Maki 5:18 - The Keyagana NT and 25 OT books

¹⁸ Yesuʼa sipifiʼmo uno haiʼnigenoʼaeʼmo hosu apaune vayaʼmo aipafatiʼmo alino hapafaitaleʼniya vekamoʼmo hunoʼaeʼmo, kahao ke hove, huno, kagaeʼeʼmo ugesugi navalelika ugapiye, huno afi geʼnigenoʼaeʼmo

Maki 5:18 ပူးပေါင်းရင်းမြစ်များ

Samu 116:12

Ala kava neʼmoʼa nagaetegamo lusi kava huno alagepa kavaʼmo huʼniyaʼmofeʼmo anonaʼalefeʼmo na agufa yaʼmo amiguve.

Matiyu 4:24

Ani kavaʼmo huʼniya ava gemoʼmo muki Siliya kotegamo aino atagu faeno uneno huʼnigeʼa afiteʼapaeʼmo muki alu kaita alu kaitaʼmo hapauʼniya vayanagi lusi kava huno apakafu nekiya vayanagi hosu apaune vayaʼmo apaipafiʼmo maiʼnaya vayanagi hafosa neʼapamagiya vayanagi kanage kanaga osuʼa neʼmaiya vayanagi huʼa agaetegamo apavaleli eʼa apateʼnageno alino hapageno apateʼniye.

Maki 5:15

Apakaemo Yesutega eʼa agayana hosu apaune vayaʼmo aipafatiʼmo alino hapafaitaleʼniya vekamoʼmo kukena yaʼmo vaiteno mopafiʼmo fai maiʼnigeno agesamo aino halo aiʼnigeno maiʼnigeʼa eʼa ageteʼapaeʼmo koli huʼnae.

Maki 5:16

Ani kavaʼmo ageʼnaya vayaʼmogimo hosu apaune vayaʼmo aipafiʼmo maiʼnaya vekaeʼmo ava ge huge afu anagaʼaifeʼmo apava gemo huge huʼa hapa paiʼnae.

Maki 5:17

Hapa paiʼnageʼa afiteʼapaeʼmo Yesufeʼmo huʼapaeʼmo, kahao ke honanagi mani koteʼmo ataleka uvo, huʼa ha paiʼnae.