Maki 4:12 - The Keyagana NT and 25 OT books

¹² Agege agege huʼa maigayana ageʼa aeto osuge afige afige huʼa maigayana afiʼa aeto osuge huʼa maisayafeʼmo aeʼna kalafefa gemo huʼna hapa nepauve. Afiʼa aeto huteʼa aiʼa atagineʼa Gotitegamo esageno hosu kavaʼapimo afaʼa alino oʼatalesiyafeʼmo aeʼna kalafefa gemo huʼna hapa nepauve, huno hapa paiʼniye.

Maki 4:12 ပူးပေါင်းရင်းမြစ်များ

Aiyeya 43:8

Lapakaemo apaulagamo ali huʼniyaʼmonanafa apaulagamo haneʼniya vayaʼe apakesamo akaniʼniyaʼmonanafa apakesamo haneʼniya vayaʼeʼmo apavalelitapa eyo.

Maki 8:18

Lapaulagamo haneʼniyaʼmonanafa oʼageʼnafiye. Lapakesamo haneʼniyaʼmonanafa oʼafiʼnafiye. Huʼnova kavafeʼmo ago lapake kaniʼnifiye.

Luki 8:10

Yesuʼa hunoʼaeʼmo, lapakaemo Gotiʼa yagaino neʼapateya kavaʼmo alino fala ki maleʼneno ago alino afole aino ateʼniya geeʼmo aeʼna kalafefa gemo huʼnova gemo aepaʼamo lapakaemo afaʼa afigayaʼmonanafa mago vayaʼmogimo alagi oʼafigae. Apakaemo agegayaʼmonanafa ageʼa aeto osuge afigayaʼmonanafa afiʼa aeto osuge hisayafeʼmo ani aeʼna kalafefa gemo huʼna hapa nepauve.

Apa 3:19

Ani kavaʼmo huʼniyaʼmofeʼmo lapaipamo alitapa afe legenoʼao Gotiʼa hosu kavatapimo alino ataleteno aipamoʼmo falu huno lapateno.

2 Timoti 2:25

Goti aliʼyaʼamo neʼalisiya vekamoʼmo gemo amagiʼa neʼatagaya vayaʼaifeʼmo himuʼnamu gefatiʼmo osuno vase vase gemo huno alino api aino apategaiye. Gotiʼa apakaemo lama gemo afiteʼa agesayafeʼmo apaipamo alino afe leno apatesifi, huteno vase vase gefatiʼmo hugiye.

Himulu 6:6

Ageteʼapaeʼmo alagi ataleʼa asagauʼa aiʼnayaʼmofeʼmo halate apaipamo aliʼa afe lesaya kaʼmo alagi ohaneʼniye. Apakaemo Goti Mafaʼneʼamo malipu yosaleʼmo nili aiʼnaya kava huʼa apaipafiʼmo halate ani agufa kavaʼmo nehuʼapaeʼmo vayaʼai apaulagaleʼmo agiʼaleʼmo aliʼa afepi neʼatayaʼmofeʼmae.