Maki 4:15 - The Keyagana NT and 25 OT books

¹⁵ Mago avina yaʼmo kateʼmo asagauno aiʼniya avina yakana huʼa vayaʼmogi Goti geʼamo neʼafigenoʼaeʼmo Sataniʼa eno apaipafiʼmo hakaleʼniya gemo alinino neʼviye.

Maki 4:15 ပူးပေါင်းရင်းမြစ်များ

Aepa Gemae 19:14

Inagi Lotiʼa uno lamino ayemoʼalaʼmoganifeʼmo hana painoʼaeʼmo, Ala kava neʼmoʼa mani taonimo alino hano huno atalesiyafeʼmo hiyanagi mani taonifatiʼmo ataletana he titana viʼao, huno hana paiʼniyana ayemoʼalaʼmoganimo afaʼa kigi yokalo gegeʼmo nehiye, huʼana anakesamo afiʼnaʼae.

Aiyeya 53:1

Ina laʼmo aeta hakalo huta hapa nepauna geeʼmo agesamo afino fatago huʼniye. Ala kava neʼmoʼa ina laʼmo agufamo alino katino atesiya himamuʼamo alino ave liʼnigeno ageʼniye.

Matiyu 13:19

Mago vayaʼmogi Gotiʼa yagaino neʼapateya kavafeʼmo ava gemo afiteʼapaeʼmo alagepa huʼa noʼafisayana hosu vekamoʼmo eno apaipafiʼmo hakaleʼniya avina yaʼmo hapa faleno alinino neʼviye. Ina kava huno kateʼmo asagauno aiʼniya avina yakana huno haneʼniye.

Matiyu 22:5

Uʼa hapa paiʼnayaʼmonanafa geʼapimo oʼafiʼa atagu faeʼa u eʼa huʼnae. Mago vekamo hoyaʼalega uʼnigeno mago vekamo aliʼyaʼalega uʼniye.

Matiyu 4:10

Yesuʼa hunoʼaeʼmo, Sataniyo, huno, ataleka kaune ho. Mukufiʼmo avoʼmo kae maleʼniya gemoʼmo hunoʼaeʼmo, Ala kava netapimo Gotitapimofekeʼmo mono hutetapa agaekeʼmo akame hiyo, huno avoʼmo kae maleʼniye, huno ha paiʼnigeno

Maki 4:14

Avina yaʼmo nehakaleya vekamoʼmo Goti geʼamo nehakale.

Maki 4:16

Mago avina yaʼmo yafa agotofuleʼmo asagauno aiʼniya avina yakana huʼa vayaʼmogi Goti geʼamo afiteʼapaeʼmo malage huʼa apamogaga neʼaiye.

Maki 4:4

Avina yaʼmo yaga hume hume uʼnigenoʼaeʼmo mago avina yaʼmo kateʼmo asagauno aiʼnigeʼa namamogi eʼa neʼnae.

Luki 8:12

Mago avina yaʼmo kateʼmo asagauno aiʼniya avina yakana huʼa vayaʼmogi Goti geʼamo afitagenoʼaeʼmo Sataniʼmo eno ani gemo apaipafatiʼmo alinino neʼviye. Sataniʼa hunoʼaeʼmo, fiku yanageʼa geʼaeʼmo apakesamo afiʼa fatago hisageno Gotiʼa apakufamo alino katino apategaiye, huno agesamo neʼafiye.

Apa 17:32

Poloʼa hunoʼaeʼmo, faliʼniyatetiʼmo ago he tiʼniye, huno hapa paiʼnigeʼa afiteʼapaeʼmo mago vayaʼamogimo huʼa faipa huʼa ateʼnageʼapaeʼmo mago vayaʼamogimo, Ani kavafeʼmo ava gemo magoʼe huta afigesune, huʼa ha paiʼnae.

Apa 5:3

Pitaʼa hunoʼaeʼmo, Ananaiyasiyo, huno, Na kava higeka Sataniʼmo ateʼnanageno kaipafiʼmo faleno uno haiʼnigeka mago vekamoʼmo mago mopamo miya faiʼniya monimo alika fako huka maleteka eka Goti Aunemeʼaeʼmo aigofe gemo huʼnane.

2 Kolitiyani 2:11

Fiku yanageno Sataniʼa humi lateteno aeno lagasegaiye. Na agufa kavaʼmo alino afole aino atesiyafeʼmo hauʼnifi huta ageʼnone.

2 Tesaloniyani 2:9

Afole aiteno Satani himamuʼaletiʼmo lokiya alagena aune kavaʼmo noʼagaya aigofe aune kavaʼmo hugiye.

Himulu 12:16

Isoʼa kumai kavaʼmo huge mono osuno aote kavafeʼmo, afa kavaʼmo haneʼniye, huno huge huʼniye. Isokana huno maiʼnisiya vekamo lapakaeʼeʼmo oʼmaisiyafeʼmo kava yagaitapa maiyo. Isoʼa yege mafaʼnemo maiʼniyaʼmonanafa aise neʼyaʼmo miya faisiyafeʼmo yege mafaʼnemogi neʼaliya yaʼmo ha maesiya yaʼamo maketi huno fiku ago ataleʼniye.

Himulu 2:1

Ani kavaʼmo huno maiʼniyaʼmofeʼmo aniʼmoʼa mago yaʼmo alinino neʼviya kava huno fiku yanageno lavalelino visigeta agaetetiʼmo afiʼnona gemo ataleta ugunanagi magoʼe huta afita alagepa huta afigetao.

1 Pita 5:8

Kametapimo Sataniʼa kaekae nehiya laiyonigana huno maiʼnenoʼaeʼmo vayaʼmo hapaesiyafeʼmo umenitata nehiyanagi lapau maiʼmai osutapa alagepa huta kava yagaitapa maiyo.

Leveleseni 12:9

Aliʼa hapa faiʼa apataleteʼa alopa nagaloʼyavemo akeyaʼvilaga maiʼniya nagaloʼyavemoʼmo aigofe geʼaletiʼmo muki ma mopafi vayaʼmo apakesamo nefaiya nagaloʼyavemo aliʼa hafaiʼa ataleʼnageno ma mopafiʼmo asagauno aiʼniye. Mago agiʼamo Nevoʼae ani agimo aepaʼamo haneʼniyana huno faipa huno neʼapateya vekamae. Mago agiʼamo Sataniʼae ani agimo aepaʼamo haneʼniyana kame vekamae. Apakaemo agaeʼe enisole vayaʼaʼeʼmo aliʼa hapafaiʼa apataleʼnageʼa ma mopafiʼmo asagauʼa aiʼnae.

Leveleseni 20:10

Nevoʼmo apayate aliʼniya vekamo yafapiʼmo neleya sofa ata kotupiʼmo alino yaga auno ataleʼniye. Afela afuʼe aigofe aune vekaʼeʼmo maiʼnaʼa kopiʼmo alino yaga auno ataleʼniye. Apakaemo felugaʼe haniʼilagaʼeʼmo alagi apakafu kino hano osuno apakafu kige kige huno maigiye.

Leveleseni 20:7

Vani tauseniʼa kafugamo ago utesigenoʼaeʼmo enisole vekamoʼmo Sataniʼmo kalavusifatiʼmo hatu maeno ategaiye.