Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Maki 4:26 - The Keyagana NT and 25 OT books

26 Hapa paitenoʼaeʼmo, Ina kava huno Gotiʼa yagaino apateʼniya kava huno mago vekamoʼmo avina yaʼmo hoyafiʼmo nehakale.

အခန်းကိုကြည့်ပါ။ ကော်ပီ




Maki 4:26
24 ပူးပေါင်းရင်းမြစ်များ  

Hosu vekamoʼmo aliʼyaʼaletiʼmo miyaʼamo hano hisiya miyaʼmo aligiyaʼmonanafa avina yaʼmo nehakalaya kava huno fatago kavaʼmo huʼniya vekamoʼmo henagaʼamo alagi alagepa miyaʼmo aligiye.


Lapakaemo avina yatapimo muki lanitani aniʼmo haneʼniya mopafiʼmo hakalege aliʼyaʼmo neʼaliya ve pulumaka anagatapiʼmogiʼe noki anagatapiʼmogiʼeʼmo uʼa aliʼyaʼmo alisayafeʼmo afaʼa apatalege nehisaya vayaʼmogitapae, huno, aulena vayaʼmo maiʼnae, huno huʼniye.


Gotiʼa yagaino neʼapateya kavafeʼmo ava gemo aepaʼamo alino fala ki maleʼniya aepaʼamo ago lapamiʼniyaʼmonanafa apakaemo oʼapamiʼniye.


Magoʼe huno aeno kalafefa gemo huno hapa painoʼaeʼmo, Gotiʼa yagaino neʼapateya kavaʼmo mago hoyagana huno haneʼniye. Mago vekamoʼmo hoyaʼafiʼmo alagepa avina yaʼmo hakale maleʼniye.


Agaemo aeno kalafefa gefatiʼmo magoʼe gemo huno hapa painoʼaeʼmo, avina yaʼmo nehakaleya vekamoʼmo avina yaʼmo hakalesiyafeʼmo uʼniye.


Yesuʼa magoʼe huno aeno kalafefa gemo huno hapa painoʼaeʼmo, Gotiʼa yagaino neʼapateya kavaʼmo haneʼniya kava huno mago vekamoʼmo masateti avina yaʼmo hoyaʼafiʼmo fai maleʼniya avina yakana huno haneʼniye.


huno huteno Yesuʼa magoʼe huno aeno kalafefa gemo huno hapa painoʼaeʼmo, Gotiʼa yagaino neʼapateya kavaʼmo haneʼniya kava huno mago aʼmoʼa falaovafiʼmo neʼataya yaʼmo agiʼamo yisimo alino alopa falaovafiʼmo ate maleʼnigenoʼaeʼmo uneno huno muki falaovafiʼmo aliʼyaʼmo aliʼnigeno aeno apafu nele, huno hapa paiʼniye.


Hapa painoʼaeʼmo, Gotiʼa vayaʼaiteʼmo yagaino apatesiya afinaʼmo alagi ago hogo huʼniyanagi lapaipamo alita afe leyo, huno hapa paino maiʼniye.


Yesuʼa ani haopalegamo uno aepa faino aeno hakalo huno hapa painoʼaeʼmo, Gotiʼa vayaʼaiteʼmo yagaino apatesiya afinaʼmo ago hogo huʼniyanagi lapaipamo alita afe leyo, huno hapa paino maiʼniye.


Aliʼnaya vayaʼaina magoʼe huno alino apamigiye. Oʼaliʼnisaya vayaʼai apayapatiʼmo aiseʼamo aliʼnisaya yaʼmo hapafaleno atalegaiye, huno hapa paiʼniye.


Haniʼilagamo havaege felugamo umenitata huge nehigenoʼaeʼmo avina yaʼmo nehageyaʼmonanafa ageno aeto nosiye.


Agaemo hunoʼaeʼmo, Gotiʼa yagaino neʼapateya kavaʼmo haiya agufa kavakana huno haneʼniye. Gotiʼa yagaino neʼapateya kavafeʼmo haiya agufa gemo huʼna aeʼna kalafefa gemo huguve.


Aeʼna kalafefa gemo nehuva gemo aepaʼamo haneʼniyana avina yakana huno Goti geʼamo haneʼniye.


mago vekamoʼmo avina yaʼmo hakalesiyafeʼmo uʼniye. Neʼunoʼaeʼmo yaga auno ataleme ataleme uʼnigenoʼaeʼmo mago avina yaʼmo kateʼmo asagauno aiʼnigeʼapaeʼmo vayaʼmo uʼeʼa huʼapaeʼmo aeʼa latapaiʼnageno nama anagaʼmogimo eʼa neʼnae.


Lama gemo lapa nepauve, huno, Avina yaʼmo mopafiʼmo ohakaleʼnisayana magoke avina yaʼmo alagi hanegaiyaʼmonanafa hakale maleʼnisageno falitenoʼaeʼmo halate hageteno asole avina yaʼmo aegaiye.


Aliʼa nanu aeʼa neʼapataya vayaʼmogimo magoke apaipa aliʼa neʼmaiya afinaʼmo vase vase huʼa avina yaʼmo nehakalagenoʼaeʼmo fatago kavaʼmoʼmo alagaʼmo aegekana huno afole neʼaiye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ