Maki 3:7 - The Keyagana NT and 25 OT books

^7-8 Yesuʼe geʼamo neʼafiya vayaʼeʼmo apataleʼa Galeliya kotega ani kotutegamo neʼvageʼapaeʼmo Galeliya kotegatiʼmo asole vayaʼmo apakame huʼa uʼnae. Asole vayaʼmogimo huʼniya kavafeʼmo ava gemo afiteʼapaeʼmo Yesutegamo Yutiya kotegati ege Yulusalemu taonifatiʼmo ege Itomiya haopaletiʼmo ege Yoneni aniʼmo mugagayaga faliga kotegatiʼmo ege Taiya taoni haopalegatiʼmo ege Saitoni taoni haopalegatiʼmo ege huʼnae.

Maki 3:7 ပူးပေါင်းရင်းမြစ်များ

Matiyu 10:23

Mago taonifatiʼmo apaini huʼa lapatesagetapaeʼmo ataletapa lapaune hetaletapa alu taonifiʼmo viyo. Lama ge lapa nepauve, huno, lapakaemo muki Isaleli vayaʼai taoniʼafi taoniʼafiʼmo uteta hutapa hano osuʼnisagenoʼaeʼmo Vemo mafaʼnemo eminegaiye.

Matiyu 12:15

Yesufeʼmo ani ava gemo huʼnaya gemo ago afitenoʼaeʼmo ani kotetiʼmo ataleno uʼnigeʼa asole vayaʼmo akame huʼa uʼnagenoʼaeʼmo alu kaita alu kaitaʼmo hapauʼniya vayaʼmo alino hapageno apateʼniye.

Matiyu 12:16

Gotitegati gemo alinineno aeno hakalo huno hapa nepaiya vekamo agiʼamo Aiyeyaʼa huʼniya gemo afole aisiyafeʼmo Yesuʼa hunoʼaeʼmo, Nava gemo hutapa hapa opaiyo, huno hapa paiʼniye.

Matiyu 4:25

Muki asole vayaʼmo Galeliya haopalegatiʼmo ege Nekapolisi haopalegatiʼmo ege Yulusalemu taonifatiʼmo ege Yutiya haopalegatiʼmo ege Yoneni aniʼmo mugagayaga faliga haopalegatiʼmo ege huʼa eʼa akame huʼnae.

Maki 1:39

Huno huteno muki Galeliya kotegamo umenitata huno muki asole mono nopiʼmo aeno hakalo huno hapa paige hosu apaune vayaʼmo alino hapafaino apatalege huʼniye.

Maki 1:45

Ani ge huʼniyaʼmonanafa neʼunoʼaeʼmo muki vayaʼaifeʼmo hapa pai male hapa pai male hulino uʼniye. Ina kavaʼmo huʼniyaʼmofeʼmo Yesuʼa muki vayaʼai apaulagaleʼmo taonifiʼmo afaʼa oʼuʼniye. Vayaʼmo oʼmaiʼnaya kotegamo uno maiʼnigeʼapaeʼmo agaetegamo muki haopalegatiʼmo ete ete huʼnae.

Maki 3:20

Yesuʼa halate noʼalega uno maiʼnigeʼapaeʼmo asole vayaʼmo eʼa aliʼa anupa huʼa maiʼnagenoʼaeʼmo Yesuʼe geʼamo neʼafiya vayaʼeʼmo neʼyaʼmo nesaya kanaʼapimo ohaneʼniye.

Maki 4:1

Halate Yesuʼa Galeliya kotega ani kotu agiʼnaleʼmo aepa faino alino apaya maleʼniye. Asole vayaʼmo agaetegamo eʼa aliʼa anupa huʼa maiʼnagenoʼaeʼmo sipifiʼmo uno haino fai maiʼniye. Sipimo anipiʼmo haneʼnigeʼa ani agiʼnaleʼmo maiʼnae.

Luki 23:5

lokiya gefatiʼmo huʼapaeʼmo, Galeliya kotegatiʼmo aepa faino alino apaya maleme maleme eno manile Yutiya kotegaʼeʼmo alino apaya malenoʼaeʼmo muki vayaʼmogi hosu kavaʼmo hisayafekeʼmo alino he tino apateʼniye, huʼa ha paiʼnae.

Luki 6:12

Mago afinaʼmo Yesuʼa nunumuʼmo hisiyafeʼmo avefiʼmo uno haino ani haniʼilagamo Gotifeʼmo nunumuʼmo huge huge nehigeno

Luki 6:17

Avefatiʼmo Yesuʼe apakaeʼeʼmo emi eʼa otuleʼmo he tiʼa maiʼnae. Asole vayaʼmo geʼamo neʼafiya vayanagi muki Yutiya haopalegatiʼmo ege Yulusalemu taonifatiʼmo ege ani haigifatiʼmo Taiya taonifatiʼe Saitoni taonifatiʼeʼmo ege huʼnae. Geʼamo afisayafeʼmo ege kaitaʼapimo alino hapageno apatesiyafeʼmo ege huʼa eʼa maiʼnae.

Yoni 7:41

Mago vayaʼamogi huʼapaeʼmo, Mesaiya vekamo maiʼniye, huʼa huʼnageʼapaeʼmo mago vayaʼamogi huʼapaeʼmo, haʼao, Mesaiya vekamo Galeliya kotegatiʼmo oʼmegaiye.

Yoni 7:52

Kagaemo Galeliya kotega vekamo maiʼnapiye. Magoke vekamo Gotitegati gemo alinineno aeno hakalo huno hapa nepaiya vekamoʼa Galeliya kotegatiʼmo afole oʼaiʼniye. Kagaemo kahauya huka ageka lekana paika afiyo, huʼa ha paiteʼa

Apa 17:10

Hani nehigeʼapaeʼmo konagaʼanimogimo Poloʼe Sailasiʼeʼmo aliʼa anateʼnageʼana Meliya taonifiʼmo uʼana avaʼyi huʼnaʼae. Uʼana avaʼyi huteʼana Yu vayaʼai mono nopiʼmo uʼa haiʼana Goti geʼamo hapa paiʼnaʼae.

Apa 17:14

Ani kavaʼmo nehageʼapaeʼmo konagaʼamogimo Poloʼmo aliʼa ateʼnageno uno lamino solovalategamo maiʼnigeʼanaeʼmo Sailasiʼe Timotiʼeʼmo Meliya taonifiʼmo maiʼnaʼae.

Yasuva 20:7

Ani gemo afiteʼapaeʼmo inagi apakaemo Kiʼnesi taonimo Galeliya kotega Nafatali vayaʼmogi aveleʼmo haneʼniya taonimo lekana paige Sikemi taonimo Ifalemi vayaʼmogi aveleʼmo haneʼniya taonimo lekana paige Kayatama taonimo alu agiʼamo Himoni taonimo Yuta vayaʼmogi aveleʼmo haneʼniya taonimo lekana paige huʼnae.