Maki 4:32 - The Keyagana NT and 25 OT books32 Aise avina yaʼmo haneʼniyaʼmonanafa fai maleʼnigenoʼaeʼmo hagenuno haino alopa hetenoʼaeʼmo muki neʼyaʼamo ago aeno aga seno akopamo aeʼnigeʼa nama anagaʼmogimo akopaʼamo ulinapiʼmo apanoʼmo nekiye, huno hapa paiʼniye. အခန်းကိုကြည့်ပါ။ |
Maki 4:32
15 ပူးပေါင်းရင်းမြစ်များ
Hosu vayaʼai kateʼmo hani huʼniye. Asagauʼa aiʼnageno apaiyafiʼmo nehapaigeʼapaeʼmo na agufa yateʼmo laiyafiʼmo lahaeʼnifi huʼa oʼageʼnae. Oʼageʼnayaʼmonanafa yegemo netepiʼmo haineteno leme leme haineno magoʼe huno leno lokiya neʼviya kava huʼa fatago vayaʼmo neʼvaya kateʼmo magoʼe huʼa alagepa huʼa uʼa haiʼa hapaigae.
Alagepa alagamo neʼaeya yosamo yahaofilaga yosamo haneʼniya folagapiʼmo haneʼniya kava huno nahau nayamopafiʼmo neʼnahaiya vekaʼnimo ve mafaʼne anagaʼai folagapiʼmo maiʼniye. Nagaemo lusi yegemo nelegeʼnaeʼmo ani yosamo ulunapiʼmo itopaleʼmo maiʼneʼnaeʼmo lusi kava huʼna namogaga aiʼnove. Ani yosa alagamo lagiʼna neʼnogeno navayafilagatiʼmo lusi kava huno haga neʼnahaiye.
Vayaʼmogimo naote aveʼnileʼmo muki kotegamo kaveta osuge aliʼa hosu huʼa oʼapatege huteʼa alagepa huʼa maigae. Aniʼmoʼa muki solovala aniteʼmo aino ati nekaeya kava huno Ala kava nefeʼmo ava gemo afiʼnaya gemoʼmo muki haopalegamo hanegaiyaʼmofeʼmo muki vayaʼmogi aliʼa hosu huʼa oʼapatege oʼapamagige huteʼa alagepa kavaʼage huʼa magokepiʼmo lokaeʼa maigae.
Yasimo neʼaliya afinaʼmo yafa kapiʼmo uʼa fala nekiya yafa kaʼapigana huno mago vekamo maigiye. Agaemo lusi kava huno lokiya yasimo alige ko aige hisigeʼapaeʼmo hapa maesiyafeʼmo uʼa fala kisaya koʼapigana huno maigiye. Agaemo hau huʼniya kotegamo alopa aniʼmo uno nelamiya anikana huno maige alagaʼmo nehapaeya kotega alopa yafaʼmo auneʼagana huno maige hugiye.
ကြော်ငြာတွေ