Maki 5:35 - The Keyagana NT and 25 OT books

³⁵ Ha nepaigeʼapaeʼmo mago vayaʼmo Yailasiʼa Yu vayaʼai monoteʼmo yagaiʼniya notegatiʼmo eʼapaeʼmo, aʼmafaʼnekamo ago faliʼnigi na kava higeka tisa vekamo alaga haesiya yaʼmo alika neʼamine, huʼa ha paiʼnae.

Maki 5:35 ပူးပေါင်းရင်းမြစ်များ

Matiyu 26:10

Yesuʼa ani gemo afitenoʼaeʼmo, na kava higetapa lusi kana yaʼmo alita neʼamiye. Nagaetegamo kanale alagepa kavaʼmo huʼniye.

Matiyu 26:18

alopa taonifiʼmo uta haitapa mago agesaya vekaeʼmo, Tisa vekatimoʼmo laha painoʼaeʼmo, nagae afinaʼmo alagi ago hogo huʼniye. Nagaeʼe geʼnimo neʼafiya vayaʼeʼmo nokafiʼmo Pasova neʼyaʼmo negaune, huno laha paiʼniye, hutapa ha paiyo, huno hapa paiʼniye.

Matiyu 9:18

Ani gemo hapa nepaigenoʼaeʼmo Yu monoteʼmo neʼyagaiya vekamoʼmo eno aiyafiʼmo ape huno aleʼya faino maiʼnenoʼaeʼmo, aʼmafaʼneʼnimo hemenimo ago faliʼnigeʼna eʼnogi uka agufaleʼmo kayaʼmo malegeno he tino, huno ha paiʼnigeno

Maki 10:17

Yesuʼa ugefeʼmo kateʼmo neʼvigenoʼaeʼmo mago vekamo nagu nagu huno eno aleʼya faiʼnenoʼaeʼmo, Alagepa tisao, huno, maige maige huʼna maisuva yaʼmo alisuvafeʼmo na kavaʼmo hisuve, huno afi geʼnigenoʼaeʼmo

Maki 5:22

Maiʼnageno Yailasiʼa Yu vayaʼai monoteʼmo neʼyagaiya vekamo eno Yesuʼa agetenoʼaeʼmo aiyafiʼmo agoʼya faino maiʼnenoʼaeʼmo, kahao ke hove, huno, aʼmafaʼneʼnimo aise afinaʼmo ago faligefe huʼnigeʼnaeʼmo huvanagi alagepa huno maisiyafeʼmo eka agufaleʼmo kayaʼmo maleka ato, huno lokiya gemo huno ge huno afigeʼnigenoʼaeʼmo

Luki 8:49

Ha nepaigenoʼaeʼmo mago yagaino neʼapateya vekamo notegatiʼmo mago vekamo eno avaʼyi hutenoʼaeʼmo, aʼmafaʼnekamo ago faliʼnigi tisa vekamo mago aliʼyaʼmo oʼamiyo, huno ha paiʼnigeno

Yoni 11:21

Mataʼa uno Yesuʼeʼmo fotu huteʼanaeʼmo, Ala kava nene, huno, manileʼmo maiʼnanesinana nasaʼnimoʼmo ofaliʼniyesinaʼmonanafa

Yoni 11:25

nagaemo faliʼnayatetiʼmo aliʼna he tiʼna apatege afaʼa maisaya yaʼmo apamige nehuve. Nagaefeʼmo apakesamo afiʼa fatago nehisaya vayaʼmo falisayana halate ago he tiʼa afaʼa maigae.

Yoni 11:28

Mataʼa ani gemo hutenoʼaeʼmo halate aino atagi neno uno vayaʼmogimo oʼafisayafeʼmo aganaʼamoʼmo Maliyafeʼmo sumi huno ha painoʼaeʼmo, Tisa vekamo ago eno manileʼmo avaʼyi huteno kagaefeʼmo eno, huno ge nehiye, huno ha paiʼnigeno

Yoni 11:32

Maliyaʼa Yesutegamo uno avaʼyi huteno aiyafiʼmo asagauno aino maiʼnenoʼaeʼmo, Ala kava nene, huno, manileʼmo maiʼnanesinana nasaʼnimoʼmo ofaliʼniyesine, huno ha paiʼnigenoʼaeʼmo

Yoni 11:39

Yesuʼa hunoʼaeʼmo, ani yafaʼmo alitapa heleve hulitutapa ataleyo, huno hapa paiʼnigeno Mataʼa faliʼniya vekamo asaʼamoʼmo hunoʼaeʼmo, Ala kava nene, huno, faliʼnigeta kita ateʼnonageno loleʼe loleʼe afinaʼmo ago uʼniyaʼmofeʼmo ago kano atumo aiʼniye, huno ha paiʼniye.

Yoni 5:25

Lama gemo lapa nepauve, huno, Mago afinaʼmo afole aigiyana ago afole aiʼniye. Nefaliya kavategamo maiʼnaya vayaʼmogi Goti mafaʼneʼamo geʼamo afaʼa afigae. Afiʼnisaya vayaʼmogi afaʼa maisaya yaʼmo aliteʼa maigae.