apamiʼniye.

Maki 6:41 ပူးပေါင်းရင်းမြစ်များ

Matiyu 14:19

muki vayaʼaifeʼmo kahauleʼmo itopale maiyo, huno hapa paiteno faefuʼa peleti mayaʼe lole noyamelaʼeʼmo aliʼneno alino maku huno kokuʼnapi ageʼneno alino auleno ateteno peleti mayamo akaya heno geʼamo neʼafiya vayaʼmo apamiʼnigeʼa muki vayaʼaina apamiʼnae.

Matiyu 15:36

seveniʼa peleti mayaʼe noyameʼeʼmo aliʼneno Gotifeʼmo haoke heteno akaya heno geʼamo neʼafiya vayaʼmo apamiʼnigeʼa muki vayaʼaina apamiʼnae. Muki vayaʼamogimo neʼa apamu huʼnae.

Matiyu 26:26

Neʼyaʼmo neʼneʼapaeʼmo Yesuʼa peleti mayamo alino auleno ateteno nunumuʼmo huteno akaya heno geʼamo neʼafiya vayaʼmo apamitenoʼaeʼmo, mani peleti mayamo nagufaʼnimo haneʼniye.

Maki 14:22

Neʼyaʼmo neʼneʼapaeʼmo Yesuʼa peleti mayamo alino auleno ateteno akaya heno geʼamo neʼafiya vayaʼaina apamitenoʼaeʼmo, manimona nagufaʼnimogi alita neyo, huno huʼniye.

Maki 6:40

Ina kava huʼa fifitiʼa vayaʼmo maige vani hataletiʼa vayaʼmo maige huʼa kahauleʼmo fai maiʼnae.

Maki 6:42

Apamiʼnigeʼa aliʼa apamiʼnageʼa neʼa apamu huʼnae.

Maki 7:34

Maleteno kokuʼnategamo alino maku huno ageteno avamusa aiteno agaiʼa gefatiʼmo hunoʼaeʼmo, efata ina ge huno aino halo aino, huno ha paiʼnigeno

Maki 8:19

Nagaemo faefuʼa peleti mayamo aliʼna akaya heʼna faefu tauseniʼa vayaʼaina apamiʼnogetapaeʼmo atupaʼamo alita na magi hona yuvapafiʼmo maletapa havai teʼnae, huno apafi geʼnigeʼapaeʼmo, tuolofuʼae, huʼa huʼnae.

Luki 24:30

Hiʼyalamuteʼmo anakaeʼeʼmo magokepi siyateʼmo fai maiʼnenoʼaeʼmo peleti mayamo aliʼneno nunumuʼmo huno hao ke heteno akaya heno anamiʼniye.

Luki 9:16

Agaemo faefuʼa peleti mayaʼe lole noyamelaʼeʼmo aliʼneno kokuʼnategamo alino maku huno ageʼneno Gotifeʼmo hao ke heteno alino lo aeno akaya heno geʼamo neʼafiya vayaʼmo apamiʼnigeʼapaeʼmo alini uʼeʼa huʼa apamiʼnageʼapaeʼmo

Yoni 11:41

yafaʼmo aliʼa heleve huʼa ataleʼnagenoʼaeʼmo Yesuʼa alino maku huno kokuʼnategamo ageʼnenoʼaeʼmo, Afoʼnimogae, huno, geʼnimo ago afiʼnanaʼmofeʼmo kahao keʼmo nehove.

Yoni 17:1

Yesuʼa ani gemo ago hapa paitenoʼaeʼmo alino maku huno kokuʼnategamo ageʼnenoʼaeʼmo nunumuʼmo huʼniye. Afo, huno, ani afinaʼmo ago afole aiyanagi kagikaleʼmo alino asaga huno katesiyafeʼmo Mafaʼnekamo agiʼaleʼmo alika asaga huka ato.

Yoni 6:11

Yesuʼa peleti mayamo aliʼneno Gotifeʼmo hao ke heteno maiʼnaya vayaʼmo alino fako huno apamiteno noyameʼeʼmo ani kava huno alino apakaiʼapimo hapauʼniya agufa kavaʼmo huno apamiʼnigeʼa neʼnae.

Yoni 6:23

Magoʼe sipimo Taipiliyasi kotegatiʼmo eʼa Yesuʼa neʼyaʼmo Gotifeʼmo hao ke heteno apamiʼnigeʼa neʼnayategamo eʼnae.

Apa 27:35

muki vayaʼai apaulagaleʼmo peleti mayamo aliʼneno Gotifeʼmo hao ke heno nunumuʼmo huteno akaya heno aepa faino neʼniye.

Lomu 14:6

Mago vayaʼmogi Ala kava nefeʼmo apakesamo afiteʼapaeʼmo, aote afinaʼmo haneʼniye, huʼa nehae. Ameʼamo neʼnaya vayaʼmogi Ala kava nefeʼmo apakesamo afiteʼa nesayafeʼmo Gotifekeʼmo haoke nehae. Ameʼamo noʼnaya vayaʼmogi Ala kava nefeʼmo apakesamo afiteʼapaeʼmo Gotifekeʼmo haoke nehae.

1 Kolitiyani 10:31

Inagi lapakaemo muki kavaʼmo hisaya afinaʼmo neʼyaʼmo nege aniʼmo nege nehutapaeʼmo Goti agiʼalekeʼmo alita asaga hisayafekeʼmo muki kavaʼmo hiyo.

Kolosi 3:17

Muki agufa kavaʼmo huge muki agufa gemo huge nehisayana Ala kava neʼmo Yesu agiʼalefeʼmo hutetapa agaetetiʼmo afotimo Gotifeʼmo hao ke heta maiyo.

1 Samiyo 9:13

Lanakaemo taonifiʼmo utana haisaʼa afinaʼmo agaemo agegaʼae. Agesaʼageno agaemo neʼyaʼmo nesiyafeʼmo aise avefiʼmo uno haigiye. Vayaʼmogimo ofalini ameʼamo afaʼa oʼnegae. Hogoteno neʼageya vekamoʼmo ofalinimo alino auleno ategaiye. Atetesigeʼa henagaʼamo keya aeʼnigeʼa eʼnaya vayaʼmogimo neʼyaʼmo negae. Hemenimo afaʼa agegaʼaʼmofeʼmo utana haiʼao, huʼa hana paiʼnae.