Maki 4:8 - The Keyagana NT and 25 OT books

⁸ Mago avina yaʼmo alagepa mopafiʼmo asagauno aiteno hageno haineno alagamo aeʼniye. Tetiʼamo aege sigisitiʼamo aege vani hataletiʼamo aege huʼniye.

Maki 4:8 ပူးပေါင်းရင်းမြစ်များ

Aepa Gemae 26:12

Aisakiʼa ani mopaleʼmo avina yaʼmo hakaleʼnigeno Ala kava neʼmoʼa ha maeno alino auleno ateʼnigeno neʼyaʼmo hageteno ani kafugafiʼmo magoʼe huno asole neʼyaʼmo afole aiʼniye.

Aiyeya 58:1

Ala kava neʼmoʼa hunoʼaeʼmo, Kagaemo oʼataleka alopa gefatiʼmo keya ao. Kagaemo pikulimoʼmo age neʼaiya agufa gemo huka alopa gefatiʼmo keya aeka ge huvo. Kagaemo vayaʼnimo Yekopu nofi vayaʼaifeʼmo geʼnimo amagiʼa neʼatalaya hosu kavaʼapieʼmo hapa paiyo.

Matiyu 13:23

Mago vayaʼmogi Goti geʼamo afiteʼapaeʼmo gemo aepaʼamo alagepa huʼa afiʼnaya vayaʼmo alagepa mopafiʼmo asagauno aiʼniya avina yakana huʼa maiʼnae. Apaipafatiʼmo alagamo aeʼniye. Mago vayaʼamogimo vani hataletiʼa alagamo aege mago vayaʼamogimo sigisitiʼa alagamo aege mago vayaʼamogimo tetiʼa alagamo aege huʼnae, huno hapa paiʼniye.

Matiyu 13:8

Mago avina yaʼmo alagepa mopafiʼmo asagauno aiteno hageno uno haiteno magoke yosafatiʼmo vani hataletiʼamo aege sigisitiʼamo aege tetiʼamo aege huʼniye.

Maki 4:20

Mago avina yaʼmo alagepa mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo aliʼa apaipafiʼmo neʼmalagenoʼaeʼmo tetiʼa alagamo aege sigisitiʼa alagamo aege vani hataletiʼa alagamo aege huʼa neʼmaiye, huno hapa paiʼniye.

Maki 4:7

Mago avina yaʼmo aufe nofiʼmo haneʼniya mopafiʼmo asagauno aiʼnigeno aufe nofiʼmoʼa hageno haiʼneno kino ati kaeʼnigeno alagamo oʼaeʼniye.

Maki 4:9

Gemo afisaya lapakesamo haneʼnisiyaʼmoʼmo ani gemo afiyo, huno hapa paiʼniye.

Luki 8:15

Mago avina yaʼmo alagepa mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo aliʼa lama ge apaipamo kanale apaipafiʼmo maleteʼapaeʼmo alagepa kateʼmo uge uge huʼa maiʼneʼapaeʼmo alagepa alagamo neʼae.

Luki 8:8

Mago avina yaʼmo alagepa mopafiʼmo asagauno aiteno hageno haitenoʼaeʼmo vani hataletiʼa alagamo aeʼniye. Gemo neʼafisaya lapakesamo haneʼnisiyana mani gemo alagepa huta afiyo, huno hapa paiʼniye.

Yoni 15:5

Nagaemo nofiʼagana huʼna maiʼnogetapa nofi akopaʼagana hutapa maiʼnae. Naote maige lapaote maige huʼnisunana lapakaemo mago kavaʼmo afaʼa osugayaʼmofeʼmo nagaepiʼmo alagi maiʼnisageʼna lapakaepiʼmo alagi maiʼnisugetapaeʼmo asole alagamo afaʼa aegae.

Yoni 7:17

Ina lagimo Gotiʼa hauʼniya kavaʼmo hisayafeʼmo hapauʼnisifigeʼna aliʼna apaya neʼmalova geeʼmo huʼapaeʼmo Gotitegatiʼmo eʼnifi agaiʼa aipafatiʼmo nehifi huʼa afaʼa afigae.

Apa 17:11

Meliya vayaʼmogimo ani gemo afiʼnageno apakesamo aino halo aiʼnigeʼa Tesalonaika vayaʼmo aeʼa apakaseʼa magoʼe huʼa alagepa huʼa afiʼnae. Apakaemo muki afinaʼae afinaʼaeʼmo Poloʼa lama gemo nehifi, huʼa apakesamo afiteʼa Goti Mukufiʼmo haneʼniya geeʼmo kahauya huʼa agege lekana paige huʼa maiʼnae.

Efasasi 2:21

Agaepiʼmo muki yaʼaleʼmo atafauʼneno Ala kava neʼmo aote mono noʼamo kime kime uno nehaiye.

Kolosi 1:6

Alagepa faigoko geʼamo lapakaeteʼmo eno afole aiʼniya gemoʼa ma mopafi muki haopalegaʼeʼmo eno afole aiteno neʼyaʼamo alino neʼate. Mani gemo Gotiʼa fikumo hapa maeno neʼapamiya gemo afitetapaeʼmo lama gemo haneʼniye, hutapa afiʼnaya afinatetiʼmo lapakaepatiʼeʼmo neʼyaʼmo alino neʼate.