Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Maki 3:22 - The Keyagana NT and 25 OT books

22 Keʼaepa gemo aliʼa apaya neʼmalaya vayaʼmo Yulusalemu taonifatiʼmo eʼapaeʼmo, Mielisemuliʼa aipafiʼmo maiʼniye. Hosu apaune vayaʼaiteʼmo yagaino neʼapateya vekamo himamuʼaletiʼmo hosu apaune vayaʼmo vayaʼai apaipafatiʼmo alino hapafaino neʼapatale, huʼa huʼnae.

အခန်းကိုကြည့်ပါ။ ကော်ပီ




Maki 3:22
14 ပူးပေါင်းရင်းမြစ်များ  

Inagi mago afinaʼmo Isaleli vayaʼmogi kini vekamo Ahayaiyaʼmo noʼafiʼmo mago anagamo aeno hanagi maleʼniya yapiʼmo maiʼnigenoʼaeʼmo ani anaga agotofulega yosamo aino lo aeʼnigeno mopafiʼmo asagauno aino haeno alino hosu huno ateʼniye. Haeno alino hosu huno ateʼniyaʼmofeʼmo mago vayaʼaifeʼmo hapa painoʼaeʼmo, Utapa Ekaloni vayaʼmogi gotiʼapimoʼmo Meyayimafeʼmo, Nagaemo nahagesifi naha okesifigi ge hutapa afi geyo, huno huteno alino apateʼnigeʼa uʼnae.


Huʼnayaʼmonanafa nagaemo vayakana huʼna oʼmaiʼnofa hagifagana huʼna maiʼnogeʼapaeʼmo ina agufa vekamo maiʼniye, huʼa huteʼa apakameʼyamo neʼnamiye.


Mago vekamoʼmo alino aya neʼmaleya vekagana huno maiʼnisiyana kanalene. Ani kava huno mago aliʼyaʼamo neʼaliya vekamoʼa aliʼyaʼmo afoʼamokana huno maiʼnisiyana kanalene. Vayaʼmogimo afamo anaga aepa vekaeʼmo Satani agiʼamo Mielisemuligae huʼa huteʼa huʼa faipa huʼa neʼatesayana agae afamo anaga vayaʼaifeʼmo magoʼe huʼa huʼa faipa huʼa apategae.


Yoniʼa eno neʼyaʼe aniʼeʼmo oʼneno mosino maiʼnigeʼapaeʼmo ohapauʼnigeʼa hosu aune vekamo aipafiʼmo maiʼniye, huʼa huʼnae.


Huʼa huʼnageʼa Falasi mono vayaʼmogimo afiteʼapaeʼmo, hosu apaune vayaʼai ala kava neʼapimo Mielisemuliʼa himamuʼamo amiʼnigenoʼaeʼmo hosu apaune vayaʼmo alino hapa faino neʼapatale, huʼa huʼnae.


Ani afinaʼmo Falasi vayaʼe keʼaepa gemo avoʼmo kaeʼa aliʼa apaya neʼmalaya vayaʼeʼmo Yulusalemu taonifatiʼmo Yesutegamo eʼapaeʼmo,


Huʼnayaʼmonanafa Falasi mono vayaʼmogi huʼapaeʼmo, hosu apaune vayaʼaiteʼmo yagaino neʼapateya vekamo himamuʼaletiʼmo hosu apaune vayaʼmo alino hapafaino neʼatale, huʼa huʼnae.


Falasi mono vayaʼe keʼaepa gemo avoʼmo kaeʼa aliʼa apaya neʼmalaya vayaʼeʼmo Yulusalemu kotegatiʼmo Yesutegamo eʼa aliʼa anupa huʼa maiʼnae.


mago vayaʼmogimo huʼapaeʼmo, Miyelisimuli himamuʼaletiʼmo hosu apaune vayaʼmo alino hapa faino neʼapatale, huʼa huʼnageʼapaeʼmo


Mago afinaʼmo Yesuʼa mago nopiʼmo uno haino alino apaya neʼmalegeʼapaeʼmo Falasi vayanagi keʼaepa gemo avoʼmo kaeʼa aliʼa apaya neʼmalaya vayanagi huʼa Galeliya kotegatiʼmo muki taoniʼafatiʼmo ege Yutiya kotegatiʼmo muki taoniʼafatiʼmo ege Yulusalemu taonifatiʼmo ege huʼa eʼa Yesu haopaleʼmo aliʼa anupa huʼa maiʼnae. Yesuʼa Ala kava neʼmo himamuʼamo aliʼnenoʼaeʼmo alino hapageno apateʼniye.


Yulusalemu taonifiʼmo hopa afinaʼmo alopa mono no kitamo yakiʼnaya afinafeʼmo apakesamo afisayafeʼmo hopa afinaʼmo afole aiʼniye. Ani afinaʼmo yasimo neʼaliya afinaʼmogeno Yesuʼa ani alopa mono noʼmo kapaʼamo osuʼnaya noʼmo agiʼamo Salomoni hiyato nopiʼmo uneno huno maiʼniye.


muki asole vayaʼmogimo huʼapaeʼmo, kaipafiʼmo hosu aune vekamo maiʼniye. Ina laʼmo kamagisiyafeʼmo nehiye, huʼa afi geʼnagenoʼaeʼmo,


Yesuʼa ani gemo hapa paiʼnigeʼapaeʼmo, lagaemo kagaefeʼmo hutaeʼmo, Sameliya vekamo maiʼnigeno hosu aune vekamo aipafiʼmo maiʼniye, huta nehune. Lama gemo nosupiye, huʼa afi geʼnagenoʼaeʼmo,


Hemenimo lagaemo afiʼnonana hosu aune vekamo kaipafiʼmo maiʼniye, huta ago afiʼnone. Emalehamuʼa ago faliʼnigeʼa Gotitegati gemo alini eʼa aeʼa hakalo huʼa hapa nepaiya vayaʼmo ago faliʼnayaʼmonanafa kagaemo hukaeʼmo, geʼnimo akame nehaya vayaʼmo ofaligae, huka nehane.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ