Maki 4:16 - The Keyagana NT and 25 OT books

¹⁶ Mago avina yaʼmo yafa agotofuleʼmo asagauno aiʼniya avina yakana huʼa vayaʼmogi Goti geʼamo afiteʼapaeʼmo malage huʼa apamogaga neʼaiye.

Maki 4:16 ပူးပေါင်းရင်းမြစ်များ

Matiyu 13:5

Mago avina yaʼmo yafa agotofuleʼmo aise mopamo haneʼniya yateʼmo asagauno aiteno aise mopamo haneʼniyaʼmofeʼmo malage huno hageʼniye.

Maki 4:15

Mago avina yaʼmo kateʼmo asagauno aiʼniya avina yakana huʼa vayaʼmogi Goti geʼamo neʼafigenoʼaeʼmo Sataniʼa eno apaipafiʼmo hakaleʼniya gemo alinino neʼviye.

Maki 4:17

Apamogaga neʼaiyaʼmonanafa hafuʼya oʼaeʼniyaʼmofeʼmo aise afinaʼmo maiʼnagenoʼaeʼmo hanageke kavaʼmo afole neʼaifi Goti geʼamo noʼafiya vayaʼmogi apaini huʼa neʼapatafi huʼa nehageʼapaeʼmo malage huʼa asagauʼa neʼaiye.

Maki 6:20

Helotiʼa hunoʼaeʼmo, Yoniʼmo aote vekamo fatago kavaʼage nehiya vekae, huno agesamo afiteno Yonifeʼmo koli huteno yagaino ateʼniyaʼmofeʼmo Helotiyasiʼa afaʼa oʼamagiʼniye. Helotiʼa Yoni geʼamo afiteno asole kavatefeʼmo akame huteno magoʼe huno afisiyafeʼmo hauʼniye.

Luki 8:13

Mago avina yaʼmo yafa agotofuleʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo apamogaga neʼaiye. Hafuʼyamo mopafi oʼaeʼniya agufa kavaʼmo huʼa yoka apakesamo afiʼa fatago huʼnagenoʼaeʼmo apamalageka nehiya afinaʼmo ataleʼa ago asagauʼa neʼaiye.

Yoni 5:35

Yoniʼa lamugana huno aeno ha leʼniye. Lapakaemo aeno ha leʼniya yategamo etapa maiʼneta agaefeʼmo aise afinaʼmo amuse huʼnae.

Apa 26:28

Agalipaʼa hunoʼaeʼmo, aise afinaʼmo Kalisitini vekamo hamalesuvafeʼmo nagesamo alika naha nepaine, huno ha paiʼnigenoʼaeʼmo,

Apa 8:13

Saimoniʼeʼmo agesamo afino fatago huʼnigeno aniʼmo faleno ateʼnigenoʼaeʼmo Filipiʼeʼmo lokaeno maiʼneno ageyana Filipiʼa noʼagaya agufa himamu kavaʼmo huʼnigeno agetenoʼaeʼmo lusi kava huno hau aiʼniye.