Maki 6:26 - The Keyagana NT and 25 OT books

²⁶ kini vekamoʼmo lusi kava huno aipamoʼmo kana huʼniye. Huʼniyaʼmonanafa hogoteno agoʼyamo ataleteno ge huʼnigeʼa magokepiʼmo lokaeʼa maiʼnaya vayaʼmogimo ago ageʼnayaʼmofeʼmo haʼao huno hisiyafeʼmo ohauʼniye.

Maki 6:26 ပူးပေါင်းရင်းမြစ်များ

Neniyo 6:14

Kini vekamoʼmo ani gemo afitenoʼaeʼmo agaiʼamo huʼniya kavafeʼmo lusi kava huno ohauʼnigeno Neniyoʼmo agufamo alino katino atesiya kavafekeʼmo agesa afime afime neʼvigeno yegemo uno lamino faleʼniye.

Matiyu 14:9

yagaino neʼapateya kini vekamoʼmo ani geeʼmo hau huʼniye. Hau huʼniyaʼmonanafa muki vayaʼai apaulagaleʼmo aʼmafaʼneʼaeʼmo agoʼyamo ataleno ha paiʼniyaʼmofeʼmo ati vekaeʼmo,

Maki 6:25

Huʼnigenoʼaeʼmo malage huno uno kini vekaeʼmo hunoʼaeʼmo, kagaemo Yoniʼa aniʼmo faleno neʼapateya vekamo lugoʼamo heka hatagauka agenopaʼamo alika yuvapafiʼmo maleteka alinikeka namiyo, huno huʼnigenoʼaeʼmo

Maki 6:27

Kini vekamoʼmo malage huno ati vekaeʼmo hunoʼaeʼmo, uka lugoʼamo heka hatagauka agenopaʼamo yuvapafiʼmo alika maleka alinika eno, huno huteno alino ateʼnigeno kalavusi nopiʼmo uno haino Yoni lugoʼamo heno hatagauno agenopaʼamo yuvapafiʼmo alino maleno alinineno ani aʼmafaʼnemo amiʼnigeno alininuno itaʼamoʼmo amiʼniye.