Maki 6:31 - The Keyagana NT and 25 OT books

³¹ Ha paiʼnagenoʼaeʼmo, lagaitigeʼmo uta kaʼme kotega mago afinaʼmo maita haga legaune, huno hapa paiʼniye. Asole vayaʼmo uʼeʼa huʼnageʼapaeʼmo neʼyaʼmo nesaya kanaʼapimo alagi ohaneʼniyaʼmofeʼmae.

Maki 6:31 ပူးပေါင်းရင်းမြစ်များ

Matiyu 14:13

Yesuʼa ani gemo afitenoʼaeʼmo agaiʼageʼmo maisiyafeʼmo sipifiʼmo uʼa kaʼme kotegamo maiʼnae. Aniʼmo lakaeno uʼniye, huʼa huʼnageʼa afiteʼapaeʼmo asole vayaʼmo taoniʼafati taoniʼafatiʼmo eʼa akame huʼa visayafeʼmo ani agiʼnaleʼmo uʼnae.

Maki 1:45

Ani ge huʼniyaʼmonanafa neʼunoʼaeʼmo muki vayaʼaifeʼmo hapa pai male hapa pai male hulino uʼniye. Ina kavaʼmo huʼniyaʼmofeʼmo Yesuʼa muki vayaʼai apaulagaleʼmo taonifiʼmo afaʼa oʼuʼniye. Vayaʼmo oʼmaiʼnaya kotegamo uno maiʼnigeʼapaeʼmo agaetegamo muki haopalegatiʼmo ete ete huʼnae.

Maki 3:20

Yesuʼa halate noʼalega uno maiʼnigeʼapaeʼmo asole vayaʼmo eʼa aliʼa anupa huʼa maiʼnagenoʼaeʼmo Yesuʼe geʼamo neʼafiya vayaʼeʼmo neʼyaʼmo nesaya kanaʼapimo ohaneʼniye.

Maki 3:7

Yesuʼe geʼamo neʼafiya vayaʼeʼmo apataleʼa Galeliya kotega ani kotutegamo neʼvageʼapaeʼmo Galeliya kotegatiʼmo asole vayaʼmo apakame huʼa uʼnae. Asole vayaʼmogimo huʼniya kavafeʼmo ava gemo afiteʼapaeʼmo Yesutegamo Yutiya kotegati ege Yulusalemu taonifatiʼmo ege Itomiya haopaletiʼmo ege Yoneni aniʼmo mugagayaga faliga kotegatiʼmo ege Taiya taoni haopalegatiʼmo ege Saitoni taoni haopalegatiʼmo ege huʼnae.

Yoni 6:1

Henagaʼamo Yesuʼa ani kotuʼmo agiʼamo Galeliya ani kotuʼmo lakaeno mugagayaga faligamo uʼniye. Ani ani kotuʼmo alu agiʼamo Taipiliyasi ani kotune.