Maki 4:35 - The Keyagana NT and 25 OT books

³⁵ Ani afinaʼmo uneʼamo Yesuʼa geʼamo neʼafiya vayaʼaifeʼmo hapa painoʼaeʼmo, mugagayaga faliga vigetao, huno huʼniye.

Maki 4:35 ပူးပေါင်းရင်းမြစ်များ

Matiyu 14:22

Yesuʼa muki vayaʼmo neʼyaʼmo ago apamiʼnigeʼa netagenoʼaeʼmo Yesuʼa geʼamo neʼafiya vayaʼaifeʼmo hapa painoʼaeʼmo, sipifiʼmo uta hogoʼneteyo, huno hapa paiteno muki vayaʼaifeʼmo, notapilegamo he tita viyo, huno hapa paiʼniye.

Matiyu 8:18

Yesuʼa apakeyana asole vayaʼmogi eʼa faiʼa vego huʼa ateʼnageno apaketenoʼaeʼmo geʼamo neʼafiya vayaʼaifeʼmo, mugagayaga faligamo lakaeta vigetao, huno hapa paiʼniye.

Maki 5:21

Yesuʼa halate aniʼmo lakaenuno mugagayaga faligamo kahaepaleʼmo maiʼnigeʼapaeʼmo asole vayaʼmo eʼa aliʼa anupa huʼa maiʼnae.

Maki 6:45

Yesuʼa malage huno geʼamo neʼafiya vayaʼaifeʼmo hunoʼaeʼmo, sipifiʼmo uta haitetapa uta hogoteta aniʼmo mugagayaga faliga Metasaita taonifiʼmo neʼvigeʼnao, huno huteno asole vayaʼmo alino apateʼnigeʼa uʼnae.

Luki 8:22

Mago afinaʼmo Yesuʼe geʼamo neʼafiya vayaʼeʼmo sipifiʼmo uʼa haiʼa maiʼneʼapaeʼmo, ani kotuʼmo mugagayaga faligamo lakaeta ugune, huno hapa paiʼnigeʼapaeʼmo ani kotu agiʼnaletiʼmo ataleʼa uʼnae.

Luki 8:25

Yesuʼa hunoʼaeʼmo, lapakesamo afita fatago huʼnaya kavatapimo haiyaʼaleʼmo haneʼniye, huno ge huno apafi geʼnigeʼapaeʼmo koli huteʼa apakaiʼapimo huʼapaeʼmo, yasimoʼe aniʼmoʼeʼmo geʼamo afiʼnaʼagi mani vekamo na agufa vekamo maiʼnenoʼaeʼmo nehiye, huʼa huteʼa hapau aiʼnae.

Yoni 6:1

Henagaʼamo Yesuʼa ani kotuʼmo agiʼamo Galeliya ani kotuʼmo lakaeno mugagayaga faligamo uʼniye. Ani ani kotuʼmo alu agiʼamo Taipiliyasi ani kotune.

Yoni 6:25

Ani kotuʼmo mugagaya faligamo lakaeʼuʼa avaʼyi huteʼa Yesuʼmo maiʼnigeʼa ageteʼapaeʼmo, Tisao, huʼa, hainu afinaʼmo manileʼmo eka maiʼnane, huʼa afi geʼnagenoʼaeʼmo