Maki 5:6 - The Keyagana NT and 25 OT books

^6-7 Agaemo afagitegatiʼmo Yesuna agetenoʼaeʼmo nagu nagu huno eno aiyafiʼmo aleʼya faiʼnenoʼaeʼmo alopa gefatiʼmo mono hunoʼaeʼmo, Yesuo, huno, Hogote vekamo anaga vekamo Goti mafaʼneʼamogae, huno, nagaetegamo na agufa kavaʼmo huka hisanafeʼmo neʼane. Goti agiʼaletiʼmo kagoʼyamo ataleteka hukaeʼmo, kagafu kisiya yaʼmo aliʼna okamiguve, huka naha paiyo, huno ha paiʼniye.

Maki 5:6 ပူးပေါင်းရင်းမြစ်များ

Samu 66:3

Lapakaemo Gotifeʼmo hutapaeʼmo, Alopa kavaʼmo nehanagetaeʼmo lahau aiteta kolikamo nehune. Lokiyakamo magoʼe huno alopa yaʼmo haneʼniyaʼmofeʼmo kame vayakamogimo kagaefeʼmo koli huteʼa apaleʼyamo nefaiye.

Samu 72:9

Kaʼme kotega maiʼnaya vayaʼmogimo agaeteʼmo ape huʼa maisageʼapaeʼmo kame vayaʼamogimo agaefeʼmo atete huteʼa apagoʼya faigae.

Maki 5:5

Muki afinaʼmo felugaʼe haniʼilagaʼeʼmo kanolufilagaʼe avelegaʼeʼmo umenitata nehunoʼaeʼmo lusi kava huno kage gage nehunoʼaeʼmo yafatetiʼmo agufamo heno hatagauno maiʼniye.

Luki 4:41

Inagi hosu apaune vayaʼmo asole vayaʼmogi apaipafatiʼmo emi eʼapaeʼmo, Goti mafaʼneʼamo maiʼnane, huʼa alopa gefatiʼmo huʼnae. Kalaisi vekamo maiʼniye, huʼa ago ageʼnayaʼmofeʼmo Yesuʼa hunoʼaeʼmo, ge osuta afa maiyo, huno hapa paiʼniye.

Apa 16:17

Ani aʼmafaʼnemoʼmo Poloʼe lagaeʼeʼmo lakame huno uneno nehunoʼaeʼmo alopa gefatiʼmo hunoʼaeʼmo, Ani vayaʼmogi Gotiʼa hogote vekamo anaga vekamo aliʼyaʼamo neʼaliya vayane. Gotiʼa lagufamo alino katino latesiya gemo aeʼa hakalo huʼa laha nepaiye, huno

Yemisi 2:19

Kagaemo Gotifeʼmo magoke vekamo maiʼniye, huka kagesamo afika fatago huʼnana kavaʼmo kanalene. Nehanaʼmonanafa hosu apaune vayaʼmogiʼeʼmo Gotiʼa maiʼniye, huʼa apakesamo afiʼa fatago nehuʼapaeʼmo atete nehae.