Maki 5:14 - The Keyagana NT and 25 OT books

¹⁴ Ani afuleʼmo yagaiʼnaya vayaʼmo apaune heʼuʼa taonifiʼmo maiʼnaya vayaʼaifeʼmo hapa paige alu haopalega uʼa hapa paige huʼnageʼa afiteʼapaeʼmo agesayafeʼmo eʼnae.

Maki 5:14 ပူးပေါင်းရင်းမြစ်များ

Matiyu 7:6

Gotitegatiʼmo aote yaʼmo alitapa kalamo oʼapamiyo. Lapakaemo alopa miyatetiʼmo miya nefaiya sesumo alita yaga autapa afu anagaʼmo oʼapamiyo, fiku apaiyaletiʼmo aeʼa latapaiteʼa lapaegae.

Matiyu 8:33

Ani afu anagaʼaiteʼmo yagaiʼa neʼapataya vayaʼmo apaune hetaleʼuʼa taonifilagamo muki huʼniya kavafeʼmo ava gemo huʼa hapa paige Yesuʼa ani lole vekalaʼani anaipafiʼmo hosu apaune vayaʼmo maiʼnaya vekalaʼanitegamo huʼniya kavafeʼmo ava gemo huʼa hapa paige huʼnae.

Maki 5:13

Yesuʼa hunoʼaeʼmo, kanalenagi afaʼa viyo, huno huʼnigeʼa hosu apaune vayaʼmo aipafatiʼmo emi eʼa tu tauseniʼa agufa afu anagaʼai apaipafiʼmo faleʼuʼa haiʼnageʼapaeʼmo aulafifatiʼmo nagu nagu huʼa uʼa lamiʼa ani kotupiʼmo asagauʼa aiteʼa aniʼmo neteʼa faliʼnae.

Maki 5:15

Apakaemo Yesutega eʼa agayana hosu apaune vayaʼmo aipafatiʼmo alino hapafaitaleʼniya vekamoʼmo kukena yaʼmo vaiteno mopafiʼmo fai maiʼnigeno agesamo aino halo aiʼnigeno maiʼnigeʼa eʼa ageteʼapaeʼmo koli huʼnae.

Luki 8:34

Ani afu anagateʼmo neʼyagaiya vayaʼmogi ani kavaʼmo ageteʼapaeʼmo apaune hetaleʼa uʼa taonifiʼe muki haopalegaʼeʼmo ani kavafeʼmo ava gemo huʼa hapa paiʼnageno aino atagu faeno uneno huʼniye.