Maki 6:20 - The Keyagana NT and 25 OT books

²⁰ Helotiʼa hunoʼaeʼmo, Yoniʼmo aote vekamo fatago kavaʼage nehiya vekae, huno agesamo afiteno Yonifeʼmo koli huteno yagaino ateʼniyaʼmofeʼmo Helotiyasiʼa afaʼa oʼamagiʼniye. Helotiʼa Yoni geʼamo afiteno asole kavatefeʼmo akame huteno magoʼe huno afisiyafeʼmo hauʼniye.

Maki 6:20 ပူးပေါင်းရင်းမြစ်များ

1 Kini 21:20

Ha paiʼnigeno Ilaiyaʼmo Ehapitegamo uʼnigeno Ehapiʼmo Ilaiyafeʼmo ha painoʼaeʼmo, Kame vekaʼnimogae, huno, nagaefeʼmo kahauya hulikeka nageʼnapiye, huno huʼnigeno, Kagaeteʼmo hosu kavaʼmoʼa yagaino katesigeka Ala kava neʼmo aulagaleʼmo hosu kavaʼmo huka kalavusi aliʼyaʼamo alisanafeʼmo kagufamo maketi hu maleʼnanaʼmofeʼmo kagaefeʼmo kahauya huliʼneʼna kageʼnove.

2 Kini 6:21

Isaleli kini vekamoʼmo apaketenoʼaeʼmo Ilaisafeʼmo ha painoʼaeʼmo, Afoʼnimogae, huno, nagaemo kamitimo apamagisufiye, kamitimo apamagisufiye, huno ge huno afi geʼniyaʼmonanafa.

Hatu maeno apate'niya gemae 11:3

Ani gemo huno hapa paiʼnigenoʼaeʼmo Ala kava neʼmoʼa Isipi vayaʼmogimo Isaleli vayaʼaina fikumo hapa maeʼa apamisaya agufa apaipa apakesamo apamiʼnigeʼa ani konali yaʼmo fikumo apamiʼnae. Muki Isipi vayaʼmogi apaulagaleʼe Felo aliʼyaʼamo neʼaliya vayaʼai apaulagaleʼeʼmo Moseseʼmo ala agi vekamo maiʼniye.

Neniyo 4:18

Nagaemo kini vekamo Nepukanesaʼnamo alagamuna ageʼnova kavafeʼmo kaha pauve. Inagi Metasasao, huʼna, aepaʼamo alika nave liyo. Yagaiʼna neʼapatova vayapatiʼmo muki afiteʼa ageʼnaya vayaʼmogimo aepaʼamo afaʼa naha opaigayaʼmonanafa kagaemo afaʼa naha paigane. Apaote gotigi apauneʼapameʼmo kagae kaipafiʼmo maiʼnayaʼmofeʼmae, huno ha paiʼniye.

Neniyo 4:27

O kini vekamogae, huʼna, kaipa kagesa afi yaʼmo kamisuva gemo afisanafeʼmo nahauʼniye. Alagamuna kavaʼmo kagaeteʼmo afole aigiyanagi hosu kavakamo ataleteka fatago kavaʼmo huvo. Feʼno yaʼapimo ohaneʼniya vayaʼaitegamo hosu kavaʼmo osuka kahau huka apato. Gotiʼa alagepa huka maisanafeʼmo asole yaʼmo kamisifi okamisifigi amalageka huka ago, huno ha paiʼniye.

Neniyo 5:17

Neniyoʼa geʼaleʼmo aeno atagaina huno ha painoʼaeʼmo, Haʼao, huno, fikumo namisana yaʼmo kagaikamo afaʼa aligane. Kagaemo ani miyaʼmo alu vekamo amiganaʼmonanafa nagaemo ani gemo afaʼa lekana paiteʼna aepaʼamo kaha paiguve.

Matiyu 14:5

Helotiʼa Yoniʼmo kamitimo amagisiyafeʼmo huʼniyaʼmonanafa Yu vayaʼmogimo huʼapaeʼmo, Gotitegati gemo alinineno aeno hakalo huno hapa nepaiya vekamo maiʼniye, huʼa apakesamo afiʼnayaʼmofeʼmo vayaʼaifeʼmo koli huteno afaʼa ateʼniye.

Matiyu 21:26

Hugiyaʼmofeʼmo ma mopafi vayaʼmogimo lekana paiʼa ateʼnae, huta hisunana vaehae asole vayaʼmogi huʼapaeʼmo, Gotitegati gemo alinineno aeno hakalo huno hapa nepaiya vekae, huʼa nehayaʼmofeʼmo apakaefeʼmo koli hune, huʼa huʼnae.

Maki 11:18

Mono huʼa neʼapataya vayaʼaiteʼmo yagaiʼa neʼapataya vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo ani kavafeʼmo ava gemo afiteʼapaeʼmo amagisaya kafeʼmo kahauya huʼa maiʼnae. Muki vayaʼmogi geʼamo afiteʼa hapau aiʼnayaʼmofeʼmo agaefeʼmo koli huʼnae.

Maki 4:16

Mago avina yaʼmo yafa agotofuleʼmo asagauno aiʼniya avina yakana huʼa vayaʼmogi Goti geʼamo afiteʼapaeʼmo malage huʼa apamogaga neʼaiye.

Yoni 5:35

Yoniʼa lamugana huno aeno ha leʼniye. Lapakaemo aeno ha leʼniya yategamo etapa maiʼneta agaefeʼmo aise afinaʼmo amuse huʼnae.

Apa 2:12

Muki vayaʼmogi afiʼa hapau aiteʼa apakesa alaʼamo afiteʼapaeʼmo apakaiʼapi apakaiʼapimo huʼapaeʼmo, Ani kavaʼmo aepaʼamo na agufa kavane, huʼa ge huʼa apafige apafige huʼa maiʼnae.

Apa 5:24

Hogote vekamo mono huʼa neʼapataya vayaʼaiteʼmo yagaino neʼapateya vekagi alopa mono noteʼmo neʼyagaiya ati vayaʼaiteʼmo yagaiʼa neʼapataya vayanagi mono huʼa neʼapataya vayaʼaiteʼmo yagaiʼa neʼapataya vayanagi huʼa ani gemo afiteʼapaeʼmo, Haiya agufa kava huteʼa haiya katetiʼmo uʼa maiʼnae, huʼa huʼnae.